حرام دا ولا حلال..؟؟ ( هاااااااام جدااااااا )

السلام عليكم ورحمة الله و بركاته

ازيكم يا شباب و بنات عاملين ايه ؟؟ يارب تكونوا بخير

انا جاي النهاردة و جايبلكم معايا موضوع مهم اووي اووي و متضايق منه ع الاخر

حرام دا ولا حلال..؟؟

انا دايماًَ بلاحظ ان الحاجه دي فى الشعوب العربية فقط و عمري ما لاحظتها فى الشعوب الغربية ابداً ليه مش عارف ؟؟

احنا ليه يا جماعة لما بنلاقى اى واحد غلبان اووي او واحد عنده تخلف او واحد عقله علي قده ..

بنقعد نتريق عليه و بنقعد نتحكم فيه و نخوفوه و بنجبروه علي انه يعمل حاجه غصب عنه و للأسف هو لازم يعمل الحاجه دي لانه بيبقى خايف او مش فاهم ايه معناها ..

والله العظيم حصلت قدامي موقف بجد انا كنت علي آخري من اللي شوفته ومش عارف مسكت نفسى ازاي ..

انا كنت بشتري شويه حاجات كالعادة وانا فى المحل لاقيت واحد جاي لصاحب المحل يشتري منه حاجات و الراجل اللى جاي يشتري دا انا اعرفه بس معرفه سطحيه مش اووي يعنى ..
الراجل
دا عنده حوالي 46 سنة يعنى مش صغير و كمان متجوز و عنده اولاد بس مشكلته
هي صعوبة النطق و الفهم و عنده حالة بتخليه دايماً بيخاف من اللي قدامه
حتي لو كان عيل صغير .

بعد
ما الراجل دا دخل علشان يشتري انا اتفاجئت بصاحب المحل و هو عمال يتريق
عليه و عمال يضرب فيه و بيجبره علي انه يعمل حاجات مفيش بني ادم يعملها و
الله العظيم يا جماعة لو تشوفوا شكل الراجل وهو بيتعمل فيه كدا محدش
هايصدق ان صاحب المحل دا راجل مؤمن و عارف ربنا او حتي مسلم ..
و
الراجل الكبير دا قاعد يعيط من اللي بيتعمل فيه بس للأسف هو بينفذ اللي
بينطلب منه لآنه خايف و مش عارف يعمل ايه و المشكلة بقى ان صاحب المحل دا
واخد الموضوع بهزار و فرحان باللي هو بيعمله و المشكلة الاكبر بقى ان صاحب
المحل دا يجي من دور اولاد الراجل الكبير دا ..

طبعاً انا شوفت الكلام دا وكمان الراجل الكبير دا صعب عليا و الله كنت هارتكب جريمة قتل

جيت بكلم صاحب المحل و بقوله مش حرام اللي انت بتعمله دا ..

يقوم يرد بكل برود و يقولي , ياعم سيبك هو فرحان بكده دا اهبل ياعم فكك ..

طيب ازاي الراجل الكبير دا فرحان و ازاي بيعيط من اللي بيتعمل فيه ؟؟

يا
جماعة و الله العظيم ربنا هايحاسبنا علي اللي بيحصل دا كله ,, احنا ليه
بقينا كده معتش فيه حد عنده ولا دين ولا نخوة ولا عزة ولا كرامة ولا شهامة
ولا اى حاجه خالص ..

لييييييه بقيييييينا كدددده ؟؟

نفسى الاقى حد يجاوبني علي السؤال دا بجد لاني متضايق مش عاوز اقولكم ازاي

واسف ع الاطالة ..

و مستني تعليقاتكم

واللة الموضوع مهم جداااااااااااا
بس معتشي في حد بيقدر الناس
وممكن يكون الراجل اللي عندة صعوبة في الكلام كان عاقل جداااا
وحصل ظروف وصلتة للي هو فية
وكمان حسبي اللة ونعم الوكيل في صاحب المحل
وفي الاخر كما تدين تداااااااااااااااااااااااان

عندك حق والله يا ياايارا
وفعلا كما تدين تدان
نورتى التوبيك

بجد حاجه تدايق وتزعل ليه الناس بقيت بتفرح في الام ووجع الناس

ليه احنا بقينا كده

ربك يمهل ولا يهمل

تقبل مروري

لاء ده معتش خير الايام دى حرام عليهم كده والله المفروض تحترموا حتى لو عبيط علشان الاسلام قال كده انما صاحب المحل بيتهايف وفاكر نفسه ظريف ودمه خفيف انما هو معندوش دم انوا يعمل فى راجل كبير كده ميرسى يا محمود على التوبيك ده

شكرالمشاركتك غادة الكاميليا
نورتى

شكرا لردك الوردا الحمرا
نورتى التوبيك

لا اله الا الله
بجد انت خليت نفسي اتوجعت من الكلام ده
ومفيش كلام يتقال احسن من (كما تدين تدان)
وعلي فكره الناس دي بيبقي عندهم اطياف تخلف عقلي و توحد
وكان ممكن يبقوا احسن من كده لو بيتعاملوا زي الناس
بس للاسف الجهله في البلد دي كتير
عموما حسبنا الله ونعم الوكيل

انا زعلان منك علشان انت مش ادخلت
هتقولى الناس بتيجى تكلمه يقولهم ده عبيط
انا بجد لو مكانك كنت هدخل اخد الراجل من وسطهم ولو حد نطق مش عايز اشتم
ده ردى لو الموقف حصلى
سلام

بجد التوبيك ده وجعني اوي
خلاني اعيط
دي ناس ايمانها ضعيف وهم اللي متخلفين
لكن انت المفروض كنت تدخل تعمل اي حاجه

نعمل ايه بس يا مودى
نصيبنا مجتمعنا فيه ناس متخلفه كتير
نورت بردك

لا يا مسيو انت لو قريت كويس
انا زعقت معاه
بس برضو
عيب اكبر منى مش هتعارك معاه مثلا
نورت برضو

نورتى يا صعبه

حاجه تنرفز بجد انا بكره الاسلوووووووووووووووووووووب ده وللاسف ناس كتير كده وانا اعرف ناس كده وبنصحهم بس للاسف بيتريقو ان بدافع عن الناس دى
احنا منقدرش نعمل حاجه غير نقول حسبى الله ونعم الوكيل ف ال يستهيين بأى بنى ادم ادامه
يلا انا اسفه النرف بتاعى زااااااااااد شويه بس عشاااااااااااان بتدايق جدا المواقف دى

حرام والله ياميدو فعلا حاجه تنرفز اوى
انا بشوف حاجات كتير اوى زى دى
فعلا عاده غبيه
واى حاده فينا يشوف موقف زى دا
ياريت يحاول يفهم الناس ان دا غلط
شكرا ياميدو على التوبيك المهم دا
تسلم بجد
شكراااااااااااااااااا

» ارجو الدخول ....ايه رايك حلال ولا حرام الكلام ده
» هاااااااام جداااا
» حلال على زوجتك وحرام على اختك
» هاااااااام جدا...الصوتيات م الاخر
» قصـه جامـــــده جدااااااا