هايكسب امتى بقى ؟؟؟؟؟

انا مش قصدى بموضوعى ده استفزاز لاى حد

دى اول حاجه

بس بجد والله سؤال تاعبنى رغم أهلويتى الشديده جدا والناس عارفه انى التراس اهلاوى
بس صعبان عليا جمهور الزمالك
بجد والله مش شماته
بس لحد امتى ؟؟؟
يعنى ايه كل اسبوع يتحرق دمهم فى ماتش
ويعنى ايه كل يوم يتحرق دمهم بلاعب عامل مشاكل
ويعنى ايه ....... ويعنى ايه .......

النادى ده هيكسب امتى ؟؟؟؟

حد يجاوبنى

وانا بتفرج على ماتش الزمالك النهاردة كنت مبسوط وشمتان فيهم
انا بقول بكل امانه ومش بكدب
اه شمتان ومش مكسوف وانا بقولها
بس لما شفت الجمهور بعد الجون اللى دخل فيهم اتضايقت
وفرحت بردو بجون ميدو

بس انا عايز اقول حاجه
مين شاف عمرو زكى وهو بيكلم المساعد قبل الطرد ؟؟
ومين شاف ميدو وهو قاعد فوق لاعب مصاب وبيكلم الحكم ؟؟

فيه حاجات بسيطه ممكن الناس ماتاخدش بالها منها
الحاجات دى مهما كانت بساطتها ممكن تلخص كيان كامل
وده نادى الزمالك بكل امانه
ولحد ما يتصلح حاله
هنفضل نقول ....
ها يكسب امتى بقى ؟؟

وربنا معاهم بكل امانه
اقصد الجمهور طبعا

No comment

اما بقى يا حوده حكايه انك التراس اهلاوي فدي حاجه سوري يعني مش لذيذه خالص
يا جميل

تسلم ع التوبيك وع الشماته يا مودي

لا ياهبه

انا قلت فى الاول ان دى مش غلاسه على حد
والله فعلا صعبان عليا الناس
واولهم ابن اختى اللى للأسف طلع غلط فى العيله زمالكاوى
بشوفه دايما محروق دمه وبتضايق عشانه

وموضوع الالتراس ده مش عيب
وبجد بجد بجد مش حاجه وحشه ابدا
احنا ناس بنشجع نادينا قبل الماتش وطول الماتش وبعد الماتش
وشكلنا بيبقى حلو جدا فى الملعب
ولينا مبادىء محترمه ماشيين عليها
وكل ده حاجات كويسه مش وحشه
كفايه اننا نقلنا اسلوب التشجيع فى مصر نقله كانت محتاجه على الاقل 15 سنه
وكفايه اننا اخدنا تكريم باننا احسن جمهور فى افريقيا
وعلى فكرة الصورة اللى فى توقيعك التراس بردو
اللى هما الوايت نايتس بتوع الزمالك

على فكره انا اتأكدت من العيب الى كان نفسى اعرفه فى الزمالك هو ايه

هو ان مجلس الاداره بيدلع اللعيبه لحد اما العيبه امثال
زكى وميدو وشيكابلا وجمال حمزه يركبو النادى ( لا مأخده على اللفظ)

هل لو عمر زكى فى الاهلى هيروح للحكم ويكلمه
ويحمل فريقه انه يلعب 10 لعيبه ووممكن برده ان ده سبب فى التعادل
كان ممكن لو فضل فى الملعب كان جاب جون مثلا
انما هو لاعب مش محترم
خليه بقى فى الاهلى
مش هيفكر يروح للحكم
لان فى اداره هو عامل حسابها
انما عمووووره باشا مش عامل حساب لحد
وده ضعف فى الاداره انهم مش قادرين يسيطرو على
الجماعه الى عاملين فيها نجوم
خلينا نتكلم بواقعيه

على فكره يا هبه
محمود بيكلم صح
بغض النظر هى شماته او مش شماته
بس دى الحقيقه

حسبى الله ونعم الوكيل

معاك يا عبد الرحمن كلامك صح
وعارفه ان محمود بيتكلم صح
بس احنا نصيبنا كده بقى
هعمل ايه
طب والله انا خلاص اخدت ع الزعل يعني بقى وضع طبيعي ليا ان الزمالك يكون كده
اخدت ع كده خلاص

بجد مبقتش لقيه رد اقوله او ادافع بيه عنهم بجد كلامك صح
مودى بس احنا هنفضل وراهم مهما حصل والظاهر كدة اتعودنا على الحزن
وفعلا ميدو وعمرو ذكى لو كانوا فى الاهلى عمرهم مكانو هيعملوا كدة ودة راجع لضعف الادارة
وحاجة مهمه جدااااااا ضعف الجمهور ايضا لو كانوا شايفين ان فى جمهور هيحسبهم لما يعملوا الخطا كانوا خافوا

طب كويس والله ان فيه ناس زملكاويه هنا فى التوبيك
انا كونت مفكر اننا خلاص خلصنا ههههههههههههههههههههههه

الزملكاوية كتير يا جماعه و الله بس هما بس بداوا ينقرضوا ههه انا زملكاوية للنخاع و هنفضل نحب الزمالك ان شالله يكون فى المركز الاخير برده هانشجعه و هانفضل وراه لان دى عيب فى جيل للاسف و هو جيل الاعبين الحالى و ليست غلطة نادى و يا ريت الكل يصبر ان شاء الله الفرج جاى اى نعم مش عارفين جاى امتى بقالنل خمس سنين بس يللا نستنى شوية كمانهههههههههههههههههه

ميرسى ليكم على التفاعل ياجماعه

بس على فكرة يا بوسى الموضوع مش موضوع جيل
لان تقريبا اللاعيبه اتغيرت بالكامل باستثناء حراس المرمى وبردو نفس المشكله
ومفيش نادىفى الكون كله بيلعب كورة بتاريخه
والكورة مابتديش غير للى يديها فى الملعب
ونصيحه من اخ بيحبكم
شجعوا النادى وافضلوا حبوه لأنى متأكد ان ده غصب عنكم
بس ماتستنوش منه حاجهلانه خلاص خلص

» الحق نفسك !!!!!! هاتموت امتى ؟؟؟؟ لو تعرف امتى ماتدخلش !!!
» امتى تقول حمرااااااا !!!!!!
» امتى حسيت بالفشل
» نتيجة رابعة هاتظهر امتى
» امتى اقول "stop" وكفاية لحد كدة ؟؟؟