يعني انتي مش اد الجواز بتتجوزي ليه اصلا ...طالما ليكي شريك تاني(متجدد باذن الله)

حلقة1

ليلي امام النت بقالها 5 ساعات صحيت الفجر وصلت وقرات القران والادعية وفطرت تفاحة اصلها عملا ديت

صحيت ماما من النوم لقت ليلي متلقحة علي الكرسي ولفا البطانية حواليها والسمعات علي ودنها وعمالة تضحك

مامتها قالتلها يخيبك يا بعيدة انتي اجننتي يا بت بتضحكي مع نفسك ولا بتسمعي زغزغا

طبعا ليلي مش سمعا حاجة ما السماعات عالية جدا

جت مامتها وهزتها جامد وشالت السماعات ردت وقالتلها يووووووووووووووووة يا ماما في ايه بس

بكلمك من الصبح وانتي ولا هنا في عالم تاني
ايوة يا ماما انا في عالم الشات بشيت ايه غريبة

ينيلك بتشيتي قومي فزي حضري الفطار ابوكي حيصحي

ياماما طيب اظبري عليا بس شويه
والوقت جري وابوها صحي

لفت وتنحت بابا صباحك عسل انا انا انا لسه اهو كنت قايمة احضرك الفطار

تحضري مين انا رجعت من الشغل امك بتحضر الغدا ها اخبار المذاكرة ايه
اة اة اة تمامممممممم اطمن ومتقلقش

طبعا اخدتوا بالكم الهانم من الفطار للغدا محستش بالوقت ودا امر طبيعي في كونها سرحت مع النت وغير طبيعي اننا نستسلم اوي كدا ليه لدرجة التوهان

ومرررررررررررررررررررررررررررررت ايام وجاه العريس
وطبعا ليلي ظبطت دماغ العريس

بص بقي يا حمادة الكمبيوتر والdsl قبليا في البيت ها انا بقولك بس عشان نكون علي نور

وبعد شهر العسل في اسكندرية والفسح
وسافروا القاهرة واول ما الباب اتفتح يا سلام وحشني جدا يا حمادة
مين يا حياتي انا محنا كنا هناك انتي اللي صممتي نرجع
لالالامقصدش انا مش بكلمك
امال مين
بكلم الجهاز وحشني جدا يا حمادة يلا روح خد شور ونام
وانتي
انا حكلم ماما علي الجهاز نوفر التليفون يا حبيبي انت عارف ماما في اسكندرية يعني حنكلم غالي
حتوفري التليفون وتولعي فاتورة الكهربا يا حياتي

انت بتبخل عليا
لالا براحتك خالص انا تعبان وحنام

اشوفكم علي خير لما حماده يصحي ...مع الحلقة2
منقول طبعا

مش اد الجواز بتتجوز ليه والله عندك حق
تسلمى يا قمرايه على التوبيك الجميل ده
ومستنيه الحلقه التانيه

السلام عليكم ورحمته وبركاته

حلقة2
حماده صحي من النوم ويا لها من مفاجاة
بيبص جانبه ملقاش ليلي ايه دا هيا صحيت بدري ولا ايه
طول عمري اتمني اجوز واحدة نشيطة وكويس انها مش خم نوم


وقام حماده وقال اكيد محضرالي الفطار علي السفرة وكتبالي صباح الخير يا حبيبي زي شهر العسل
ولحد السفرة ملقاش غير زهرية الورد

الله!!!! امال فين الفطار يا ليلي يا حياتي انتي فين طب يمكن في الحمام ولا المطبخ الله طب في البلكونة بتجيب الجاكيت اللي قولتلها تغسله ضروري امبارح

وبعد ملف الشقة عليها لفت نظره انه مدخلش حجرة المكتب اللي استبعد يلاقيها فيها
وفتح الباب واتسمر مكانه

تمتمتم...تش (موسيقي تصويرية )

يا خبر ليلي علي النت ...................لفت ليلي ويا رتها ما لفت

انتي بتعملي ايه علي الصبح
قول صباح الخير يا حياتي هوا انا نمت اصلا دانا من امبارح هنا

من ايه !!!!!!!!!!امبارح
وجز علي سنانه ومسح علي وشه (خليك باارد)

وبتقوليهالي في وشي طب خبي عليا يعني انا نايم طول الليل وحضرتك مع سيادته

سيادته ا******ةة تقصد الجهاز معلش بقي وانت حتعمل بيا ايه معلش معلش سرحت شويه

سرحتي شويه.... الله يخربيت النت والتكنولوجيا


حفطر ايه يا هانم وغسلتي الجاكيت وكويتي الهدوم اللي حخرج بيها ولا حتقوليلي حتعمل بيها ايه دي كمان

الله مدربكش الدنيا علي دماغي بقولك من امبارح وانا هنا حعمل كل دا امتي بتسال اساله غريبة

اقفلي الزفت دا وخلصيني الاول
حاضر حاضر ررررررررررررر

وقامت ليلي وكانها بتخرج من البحر اللي حياتها فيه وجهزت الفطار وهيا مبوزا واعتذرت علي الهدوم والمكواة واجلتهم واقنعته يلبس اي حاجة تانية بحجة ان اللبس اللي هوا طلبوا مش حلوة عليه (شغل علي كبير يا ليلي )

وراح الشغل وعلي امل لما يرجع يلاقي الغدا والشموع
وودعته ليلي وهيا بتزقه علي باب الشقة يلا يا حبيبي تروح وترجع بالسلامة ولو عاوز تزور مامتك بعد الشغل براحتك خالص
قالها لا انا حرجع بسرعة عشان بتوحشيني
قالت ليلي في سرها اوحشك ايه بس
وبصوت عالي ا******ة ماشي وانت كمان حتوحشني لا اله الا الله وقفلت الباب حتي قبل ما باب الاسانسير يجيلوا
وجري علي حجرة المكتب وفتحت الجهاز والنت وقعدت من جديد
وتتنفس الصعداء
وفي سرها شويه كدا واقوم احضر الغدا لسه بدري

انتظروا الحلقة 3 بعد العودة من الشغل وفي احتمال تتصلوا بالمطافي مقدما ؟؟؟؟؟؟؟؟؟؟؟؟؟؟؟؟؟

هههههههههههههههههههههه
ايه ده طول الليل على النت
طيب تخبى عليه
مستنين الحلقه3 يا جميل

فعلا كلامك صح شكرااااااااااااااااا ع التوبيك الهايل ده

ربنا يكون فى عون حمادة و فى انتظار باقى الحلقات

السلام عليكم ورحمته وبركاته
حلقة3

ورجع حماده ورن الجرس عشان السنة انه لازم ميفزعش مراته ويدخل عليها ويشوف المقشة والاشارب وشكلها الملغبط ويتفزع هوا كمان

المهم
الله هيا ليلي مفتحتش ليه يمكن مريحة بعد عمايل الغدا اه مهي كانت سهرانة طول الليل

دخل براحة مش عاوز يقلقها لقي الشقة كحل والشبابيك مقفولة وتوجه لحجرة النوم وفتح بشويش
لقي السرير زي مسابة والبيجامة مكانها علي الارض والشبشب علي السراحة (متخدوش في بالكم ) الاوضة ملخبطا من الاخر

الصراحة حمادة تنح ايه دا راحت فين طب خرجت مقلتليش طب سيبالي اي ورقة ولسه رايح يدور علي السفرة علي ورقة وسمع ضحكة عالية
اتخض وجري علي مكان الضحكة وفتح باب المكتب لقي ليلي علي الجهاز والسماعات ونزلا رغي

راح جنبها وهزها يا هاااااااااااااااااانم
ايه في ايه خضتني يا بيبي انت جيت حمدلله علي السلامة

انت بتعملي ايه يا ليلي
انا بشيت يا بيبي
اصل مني صاحبتي ياااااااااا بقالي كتير مكلمتهاش دي صحبتي الانتيم تعرف اجوزت وياعيني لسه مخلفتش اصل جارتها قلتلها في حد داعي عليكي ولا يمكن محسوددة ولا يكون نصيبها بقي بس يا تري جوزها حيتحمل ولا لو متحملش يغور في داهية دا كان شؤم عليها ومنيوم ما اتجوزها وهيا مجدش يوم ادام وووووووووووووو

بااااااااااااااااااااااااااااااااااااااااااااااااا اااااااااااااااااااااااااس (حمادة بصوت عالي جدا)
ايه حرام عليكي انا راجع تعبان حرام عليكي المفروض الاقيكي منتظراني مش بتشيتي يا هانم

يلا حروح اغير عبال متحطي الغدا وخرج من الحجرة وهيا بتقوله

غدااااااا معلش يا بيبي معملتش غدا

لفلها حماده وقالها ننننننننننننننننعم يعني ايه مفيش غدا
معلش يا بيبي ممكن تطلب دليفري في محل شيك جدا اطلبهولك

لالالالالالا يا هانم المفروض اكل من مراتي مش من سي دليفري دا

الله محنا اكلنا بره كتير وكنا بنطلب دليفري وكنت بتحب تريحني

ليلي مفيش دليفري ولا في جهاز كمنبيوتر كمان من بكره حبيعه حشحته ويا انا يا الجهاز دا في البيت انتي سمعا

لايا بيبي لالالالالالالالالالالالالاومفيش بيبي كمان الجهاز حيفضل انا بقولك اهو واللي عندك اعمله

كدا بتعارضيني طيب حنشوف مين بقي كلمته اللي حتمشي في البيت دا

تم تم تم تش (موسيقي بكائية)
حسيبكم بقي تتفننوا في النهاية عقبال منزلهالكم

السلام عليكم ورحمة الله وبركاته
الحلقة الرابعة

ليلي قعدت في الاوضة تعيط جامد قوي ودار الحوار دا بينها وبين نفسها

ايه اللي انا عملته في نفسي دا انا للدرجة دي بفضل متعتي عن زوجي بفضل صحباتي الرغايين عن زوجي بفضل
اعمل اللي يغضب ربنا عن رضاه

لالالا مينفعش اللي انا بعمله دا
طب منا اعمل اتفاق مع حماده ويحددلي وقت واعاهده التزم بيه معاه عشان يسبلي الجهاز مهو برضوا حماده شغله مسيره ياخدوا مني وابقي في فراغ

طيب انا احاول اتفق معاه براحة يمكن يرضي

منتي السبب يا ست ليلي لو كنتي كل حاجة بتعمليها بالمعقول مكنش سبعك هاج عليكي وزعق كدا

يلا بقي اللي حصل حصل انا حروح اشوفه بقي واللي يجرالي يجرالي

وفتحت الباب لقت حماده قاعد بيتكلم في التليفون وقفلت الباب وانتظرت لما يخلص

فات ساعة واتنين وثلاثة والمكالمة بعد التانية ياااااااا ادي النيلة دا حمادة كمان طلع رغاي
صدق من قال الطيور علي اشكالها تقع

ليلي قالت ما بدهاش بقي ولقيتلك نقطة ضعف مااااااااااااااااشي يا حمادهوخرجت ليلي وبعد ما خلص التليفون ايه يا حماده انت زعلان مني

حماده ايوووووووووووووووة ومش حرجع في كلامي مهما حصل

بص انا عارفة اننا غلط ومعنديش مانع اعمل اللي انت عاوزة انشاله ترميه من البلكونة بس اهم حاجة تبقي راضي عني ماشي وبجد انا معترفا بغلطي

خلاص طالما كدا وانتي تاعترفتي بغلطك انا حسيبه بس متجيش جانبه
ولا وانت مش موجود يا بيبي

يعني ايه يا ليلي
يعني انا بقعد زهقانة كتير لوحدي ممكن لبقي اقعد حبات صوغنتتا عليه وانت بره طبعا ومش حقصر في البيت خالص ودا وعد مني

حماده بينه وبين نفسه اوافقها لما اشوف عشان بس لما تقصر تبقي تستاهل اللي اعمله فيها

ماشي يا ليلي موافق ....
ورن جرس التليفون ورد حماده اهلالالالالالالالا يا درش كيفك واديهاااااااا ساعات رغي

وليلي قاعده حتموت الله يخربيت اللي اخترع التليفونات اما وريتك يا حمادة

اعمل ايه يا جماعة بقي دا انا اللي بقول يعني عاوزين ليلي تبطل ادمان الكمبيوتروالنت طلعلنا حمادة رغي في التليفون

ههههههههههههههههههه جميله اوى الحلقات بس ياريت تنزلنا الحلقه الخامسه بسرعه

حلقة5
مر الوقت والحال كما الحال ليلي قللت النت ومنعته اثناء وجود حماده ربنا يكملك بعقلك يا شابه
اه والله

وحماده مديها رغي في التليفون الله طب وبعدين

بعدين جت فاتورة التليفووووووووووون واليكم خناقة الحلل


دخلت ليلي علي النت
اما اشوف الفاتورة ينهار ينهار ياااااااااااانهار ايه دا لالالا

جه حماده وابتدوا الغدا اسكت يا بيبي مش انا شفت الفاتورة انهاردة
امممممممممم بجد طب كويس ولسه بيحط دبوس ورك الفرخة في بقة وهوا بيسمع رقم الفاتورة
هوووووووووووووووب
زوور ومش عارف يتكلم

ليلي مالك مالك وانتهزتها فرصة وهتياك خبط علي ظهره فرصة بقي
طلعي يا ليلي الكبت بتاعك

طبعا حمادة حيقول ايه هوا في قرارت نفسه عارف انه البريمو في رغي التليفون بس بردوا مفيش فايدة بصوا قلها ايه

معقول كل دا ليه يعني امال لو مكنش صحابي الي بيطلبوني يا ريت يا ليلي يا حبيبتي نخف بقي من التليفون عشان
حرام احنا اولي بكل قرش

ليلي تنحت ونو كمنت مفيش فايدة من النقاش

ورن جرس الباب
فاتورة النور حمادة ينهار ينهار يااااااااانهار ليه يا عم احنا بناكل كهربا
وانا مالي يا بيه ابقي روح المصلحة اتخانق سلام

الحقي يا ليلي الفاتورة ادي اخرت قاعدتك علي الجهاز

لالالالالالالالالالالالالال ا بقي حرام عليك هوا كل حاجة انا منتا الوقت اللي في البيت ادام التلفزيون هوا دا مش كهربا والمكواة البخار والتلاجة والغسالة والدش والنجف ووووووووووووووووووو

ليلي من الاخر لازم نمسك استهلاكنا شويه لازم نتعاون لازم نصرف اللقرش اللي بنشقا بيه في مكانه ونبطل سفه
لازم قلبنا يكون علي بعض لازم المودة والرحمة يترجموا لحب وخوف وتقدير

ربنا بيحاسبنا علي كل حاجة بنبدد فيها نعمته علينا

متفقين ياا ليلي
حاضر يا بيبي

ولا اخفيكم سرا ظلوا علي العهد الي ان شرف ولي العهد ................