كورس pccp ..Personality & Career Change Program (برنامج التغيير الشخصى والمهنى)

كورس الـPCCP
من شركةIMS
اتعمل قبل كده السنة اللى فاتت مرتين
مره فى جامعة قناة السويس فى
الاسماعيلية
والتانية فى جامعة الأزهر فى القاهرة
وحقق نجاح كويس جدا الحمد لله
الكورس اسمه
Personality & Career Change
Program
او برنامج التغيير الشخصى والمهنى

باين من اسمه ان هدفنا نغير من شخصية
الطلبة وتفكيرهم
وبالتالى نغير من مستقبلهم ومهنتهم

عن طريق شوية اساسيات ومهارات هناخدها فى الكورس دا
الكورس 6 جمعات من اول 19-3
نظام الكورس كل جمعه محاضرتين كالاتي

1-CV writing & Interviweing skills
كيفية كتابة السيرة الذاتيه وإجتياز المقابله الشخصيه
يحاضر فيها يحاضر فيها د/ خالد
الحداد
(Hr manager)
في كريستال عصفور ... دكاترة ال Hr أوالموارد البشرية هما اللي بيستقبلوا السيرة الذاتيه وبيعملوا المقابلة الشخصيه في الشركات الكبيرة أو أي شركه عامة ..
المحاضرتين دول هتاخد فيهم ازاي تكتب سيرة ذاتيه صح ...و ايه الأخطاء الي الناس بتقع
فيها وهيا بكتب السيرة الذاتيه ؟؟.. ازاي ترتب السي في بتاعك ؟ وإزاي تخليه يشد الي
بيشوفه ؟؟..
وبعد كده تاخد محاضرة عن الانترفيو
...إيه الي هيتقال بالظبط ؟ وإزاي تتعامل مع اللي بيسألوك ؟؟ وإية الأسئلة الي
بيسألوها عامة ؟؟ .. وإية الأسئلة المخادعه الي بيسألوها ..؟؟ وطبعا كلنا
لازم نعرف كل ده عشان مفيش شغل دلوقتي أو سفر الا لما تعمل انتر فيو وتقدم سي في .

2-Leadership & Creative thinking
معرفة كيفيه قيادة فريق العمل بطريقة علمية:

يحاضر فيها د/ هاني سليمان رئيس مجموعة تنمية
القيادات ( Leadership devolpment group) دي شركه هو رئيسها هدفها تخلق كودار قيادية
..وده الي هيقوله في المحاضرة الأولي ...إيه هيا مواصفات القائد ؟؟ وأمثلة علي
شخصيات قياديه ...إزاي تبقي قائد وتدي الجروب الي تحتك أوامر ؟.. إزاي تشتغل في
مجموعه وتتعاون وتدي أفكار ..؟؟

المحاضرة التانيه ...التفكيرالابداعي
..دي هناخد فيها ازاي يبقي تفكيرك مبدع وخلاق ؟؟ إزاي تقول أفكار جديدة
وتحل المشاكل بطريقه جديدة ؟؟ تخلي تفكيرك مش مجرد تفكير إيجابي والسلام ..لأ لازم
يكون مبدع وخلاق كمان .

3- Planning
&Time management
معرفة كيفية التخطيط بشكل علمي
يحاضر فيها د/ إبراهيم باخوم مستشار التدريب في شركه أمون( شركة أدوية )

المحاضرة الأولي .....: إزاي
تخطط لحياتك كلها ؟. أزاي تحط هدف في حياتك وتحط خطوات توصلك ليه ..؟ متبقاش عايش
كده وخلاص وزي ما تيجي تيجي ...لازم أول ما تدخل الكليه وتتخرج تبقي عارف هتعمل
ايه بالظبط ؟..
المحاضرة التانيه .. هتاخد فيها ازاي
تنظم وقتك بين الشغل والحياة الشخصيه ؟ وإزاي تنظم حياتك جوه الشغل كمان ؟؟ وأكيد
دي هتفيد أي حد حتي وانت طالب دلوقتي .

4- communications
skills & personal change :
مهارات الاتصال وتغيير الشخصيه:

ودي هيديها د/ مها عماد
, مدرب معتمد من المركز الكندي للبرمجه اللغوية العصبيه ..( المركز الكندي مأسسه
د/ إبراهيم الفقي ..من رواد علم التنميه البشرية في العالم ..) في مهارات التواصل
هتاخد ازاي تتواصل مع الي حواليك ؟ وإيه هيا أنماط الشخصيات ؟ وإزاي تعرف نوعك من
الأنماط دي ...إزاي تفهم الي قدامك من حركه جسمة ( body
language) .

محاضرة تغيير الشخصية دي هناخد
فيها إزاي تغير من شخصيتك للأحسن ...؟؟
وإزاي تنقل نفسك من مرحله مهارات التواصل لمرحلة البرمجة اللغوية العصبيه (
البرمجه العصبيه معناها ازاي تبرمج دماغك وعقلك الواعي والباطن ..وإزاي تبرمج دماغ
الللي قدامك كمان علي اللي انت عاوزة )

Sales & Marketting-5
التعرف علي إحتياجات السوق :

يحاضر فيها د/ ايهاب حسين من شركة ساندوز(شركة ادوية) مدير التدريب فى الشركة

هيدى فى محاضرة السيلز: ازاى تبقى سيلزمان ناجح وايه المواصفات المطلوبة فى
السيلزمان دا وازاى بيقضى يومه وازاى بيتعامل مع العملا بتوعه والمحاضرة التانية بتاعة التسويق هناخد فيها اساسيات السوق والخطط التسويقية وازاى تبدأ اى عمل او شركه وتخليها كبيرة وناجحه عن طريق انك تحطلها خطة تسويقية
مظبوطه

6-Scientific Research ethics : أخلاقيات البحث العلمي

المحاضرة الأولي :
تحاضر فيها د/ ميرفت الشبراوى (مدرب معتمد لتدريب اخلاقيات البحث
العلمى الدولية) هناخد ازاى تعمل ريسيرش صح وايه الاسس والخطوات اللى تمشى عليها سواء فى حياتك او مجال عملك

المحاضرة التانية:
Presentation Skills

مهارات التقديم
تحاضر فيها د/ مها عماد ..هنعرف فيها ازاى تقدر تقف قدام ناس
وتكلمهم وازاى يبقى عندك الثقة دى
ايه الاخطاء اللى بيقع فيها الناس ولو عندك أزمة ازاى تتغلب عليها وايه انواع المستمعين وازاى تتحكم فى كل نوع منهم.

الكورس دا
بيتعمل فى القاهرة كل سنة وبيبقى 4 جمعات بس او 5 نادرا وبيبقى ب85 جنيه
احنا جايبينه هنا فى المنصورة بنفس السعر
وفى سى دى فى الآخر عليه محتويات

وفى سى دى فى الآخر عليه محتويات
الكورس والشهاده معتمده من الشركة ومن الجامعه ومن عميد صيدله
ومختومه من ختم السجل التجارى ومدعوم من وزاره الخارجيه

للحجز والاستعلام
الاتصال علي الأرقام التاليه

0111456903

الكورس فعلا شكله جامد
ميرسى ليكى يا نونا على الكورس

الكورس جامد فعلا
ب اذن الله هقدم فيه
شكرا نونا على التوبيك
شكراااا

مرسى ليكم
وانشاء الله الكورس هيكون مقره مدرج خيرالله فى تربيه
ولاستعلام عن اى حاجه تخص الكورس والحجز فيه
تقدرو تتصلو بلرقم ده
0111456903
وياريت اللى ناوى يحجز فى الكورس
يحجز بسرعه قبل اكتمال العدد المطلوب
واللى هيحجز يقدر يدفع جزء من ال85جنيه
والباقى يكمله قبل قبل معاد بدء الكورس19/3

اقتباس :: الكورس جامد فعلا
ب اذن الله هقدم فيه

انتا مقضى حياتك يابنى كلها كورسات

ياعم ان شايف ان
كفايه اوى
اى سى دى ال وبورصه ولغه
ودمتم

شكرا يانونا
بكرا ان شاء الله جاى تربيه انا وخالد وهانشوف

انشاء الله يكون كورس كويس
ومفيد للجميع

تسلمى يانونا
وباذن الله احاول أخد الكورس ده

انا والله كونت خلاص قررت وقولت هاحجز بس قرات التوبيك تانى
ولاقيت المواعيد هاتبقى الجمعه
يبقى هافكر تانى ههههههههههههههههه
اصلى انا يوم الجمعه مابعرفش افهمـ اى حاجه
بكون قافل ههههههههههههههههههههه

كورس مهم بجد

ان شاء اللة نحجز فية يا نونا

ميرسى ليكى

انا خلاص حجزت
البرنامج 6 جمع على فكرا مش 5 او 4
بس كورس حلو فعلا
شكرا

بليز لو حد عندة معلومات زيادة عن الموضوع دا يقول

ولية مفيش مكان حجز فى الكلية عندنا
وشكرا

لو عاوزة احجز أروح فين
والكورس بدى شهادة ولا اية
ياريت حد يرد

بوصى يا قمر بلنسبه لحجز الكليه فيها تلت طلاب مسؤلين عن الحجز
لو حبيتى تحجزى الكورس هتتصلى بلرقم الموجود فى التوبيك وتعرفيه انك كلية تربيه
وهو هيقولك تروحى لمين تحجزى
وياريت بسرعه لان خلاص وقت بسيط والكورس هيبدء
وطبعا فيه شهاده هتاخديها بعد انتهاء الكورس اللى هما 6جمع بدايه من 19/3
وعلى فكره الكورس مفيش فيه امتحانات بعد انتهاء الكورس هتاخدى الشهاده على طول
ويارب اكون قدرت افيدكم

أنا اتصلت بكلية صيدلة ومفيش حد عارف حاجة عن الموضوع دا وكان فى كلام فى التوبيك ان الشهادة معتمدة من عميد صيدلة .مش عارفة ولية مفيش اعلان عن الكورس دا على موقع الجامعة او الكلية ولية ميش حد عارف عن الموضوع دا عندنا فى الكلية أو حتى فى مركز الجودة مع ان دا باين علية كورس كبير وفية دكتور ابراهيم الفقى ودا لوحدة حدث نادر

ههههههههههه مين قال اصلا ان دكتور ابراهيم الفقى هيدى الكورس
الدكاتره المسؤلين عن الكورس اساميهم مكتوبه وفيه من ضمنهم مدربين معتمدين من مركز
دكتور ابراهيم الفقى لكن مش الدكتور هو اللى هيدى الكورس
وموقع الجامعه بيعلن عن كورسات اللى الجامعه بتنزلها
انما الكورس اصلا تبع شركهIMS
الجامعه مدعماه بس لانك لو اخدتيه من الشركه من غير تدعيم الجامعه هتدفعى اضعاف المبلغ ده
والشركه هى اللى بتاخد الفلوس مش الجامعه
وليها مندوبين عن الكورس ده مسؤلين عن الاعلان عن الكورس الحجز فيه واللى بيحجز بياخد وصل بيضمن حقه
ولمره العاشره لاى استعلام عن الكورس تقدرى تتصلى بلرقم ده0111456903
وتعرفيه بس كليتك وهو هيقولك تحجزى فين وتدفعى لمين زى ما خالد حجز كده
ويارب اكون قدرت افيدك

مرسى ليكى و انا هروح يوم السبت أحجز انا وزميلى ومعلش بس احنا كان امور مش واضحة معانا ومرسى مرة ثانية يا قمر ومعلش تعبتك معايا

عادى يا جميل

بكرا الكورس ان شاء الله هيبتدى نلتقى غدا
شكرااااا

بليز كنت عاوزة أعرف اية الى اتاخد فى الكورس امبارح أصلى محدرتش أنا و زميلى

الى القى المحاضره
د/خالد الحداد
المحاضره كانت عن مهارات كتابه ال c.v
كيف تتخطى المقابله الشخصيه
اكلم عن النقطين دول فى حوالى 4 ساعات
شكراا

بلظبط كده زى مخالد قال
وطبعا المحاضرة كانت حلوه اوى
ومفيده كتير
هو طبعا فيه مشكله صغيره فى المكان وده بسبب
ان مدرج خيرالله بيتعمل فيه بروفه لمسرحيه
فا الكورس بيتاخد بشكل مؤقت فى صيداله

بجد امبارح كان يوم جميل
و د.خالد شخصيه ممتازه بجد
اد ايه بسط لنا كل حاجه
ودمه خفيف اوى
وان شاء الله دكاتره الاسابيع الجايه تكون احسن

شكرا يا جماعة بس كنت عاوزة أعرف مكان المحاضرة القادمة فين وامتى

فى كليه صيدله الدور الرابع او فى كليه تربيه فى مدرج خير الله
ممكن اى مكان فيهم روحى خير الله لقيتى فى هناك ناس اوك
مفيش تعالى صيدله
شكراااا

انا فى الكورس وكنت متحمسة ليه جدا
والمحاضرة اللى فاتت كانت لذيذة
بس المكان فى صيدلة مش ظريف اوى
بس انى واى كان يوم لطيف
وان شاء الله يكون كورس مفيد لينا كلنا

» رجاااااااااااااء تعديل ملفك الشخصى
» التغيير من الضفادع ؟؟؟؟؟
» احدث برامج الجيل الخامس بانفراد S60v5 Program - Nokia 5800 XpressMusic, N97 - على اكثر من سيرفر
» لماذا نحتاج إلى التغيير شاهد بالصور
» برنامج real alternative بديل برنامج ريال بلاير الرائع والخفيف