ال فى رابعه عام حديث يدخل ...........

السلام عليكم ورحمه الله وبركاته
ايه رايكم فى الترم التاني ده
مليان جداا وممل مش كده
والمواد مش سهله خالص
المهم ان دي اخر سنه ومع فرحه التخرج باءذن الله هنلاقي نفسنا ولا عارفين نكلم انجليزي زي الناس
والكتابه والشعر طبعا الدكتوره هناء مظبطه معانا ع الاخر
وبنعرف نكتب مقالات ميه ميه والشعر كمان ايه الحلاوه دي يا طعامه الشعر
والترجمه ال ما بنعرفش نترجم كما يطلب صاحب الترجمه الكبير وال عباراته كلها لغه فصحى صح اوي
والا كمان الصوتيات حاجه غايه فى الروعه كل حاجه بتنطق زي البلسم
وغيره وغيره انا تعبت

قولو رايكم............ وبتذاكروا؟ ولا اخر شهر كالعاده
ننتظر ردودكم

والله يا GUDI انا حاسة بالمعاناه اللي انت فيها لاني معاك ف الدفعة وشايفة اللي بيحصل .....
انا كنت فاكرة الترم الاول صعب .... بس اكتشفت ان التاني انيل منه ..... وشكلنا هنتظبط ف الترجمة والشعر وطبعا ما تنساش اللغويات .. ايناس اول مرة تديها وانت عارف امتحانتها ..... عسل...

وطبعا لازم نذاكر اخر شهر بس علي بال مانكون عرفنا راسنا من رجلينا......وخصوصا ف مواد ثابت

ربنا يسترها معانا يارب السنه دي ونخلص بقى
هو كل حاجه ملخبطه فعلا بس ده العادي وربنا يهون
وشكرا ع الرد يا ايمي

بصوا يا جماعه انا بحب الشعر جداااا بس للاسف كرهته
بجد ببحس اني فاشله خصوصا طبعا انتوا عارفيين الدكتوره هناء ونظامها فللللللللللللللل
كنت بحب الشعر كانت الماده الوحيده الا بحبها وبهتم بيها
بس خلاااااااااااص هابكي ع ايه ولا ع ايه
الشعر انتهي بجد من يوم ما دكتور برسوم ساب الكليه
بس ليه حق يطفش ولو رجع تاني اكيد هيطفش تاني
بس المره دي سيكون ذهب مع الريح
او ذهب ولم يعد

يا جماعه بلاش كده الدنيا حلوه والدراسه جميله
كل المواد سهله وبسيطه
وبعدين هانت ده أخر ترم لينا
المهم بعد كده هنعمل إيه
المسؤليه اللى جايه أكبر بكتير
الحياه الجامعيه خلصت بمشاكلها المهم اللى جاى بعد كده
هنعمل ايه هنشتغل ولا نقعد فى البيت
زى اى حد ملوش في التعليم
عايزه حد يريحنى ويرد عليه ويدينى شوية أمل:flower: :flower: :flower:

أهلااااااااااااااااااااااااا دموع حبيبة قلبى

وبرحب بنور مع إنى معرفش لسه مين دى بس حاسة إنى أعرفها أوى

اهلا بيكي يا نور
منوره المنتدي
زي انتي منوره حياتي
وياريت تفكيها علشان وشك ينور زي ما اسمك منور

اهلا ساندي
ازيك عامله ايه وايه اخبار البرد
يارب تكوني خفيتي يا جميل

انا ف رابعة اساسي انجليزي


انا من رأيي الترم التاني بتاع السنادي من اصعب واسوأء الحاجات اللي مرت علينا ف الكلية


ربنا يستر بقي يارب