ايه هي المواد اللي عندك ؟

بسم الله الرحمن الرحيم

لو سمحتوا علشان نلحق نساعد بعض بسرعة ارجو ان واحد من كل سنه يحط
اسماء المواد اللي عنده ...عناوين الموضوعات في كل ماده
والمطلوب فيها ايه

وباذن الله هنلاقي حل مع بعض

اولا ميرسى جدا ع فكره التوبيك دى

تانى حاجه انا فى تانيه اساسى انجليزى
وماشاء الله عندى 8 مواد
دراما
تاريخ لغه
تاريخ ادب
كتابه
فونولوجى
استماع
نظم التعليم
اداره مدرسيه
كل ده مع التدريبس المصغر

ياريت بقى لو حد فاهم حاجه فى اى حاجه فى دول يقولى عشان افهم
لاحسن متهيالى الامتحانات قربت

انا عارف يا جماعه ان عندكوا المواد دي انا بقي عايز عناوين الدروس اللي في الكتب دي
علشان لو موجود عندي حاجه في مكتبتي اجيبهالكوا

تسلم يا احمد بجد ع المساعدة
اولا اختك فى 4 اساسى انجليزى
ربنا يستر السنه دى
المواد اللى عندنا هى اه نفس السنه اللى فاتت بس
الدكاترة اتغيروا
نجوى القمر رحلت
ولا احمد ثابت
وبشير
كل الدكاترة اللى احنا متعودين عليهم مشوا
وجه بدلهم شويه زى الفل
هيكرمونا كرم يا احمد
دعواتك بجد
شكلك نفدت من الكليه دى
عقبالنا

ميرسى جدا ياأحمد عالتوبيك ده
اولا انا اولى عام انجليزى بعيد عنك يعنى
والمواد اللى عندى عربى
تاريخ لغه
صوتيات
استماع
قصه
مهارات كتابيه
دراما
تربيه بيئيه
التربيه وقضايا العصر
انما عناوين المواضيع اسأل فيها حد تانى لان انا اصلا مش عارفقه المواد بننكلم عن ايه

لا عناوين مين بقى
انا كفايه اوى انى اعرف اسامى المواد اللى عندى واسامى الدكاتره
لكن عناوين دى صعب اوى
المشكله تقريبا محدش معايا فى الدمفعه مشترك فى المنتدى
وشكلى كده هافضل لايصه فى المواد دى
ربنا يستر يارب

ميرسى كتيييير على مساعدتك انا تانيه عام انجليزى اما موادنا بقى دراما وقصه وتاريخ ادب وصوتيات وكتابه ودى بقى اللى قرفانى دكتور برسوم وتدريس مصغرواستماع

دا دكتور برسوم دا جميل جدا ..... انتي لو بتاخدي كورس في ال Paragraph معاه يبقي انتي في نعمه كبيره جدا ... انا بتكلم بجد ....الوحيد اللي بيفهم بطريقه سليمه شكل وهيكلة ال paragraph . وانا علي استعداد لو كنتي بتاخدي براجراف مش ايسي اني اوضحلك اي حاجه في طريقة تشكيله والمصطلحات زي modulater و developer والحجات دي
انتي أأمري بس يا ساسو

ايوه اشرحولى كل حاجه بخصوص الكتابه دى
والطرق اللى فيها
لان عندى تسليم 30 براجراف الاسبوع الجاى ومش عارفه اعملهم

يا ريت يا احمد تشرحلنا الmodulators , developer و الحاجات دى لانى مش فهماها خالص ربنا يكرمك و انا كنت محتاجة اى نصيحة فى تاريخ اللغة لانى شلتها السنة اللى فاتت و هامتحنها السنة دى فيا ريت توضحلى نظام اى امتخان للدكتورة فاطمة حسبى الله و نعم الوكيل فيها ارجو الاهتمام منك يا احمد

مرسيه يا احمد انا اولي اساسي انجليزي وعندي صوتيات ودي مش فاهمة فيها حاجة خالص واتمني مساعدتك ليا في المادة دي عشان بس اعدي وعندي كمان دراما وترجمة وقصة اما المواد العربي مش مشكلة لاني الحمد لله بذاكرهم اول باول

انا اولي عام انجليزي

عندنا قصة animal farm .. rubbien
عندنا دراما rider to the sea ... merchant of venice ...candida
وعندنا تاريخ لغة ومواضيعه كتيرة زي old english , borrwing words,creating words ومواضيع كتيرة يعني مش هقدر اكتبها كلها

وعندنا مهارات كتابية ودي بتعرفنا ازاي نكتب براجراف صح ويكون منظم

وعندنا استماع listening
وعندنا كمان الصوتيات ومواضيعها برده كتير زي. vowels . syllable وازاي نعمل transcription للكلمة

والمواد التربوي تلاتة زي تربية بيئية وتربية وقضايا العصر ومدخل الي النحو العربي

وبشكرك علي فكرة الموضوع

بس ليا طل لو سمحت لو عرفت تقولولنا بتشتغلو من قاموس ايه يكون مرجع لينا التلات سنين ان شاء الله

وبرده لو طريقة الامتحان بتيجي ازاي في اي مادة من المواد اللي ذكرتهالك

اسفة علي الاطالة

» المواد الدراسيه للفرقه الاولى انجليزى عام .
» المواد الدراسيه للفرقه الثانيه أساسي
» المواد الدراسيه للفرقه الثانيه عام :
» المواد الد راسيه للفرقه الثالثه :_
» المواد الدراسيه للفرقه الرابعه :_