اتكلم من قلبك:: كيس سودانى::يا ترى انت الكيس ولا اللى جوه الكيس ؟

زائر

تذكير بمساهمة فاتح الموضوع :

بسم الله الرحمن الرحيم

السلام عليكم ورحمة الله وبركاته
هنا هنجيب كل اسبوع موضوع للنقاش
وهيتعرض على الصفحه الرئيسيه
يارب التفاعل ويارب المواضيع تعجبكوا
ونبدأ بقى ب....

إخوتي القارئين:لا شك أن كل واحد منا عنده هدف يسعى إليه ويرغب في تحقيقه.

فاهذاالموضوع يتضمن الإهانة التي تعيق طريقك إلى الهدف.

والمقصود: هل تصبر على الإهانة في سبيل حصولك على هدفك أم أنك تلغي هدفك

ومستقبلك من أجل الإهانة.فمن أجاب بنعم.فلم؟ ومن أجاب بلا.فلم؟.

هنا اتركـ الآراء لكم واتمنى التفاعل من الجميع كنت معكم

زائر

صعبة المنال كتب:: بجد فعلا والله حاجه بتضايقني جدا
يعني السنه طويله
لكن موسم المسلسلات مش يبدأ غير ف رمضان
لا وايه بيتسابقم
بحس انهم مستخسرين فينا شهر عياده
والله انا فعلا الموضوع ده بيضايقني جدا
وكلهم بيتعادوا تاني بعد رمضان
طب خلاص بقا خلينا احنا احسن منهم ومش نتابع حاجه الشهر ده
فعلا ف الشهر ده الشياطين بتصفد
لكن شياطين الانس بتكون مكانهم
ربنا يهدينا كلنا

تسلمى ياقمر
منورانى بردك بجد
كلنا بنتفق معاكى
اتكلم من قلبك:: كيس سودانى::يا ترى انت الكيس ولا اللى جوه الكيس ؟ - صفحة 7 550737

يلا يا دودا عايزين نشغل التوبيك الجميل ده تانى

زائر

الحمد لله ان فى حد فاكر التوبيك
خلاص يا مستر ميدو
نشغله تانى ان شاء الله

انا فاكره طبعا وبعدين ده عمره ما يتنسى يا دودا
يلا ابداى بنقاش جديد
وانا المره الجايه بقى
ويت يو مش تتاخرى

بما ان دودا شكلها مشغوله عن الموضوع
انا هبدا بفتح التوبيك من تانى

السلام عليكم

انا جيت وجايب موضوع شاغل تفكيرى وشايفه بيحصل كتير يومين دول

كتير مننا بيقابل انسانه يحبها وتحبه ويتفقوا ع الارتباط

كلام جميل وكله تمام بقى اتكلم من قلبك:: كيس سودانى::يا ترى انت الكيس ولا اللى جوه الكيس ؟ - صفحة 7 860280

اتكلم من قلبك:: كيس سودانى::يا ترى انت الكيس ولا اللى جوه الكيس ؟ - صفحة 7 860280

المشكله دلوقتى بقى انه الولد مثلا مؤهله بيكون دبلوم فنى مثلا

والبنت فى كليه واما ييجى يتكلم مع اهلها يرفضوه

بسبب انه اقل منها فى المستوى التعليمى رغم انهم عارفين ان بنتهم هتبقى

سعيده جدا معاه ولو جالها حد نفس المستوى مش هتبقى مبسوطه اطلاقا

دلوقتى انا عايز اعرف رايكم فى الموضوع ده هل موضوع المؤهل مهم ؟

ولا الحب والارتياح اهم بكتير من كل ده؟
وهل ممكن انت / انتى تقبل ترتبط بحد اقل منك فى المستوى التعليمى ؟

فى انتظار مشاركاتكم

mr mido

الموضوع دة كتييير اوى من البنات بيتعرضوا ليها
بالذات لما تكون البنت طموحة ومعاها شهادة جامعية
بس قبل اى حاجة لازم نبعد فكرة معينة مسيطرة على كتير مننا
وهيا
ان اللى معهوش شهادة جامعية دة اللى هيسعد البنت
واللى معاه شهادة جامعية لا
اصلى بسمعها كتير

ممكن يكون فى انسان جامعى ومحترم ويقدر يسعد البنت
وفيه العكس اكيد

البنت عايزة نفس مستواها التعليمى
عشان بيكون متفهم اكتر وبيعرف فى الزوق وشيك فى كلامه ولبسه ويعرف يحتويها

انا بتمنى ارتبط بحد كدة
حتى لو كان مستواه الاجتماعى مش كويس اوى

ولو لقيت حد بالمواصفات دى لكن تعليمه متوسط
وقتها مفتكرش انى هرفض

التعليم ماهو الا سكه لتغيير سلوكيات فى الانسان
وطريقة التفكير
وانا اعرف ناس كتير مرتبطين باقل منهم فى التعليم وسعداء جدا

وقبل اى شيئ الارتياح
لو موجود حاجات كتير وقتها بتتغير

تسلم لطرح الموضوع

بجد موضوع مهم جداااااااااااا

وبيحصل كتير جدا وشوفته قدامى

وأنا مع همس فى كل كلامها

المفروض الواحد مايضروش على شهادة ولا لأ

أهم حاجة الأخلاق والتدين والأحترام

وبعدين ممكن يون أقل منى فى المستوى التعليمى بسس متفاهمين جدا ومرتاحين مع بعض

وببقى مدايقة قوى لما ألاقى واحدة بتقولى لازم اللى يجيلى نفس المستوى اللى عايشة فيه

ونفس مستواى التعليمى

فكرة التوبك هايلة و جميلة جدا اوى يا غالى

ميرسى جدا جدا ليك يا ميدو ع الاطروحة و الفكرة الهايلة دى

من وجهة نظرى ردا على التساؤل بتاعك يا ميدو

ان الحب ابقى من الشهادة دى نمرة واحد

ثانيا ناس كتيييييييييييييير بتبقى معاهم شهادات هايلة و متقدمة جدا

بس التعامل مع الانسانة اللى هيرتبط بيها مش حلوة

عشان كدة لازم يكون الحب ف المقام الاول

و من ناحية التكافؤ ف الشهادات بين الطرفين دة تفكير اصولى و رجعى جدا

عشان الشهادة مش هتبقى سبب العشرة

الحب بين الطرفين و المعاملة الحسنة هيا الابقى و الادوم

ميرسى جدا جدا ليك يا غالى

ع الفكرة الهايلة دى

متألق ديما يا حبى

أولا ثانكس على الفكرة
مع انى كنت عارفه يعنى

أنا رأيــى ممكن هايختلف مع ناس كتير أوى
لأن واضح ان كل الناس هنا رأيها واحد

لكن أنا مقبلش دا
مش تكبر الحمد لله
لكن أنا مش بعمل كل دا وأهلى واقفين معايا ويوصلونى لكل دا
وآجى ف الآخر أروح أرتبط بحد أقل منى
طيب ما انا كنت ريحت نفسي وريحتهم معايا ودخلت بقي اى حاجة
وأقول لا فى ناس بتفكر كدا وممكن حد أعلى منى يوافق يرتبط بيا
وأنا بقول ممكن
طيب ليه بقي أنا أحط نفسي ف الوضع دا
لا أنا فـــ غنى عن دا

وأنا شايفه ان مش كل اللى معاهم شهادات يعنى مش كويسين ولا مش هايقدر يحققلى اللى انا عاوزاهو
ولا هايعيشنى ف حب ولا الكلام دا
زى مافى هنا الكويس فى هنا كمان الكويس

أى نعم الشهادة مش كل حاجة بس هى من أهم المتطلبات
على الأقل بالنسبه لشخصيتى

وأنا يوم م اختار حد أختار حد أتشرف بيه قدام أهلى ونفسي والناس كلها
وقدام ولادى بعد كدا

يعنى على الأقل هايكون فاهم أكتر الحياة ماشيه ازاى ويقدر يربي ولاده صح
ويخليهم على وعى أكبر

دا رأيي
وأنا كمان بحترم كل الأراء

ميرسى يا ميدو ع فكره التوبيك وطرحها ووضعها للنقاش

فى البدايه مقدرش اعمم واقول ان اللى مهوش شهاده جامعيه هو اللى هيقدر يسعد البنت

وان اللى معاه شهاده جامعيه مش هيقدر يسعد البنت

زى مافى انسان مهواش شهاده جامعيه ويقدر يسعد البنت فى برده اللى ما يقدرش يسعدها

وزى مافى انسان جامعى مايقدرش يسعد البنت فى برضه اللى يقدر يسعدها

وبعدين الشهاده الجامعيه مهياش كل حاجه

والشهاده الجامعيه مالهاش لازمه مادام صاحبها بلا خلق ودين

زى مافى ناس جامعيه اخلاقها كويسه فى برده اللى اخلاقهم مش كويسه

والحب والارتياح ابقى من الشهاده زى ماقال بى كلوزر

وانا ممكن ارتبط باللى قل منى فى المستوى التعليمى مادام لقيت فيها المواصفات اللى اتمناها

وفى قدر من التوافق والتفاهم ما بينا

تسلم علي طرح الموضوع اللي بجد نفسي اتكلم فيه ااوووووووووووي
انا بصراحة بضايق اووووووووووي لما واحد يبقي مش معاه
شهادة كويسة ويترفض هو انتوا بتبصوا علي الشهادة
ولا علي الادب والاخلاق والتدين وان كان هيقدر يعيش ولا لا
مهو ممكن يبقي معاه شهادة بس عكس الكلام ده خالص
وممكن ميبقاش معاه شهادة بس محترم وكويس وافكاره كويسة
يعني مثلا ماله عامل النظافة ومش هقول زبال زي ماناس كتير بتقولها
يعني احنا من غيره هتبقي بلد محترمة كلها امراض وجراثيم وامراض
يعني ده من وجة نظري احسن من اللي فاتح شركة وقاعد في التكيف
مثلا السباك شغلته مهمة جدااااااااااااااا تخيلوا منظر الشوارع من غير سباك
ولا الريحة والمنظر
ولو جية يتقدم لوحدة تقولوا نو نو سوفاج
صح ولا غلط؟؟
اصلا احنا من غيرهم هنبقي دولة متخلفة عن كل حاجة ومش ببالغ خالص
يعني انا بالنسبالي متفرقش الشهادة طالما
محترم _ مؤدب _ ابن ناس _ وقبل اي حاجة يكون متدين

انا اسفة للتطويل بس ده راي
((واختلاف الرائ لا يفسد للود قاضية ))

بجد التوبيك بيناقش حاجه مهمه جدا ودى منتشره كتير اليومين دول

بس انا من رايى اننا مش لازم نتسرع بالذات فى الموضوع ده ولازم نتوقع نتيجة قرارنا

قبل ما يحصل ارتباط او كده ومش لازم يبقى القلب هوه اللى مسيطر ع الموضوع ده

لان ممكن الحب ده يتحول لكره نتيجة شعور احد الاطراف بفارق بينه وبين اللى بيحبه

و ممكن الطرف التانى يحس بالندم لان الشخص التانى مش فى نفس المستوى من التفكير

ومش هيبقى مقتنع ويبدأ الحب يختفى و بالنسبه لى لا اعتقد انى ممكن ارتبط بشخص اقل من مستوى التعليم بتاعى لانى اكيد هخاف على شعوره ومش هكون مقتنعه من جوايا

اولا ميرسى يا مستر ميدو على الموضوع الى فتحته دا لانه بجد بيحصل كتير و مهم جداا

انا من راى ان لو فى حب اكيد هيقضى على كل الحواجز مع انه بيبقى فى بردو احساس عند الولد انه مش فى ايده السيطره بس دى مجرد حاجه تافهه جدا و بتروح مع الوقت و التعود و بردو دا مش امر لازم على كل بنت انها متبصش للشهاده لا بالعكس الى شايفه انها تقدر تتاقلم مع الحكايه دى فامفيش اى مانع من الموضوع بس لو شايفه ان الموضوع دا ممكن يمثل لها احراج او حاجه او انها ممكن تخاف تعارضه فى حاجه لان دا ممكن يسبب احراج مع انى ضدها فى الحكايه دى بردو عادى متجبرش نفسها على حاجه مش تقدر تعملها الحكايه و مافيها الى يقدر و تقدر تستحمل الموضوع دا

لكن المشكله بقى ان فى ولاد لما اصلا تيجى تتقدم لبنات بتدور على مؤهل تعليمى عالى يعنى واحد فى طب عاوز صيدله و طب بس و الحكايه دى بتحصل قدامى كتير اوووووووى بس انا شايفه انها عمرها ما تاثر مع الولد خالص على فكره بس هنقول ايه الناس و ذكاءها هههههههههههههههه

مره تانيه الفكره جمليله اوى و مهمه

زائر

الحب لازم اوكى
بس انا مش هقبل بحد اقل منى
لان اصلا هيبقى مستواه العقلى اقل
مش هنبى متافهمين
كمان هيبقى فى حساسيه بقى بينا وكداا
وكل دا بيولد النقص عند الطرف التانى
ولو فى حب صدقنى الحب بيموت من كتر المشاكل
هتقولى ما فى ناس عايشه زى الفل مع ناس اقل منها
هقولك لكل قاعده شواذ
ميرسى انك شغلت التوبك
واكيد بعد ما نخلص نقاش فى الموضوع دا
هشغله تانى ان شاء الله
معلش بجد
بس موضوع الاشراف بقى وكداا هو اللى عطلنى
ان شاء الله اشغله تانى

همس القلب كتب:: الموضوع دة كتييير اوى من البنات بيتعرضوا ليها
بالذات لما تكون البنت طموحة ومعاها شهادة جامعية
بس قبل اى حاجة لازم نبعد فكرة معينة مسيطرة على كتير مننا
وهيا
ان اللى معهوش شهادة جامعية دة اللى هيسعد البنت
واللى معاه شهادة جامعية لا
اصلى بسمعها كتير

ممكن يكون فى انسان جامعى ومحترم ويقدر يسعد البنت
وفيه العكس اكيد

البنت عايزة نفس مستواها التعليمى
عشان بيكون متفهم اكتر وبيعرف فى الزوق وشيك فى كلامه ولبسه ويعرف يحتويها

انا بتمنى ارتبط بحد كدة
حتى لو كان مستواه الاجتماعى مش كويس اوى

ولو لقيت حد بالمواصفات دى لكن تعليمه متوسط
وقتها مفتكرش انى هرفض

التعليم ماهو الا سكه لتغيير سلوكيات فى الانسان
وطريقة التفكير
وانا اعرف ناس كتير مرتبطين باقل منهم فى التعليم وسعداء جدا

وقبل اى شيئ الارتياح
لو موجود حاجات كتير وقتها بتتغير

تسلم لطرح الموضوع

عندك حق يا همس والله
وبعدين زى مانتى قولتى اهم حاجه الارتيـــــــــــــاح لان كل شئ بيزول مع الوقت
ومش بتبقى غير المعامله الكويسه والود والمحبه
نورتينى والله بردك المميز

شهد الحب كتب:: بجد موضوع مهم جداااااااااااا

وبيحصل كتير جدا وشوفته قدامى

وأنا مع همس فى كل كلامها

المفروض الواحد مايضروش على شهادة ولا لأ

أهم حاجة الأخلاق والتدين والأحترام

وبعدين ممكن يون أقل منى فى المستوى التعليمى بسس متفاهمين جدا ومرتاحين مع بعض

وببقى مدايقة قوى لما ألاقى واحدة بتقولى لازم اللى يجيلى نفس المستوى اللى عايشة فيه

ونفس مستواى التعليمى

عندك حق يا شهد والله
وطبعا هرجع واقول اهم حاجه الارتيـــــــــــــــــــــاح
نورتينى والله

Be closer كتب:: فكرة التوبك هايلة و جميلة جدا اوى يا غالى
تسلم يا محمد يااارب
ميرسى جدا جدا ليك يا ميدو ع الاطروحة و الفكرة الهايلة دى

ربنا يخليك يا محمد
من وجهة نظرى ردا على التساؤل بتاعك يا ميدو

ان الحب ابقى من الشهادة دى نمرة واحد

ثانيا ناس كتيييييييييييييير بتبقى معاهم شهادات هايلة و متقدمة جدا

بس التعامل مع الانسانة اللى هيرتبط بيها مش حلوة

عشان كدة لازم يكون الحب ف المقام الاول

و من ناحية التكافؤ ف الشهادات بين الطرفين دة تفكير اصولى و رجعى جدا

عشان الشهادة مش هتبقى سبب العشرة

الحب بين الطرفين و المعاملة الحسنة هيا الابقى و الادوم

ميرسى جدا جدا ليك يا غالى

ع الفكرة الهايلة دى

متألق ديما يا حبى

كلامك منطقى جدا وانا مش عارف ازاى لسه فى حد بيفكر بالطريقه دى لسه ازاى والله
والشهاده مش بتعلى صاحبها
الانسان هو اللى مجهوده وبتعبه بيعلى نفسه اكيد الاهم من كل ده المعامله الحسنى
تسلم يا محمد متالق بردودك يا صاحبى دايما
نورتنى والله بجد

GiRl StOorY كتب:: أولا ثانكس على الفكرة
مع انى كنت عارفه يعنى

اه مانا عارف

أنا رأيــى ممكن هايختلف مع ناس كتير أوى
لأن واضح ان كل الناس هنا رأيها واحد

لكن أنا مقبلش دا
مش تكبر الحمد لله
لكن أنا مش بعمل كل دا وأهلى واقفين معايا ويوصلونى لكل دا
وآجى ف الآخر أروح أرتبط بحد أقل منى
طيب ما انا كنت ريحت نفسي وريحتهم معايا ودخلت بقي اى حاجة
وأقول لا فى ناس بتفكر كدا وممكن حد أعلى منى يوافق يرتبط بيا
وأنا بقول ممكن
طيب ليه بقي أنا أحط نفسي ف الوضع دا
لا أنا فـــ غنى عن دا

وأنا شايفه ان مش كل اللى معاهم شهادات يعنى مش كويسين ولا مش هايقدر يحققلى اللى انا عاوزاهو
ولا هايعيشنى ف حب ولا الكلام دا
زى مافى هنا الكويس فى هنا كمان الكويس

أى نعم الشهادة مش كل حاجة بس هى من أهم المتطلبات
على الأقل بالنسبه لشخصيتى

وأنا يوم م اختار حد أختار حد أتشرف بيه قدام أهلى ونفسي والناس كلها
وقدام ولادى بعد كدا

يعنى على الأقل هايكون فاهم أكتر الحياة ماشيه ازاى ويقدر يربي ولاده صح
ويخليهم على وعى أكبر

دا رأيي
وأنا كمان بحترم كل الأراء

مع احترامى الكامل يا نور لرايك تفكير غلــــــــــط
انا معاكى انه اكيد فيه هنا كويس وفيه هنا كويس اوووكى
لكن اسمحيلى مش شرط يكون معاه شهاده عشان تفتخرى بيه
ممكن يبقى معهوش شهاده عليا بس عوض الموضوع ده بنجاحه فى حياته العمليه
ونصيحه اخ بجد متحاوليش تبصى للمظاهر لان المظاهر مبتدومش
ياريت تحترمى رايى يا نور

مع انى عارف ان رايك مش هتيغير
نورتينى والله

fadl shaker كتب:: ميرسى يا ميدو ع فكره التوبيك وطرحها ووضعها للنقاش
ميرسى لحضورك انت يا محمد والله
فى البدايه مقدرش اعمم واقول ان اللى مهوش شهاده جامعيه هو اللى هيقدر يسعد البنت

وان اللى معاه شهاده جامعيه مش هيقدر يسعد البنت

زى مافى انسان مهواش شهاده جامعيه ويقدر يسعد البنت فى برده اللى ما يقدرش يسعدها

وزى مافى انسان جامعى مايقدرش يسعد البنت فى برضه اللى يقدر يسعدها

وبعدين الشهاده الجامعيه مهياش كل حاجه

والشهاده الجامعيه مالهاش لازمه مادام صاحبها بلا خلق ودين

زى مافى ناس جامعيه اخلاقها كويسه فى برده اللى اخلاقهم مش كويسه

والحب والارتياح ابقى من الشهاده زى ماقال بى كلوزر

وانا ممكن ارتبط باللى قل منى فى المستوى التعليمى مادام لقيت فيها المواصفات اللى اتمناها

وفى قدر من التوافق والتفاهم ما بينا

تماام اوى يا محمد والله
لازمتها ايه فعلا الشهاده م واحد لا خلق ولا دين له
وطبعا مفيش مانع انك ترتبط بحد اقل منك فى المستوى طالما هتبقى سعيد معاها
منورنى يا محمد والله بجد

kHoOkHa كتب:: تسلم علي طرح الموضوع اللي بجد نفسي اتكلم فيه ااوووووووووووي
انا بصراحة بضايق اووووووووووي لما واحد يبقي مش معاه
شهادة كويسة ويترفض هو انتوا بتبصوا علي الشهادة
ولا علي الادب والاخلاق والتدين وان كان هيقدر يعيش ولا لا
مهو ممكن يبقي معاه شهادة بس عكس الكلام ده خالص
وممكن ميبقاش معاه شهادة بس محترم وكويس وافكاره كويسة
يعني مثلا ماله عامل النظافة ومش هقول زبال زي ماناس كتير بتقولها
يعني احنا من غيره هتبقي بلد محترمة كلها امراض وجراثيم وامراض
يعني ده من وجة نظري احسن من اللي فاتح شركة وقاعد في التكيف
مثلا السباك شغلته مهمة جدااااااااااااااا تخيلوا منظر الشوارع من غير سباك
ولا الريحة والمنظر
ولو جية يتقدم لوحدة تقولوا نو نو سوفاج
صح ولا غلط؟؟
اصلا احنا من غيرهم هنبقي دولة متخلفة عن كل حاجة ومش ببالغ خالص
يعني انا بالنسبالي متفرقش الشهادة طالما
محترم _ مؤدب _ ابن ناس _ وقبل اي حاجة يكون متدين

انا اسفة للتطويل بس ده راي
((واختلاف الرائ لا يفسد للود قاضية ))

رغم صغر سنك بس مبحسش بيه والله يا خوخه
دماغك كبيره اوووى بجد
وكلامك صح
لان كلنا حلقه واحده بنكمل بعض
وكلامك كله صح والله
المهم اخلاقياته وانه هيعرف يسعد الانسانه اللى هتبقى معاه
ومفيش اسف انتى نورتينى والله

ليالي كتب:: بجد التوبيك بيناقش حاجه مهمه جدا ودى منتشره كتير اليومين دول

بس انا من رايى اننا مش لازم نتسرع بالذات فى الموضوع ده ولازم نتوقع نتيجة قرارنا

قبل ما يحصل ارتباط او كده ومش لازم يبقى القلب هوه اللى مسيطر ع الموضوع ده

لان ممكن الحب ده يتحول لكره نتيجة شعور احد الاطراف بفارق بينه وبين اللى بيحبه

و ممكن الطرف التانى يحس بالندم لان الشخص التانى مش فى نفس المستوى من التفكير

ومش هيبقى مقتنع ويبدأ الحب يختفى و بالنسبه لى لا اعتقد انى ممكن ارتبط بشخص اقل من مستوى التعليم بتاعى لانى اكيد هخاف على شعوره ومش هكون مقتنعه من جوايا

وجهه نظر تحترم يا ليالى بس زى ما قولت قبل كده
التفاهم والوفاق بيكون قبل الحب
وطبعا لازم تحكيم العقل قبل كل حاجه
نورتى والله

nony_only كتب:: اولا ميرسى يا مستر ميدو على الموضوع الى فتحته دا لانه بجد بيحصل كتير و مهم جداا
انا من راى ان لو فى حب اكيد هيقضى على كل الحواجز مع انه بيبقى فى بردو احساس عند الولد انه مش فى ايده السيطره بس دى مجرد حاجه تافهه جدا و بتروح مع الوقت و التعود و بردو دا مش امر لازم على كل بنت انها متبصش للشهاده لا بالعكس الى شايفه انها تقدر تتاقلم مع الحكايه دى فامفيش اى مانع من الموضوع بس لو شايفه ان الموضوع دا ممكن يمثل لها احراج او حاجه او انها ممكن تخاف تعارضه فى حاجه لان دا ممكن يسبب احراج مع انى ضدها فى الحكايه دى بردو عادى متجبرش نفسها على حاجه مش تقدر تعملها الحكايه و مافيها الى يقدر و تقدر تستحمل الموضوع دا
لكن المشكله بقى ان فى ولاد لما اصلا تيجى تتقدم لبنات بتدور على مؤهل تعليمى عالى يعنى واحد فى طب عاوز صيدله و طب بس و الحكايه دى بتحصل قدامى كتير اوووووووى بس انا شايفه انها عمرها ما تاثر مع الولد خالص على فكره بس هنقول ايه الناس و ذكاءها هههههههههههههههه
مره تانيه الفكره جمليله اوى و مهمه

اكيد يا نونى ان كل حاجه بتزول مع الوقت وانا شايف الشهاده دى حاجه معنويه مش اكتر ولا اقل
وبعدين كل واحده وتفكيرها طبعا
بس طالما وافقت عليه مش هتفكر بقى فى حكايه احراج او كلام من ده
لانه مش هيكون فى حواجز بينهم
وهتكون المعامله بينهم طبيعيه ومش هيكون فيه فرق بينهم لانهم هيبقوا واحد
نورتى يا نونى والله

Miss Dodda كتب:: الحب لازم اوكى
بس انا مش هقبل بحد اقل منى
لان اصلا هيبقى مستواه العقلى اقل
مش هنبى متافهمين
كمان هيبقى فى حساسيه بقى بينا وكداا
وكل دا بيولد النقص عند الطرف التانى
ولو فى حب صدقنى الحب بيموت من كتر المشاكل
هتقولى ما فى ناس عايشه زى الفل مع ناس اقل منها
هقولك لكل قاعده شواذ
ميرسى انك شغلت التوبك
واكيد بعد ما نخلص نقاش فى الموضوع دا
هشغله تانى ان شاء الله
معلش بجد
بس موضوع الاشراف بقى وكداا هو اللى عطلنى
ان شاء الله اشغله تانى

اكيد الحب اساسى يا دودا
بس اسمحيلى اقولك انه فيه ناس معاش مؤهلات عليا وتفكيرهم عالى اوووى
وبيحاولوا يعوضوا النقص اللى ف الشهاده ده بحاجات تانيه
والحب عمره ما هيموت طالما هى وافقت عليه ومقتنعه بيه
وفى جمله عايز اعقب عليها ان لكل قاعده شواذ
هى دلوقتى مبقتش شواذ ومبقاش فى حاجه اسمها مؤهله ايه
المهم انه كويس وهيراعى ربنا فى البنت ويدقر يعيشها عيشه كويسه
مفيش ميرسى ولا حاجه يا دودا اعتبري العمليه واحد انا او انتى المهم التوبيك الجامد ده ميقفش

وربنا يعينك وانا منتظر موضوعك القادم يا دودا

زائر

يا ميدو انا مش قصدى ان انا ارفض حد اقل منى او لا
بس انا شفت الحكايه دى يعنى مثلا وانا بدى مثال بس
واحده زينا مثلا كليه متوسطه اهى وتربيه انجلش
جايلها واحد دبلوم تمام ؟؟
والله حصلت وكانوا بص بيموتوا فى بعض كدااا
بعد الزواج بقى
ان هى اتكلمت انجلش اواتفرجت على حاجه انجلش او كان اهتمامها بالانجلش زايد شويه
زوجها كان بياخد الموضوع بحساسيه وانتى هتعملى نفسك خبيره
ولا جايه من امريكا وهى اصلا مش قصدها حاجه ونيتها صافيه بجد
مره فى مره بقى دا موضوع الشكل بقى
وهو دايما حاسس انها شايفه نفسها عليه وطبيعه الراجل بقى
انه بيحب يكون هو فى المقام الاول
فبجد حياتهم عذاب وربنا

فانا مش بعترض على المؤهل لان بجد فى ناس كداا وكويسه والمؤهل مش حاجه يعنى
بس العيب مش فى اللى مؤهله اعلى
العيب فى الاقل لانه بجد بيبقى شايف دايما انه اقل ويحاول يثبت نفسه
بس بالمشاكل بقى وكل شويه خناقه
ياريت تكون فهمتنى

Miss Dodda كتب:: يا ميدو انا مش قصدى ان انا ارفض حد اقل منى او لا
بس انا شفت الحكايه دى يعنى مثلا وانا بدى مثال بس
واحده زينا مثلا كليه متوسطه اهى وتربيه انجلش
جايلها واحد دبلوم تمام ؟؟
والله حصلت وكانوا بص بيموتوا فى بعض كدااا
بعد الزواج بقى
ان هى اتكلمت انجلش اواتفرجت على حاجه انجلش او كان اهتمامها بالانجلش زايد شويه
زوجها كان بياخد الموضوع بحساسيه وانتى هتعملى نفسك خبيره
ولا جايه من امريكا وهى اصلا مش قصدها حاجه ونيتها صافيه بجد
مره فى مره بقى دا موضوع الشكل بقى
وهو دايما حاسس انها شايفه نفسها عليه وطبيعه الراجل بقى
انه بيحب يكون هو فى المقام الاول
فبجد حياتهم عذاب وربنا

فانا مش بعترض على المؤهل لان بجد فى ناس كداا وكويسه والمؤهل مش حاجه يعنى
بس العيب مش فى اللى مؤهله اعلى
العيب فى الاقل لانه بجد بيبقى شايف دايما انه اقل ويحاول يثبت نفسه
بس بالمشاكل بقى وكل شويه خناقه
ياريت تكون فهمتنى

كلام جميل يا دودا ومصدق كل كلمه والله
بس هى مجرد اختلاف طريقه تفكير
وانا اتكلمت ان فيه اللى بيعرف يعوض نقطه الشهاده دى فى مستوى التفكير بتاعه
وفيه اللى مبيعرفش
واكيد فى الكويس والوحش
ثانكس يا دودا على التوضيح

» بيس فى الكيس شويه هبل وحبه تهيس
» اللى فاكرين نفسهم بنات يدخلوا يشوفوا البنات اللى بجد
» اللى من 1 الى 7 يقول اللى نفسه فيه
» اتكلم
» هل زرت يوما قلبك