نفسى يا مصر

نفسى امسح لك دموعك
نفسى انور لك شموعك


نفسى ارسم بسمة فى عيون الصبايا
نفسى اشوف الفرحة فى عيون الحيارى


نفسى اشوف نيلك بيروى كل ارض
نفسى اصونك واحمى فيك كل عرض


نفسى اشوف الشرطى والمواطن اخوة
نفسى اشوف فى كل شاب شهامة ونخوة

نفسى اشوف انتخابات نزيهة وحرة
ووزير يتنحى لما يغلط..تمام زى بره

ومسؤل يتحاسب جدمش هزار
نفسى يطلع عليك مرة النهار


نفسى يجى يوم و ما اشوفش فيكى كوسة
نفسى فى وزارة متحطناش فى الف حوسة


نفسى يجى يوم شعبك يكون حاكم لنفسه
نفسى فى صاحب رائ مش مهدد بحبسه

نفسى اشوف كل الشوارع نضيفة
نفسى كل نفوسك تبقى عفيفة

نفسى مااشوفش فيكى عاطل
نفسى ما اشوفشى فيكى فاسد ولا باطل

نفسى اشوف فيكى ابحاث وعلم
نفسى احقق فيكى اى حلم

نفسى اشنق كل غاصب اغتصب فيكى فتة
نفسى ارجع لاطفالك احلى حياة

نفسى اجيب لك حته من السما
نفسى اشوف فى كل بيت حب وهنا

نفسى فى صرخة تصحى كل ضمير
نفسى اشوف ارضك ماليها الخير

نفسى فى صرخة تصحى كل ولادك
نفسى اشوف فيكى صحوة عبادك

نفسى يا اما تصرخى وتقولى اااااااااه
الفساد وصل فى بلدنا منتهاه


نفسى اشوف مصر الابية فى توب جديد
نفسى الاقيها مرة فرحانة فى يوم العيد


Not Mine

Be closer كتب:

نفسى اجيب لك حته من السما
نفسى اشوف فى كل بيت حب وهنا

و الله عجبتنى جدا جدا

يسلم الى كتبها

و رربنا يخلى الى نقلها

تسلمى يا بيور ع القصيدة الهايلة اوى دى

ميرسى جدا جدا

طيب اعمل ايه فى الرد الجميل ده
مرورك اضاف للقصيدة يابى كلوزر
اسعدتنى وبجد ميرسى ليك

Mr Horas كتب:

بجد القصيده تاثر في اي حد
جميل معناها وجميله كلماتها
جميل كل حاجه فيها وكل كلمه ليها معنه غير التاني
فعلا تسلم ايد اللي كتب
وطبعا اللي نقل يسلم اكتر
علشان ورانا حاجات حلوه زي دي
تسلمي بيور

منورنى يا محمد
ميرسى لكلامك بجد
ومبسوطة انها عجبتك

ميرسى ليكى يا شروق

القصيده حلووووووووووووووه اوووى وكلامتها جميله ومؤثره
يسلم اللى كتب وتسلم اللى نقلت
هايله يا كوكو

دا ايه الوطنية دى كلها

حلوة يختي كميلة عثولة يانونو

تسلمي ياقمرة ع النقل الجميل

حبايبى الحلوين وجايين ورا بعض كمان
منورة يا كوكو انتى وهى
تسلمولى يا رب

رووووووووووووووووووووووووووووووعة ....

و بجد انتي جبتي فيها المفيد .... بس المشكلة انك بتتكلمي عن ( المدينة الفاضلة ) لان مصر

صعب او بالاصح مستحيل تبقي زي مانتي نفسك تبقي ... ((( مش قصدي اعقدك و الله ))

..........................

بس بجد كلمات ف منتهي الجمال ... و ماسيبتيش فكرة الا لما قلتيها ...

...........................

ميرسي و اي خدعة

تسلمى لى يا ايمى
ويارب مصر تتحسن
وتبقى عكس كل التوقعات


ميرسى يا هبة على مرورك اسعدتيييييينى

ميرسى ليكى يا رحيق
اسعدنى مرورك