هل الحب شئ مرفوض ؟؟؟؟؟؟؟

لماذا ينظر المجتمع الى الحب انه عيب؟واذا
كان كذلك ماسر تلك العاطفه التى يحملها كل منا فى اعماق نفسه؟ما راى الدين
فى الحب؟ هل كان رسول الله (ص) يحب؟ هل كان

صحابه رسول الله يحبون؟ لماذا
احب؟ ما معنى الحب الحقيقى وما دلائله؟هل انجذابى لاحدى زميلاتى/لاحد
زملائى هو الحب؟ وكيف اعرف؟ولو احببت ماذا افعل؟كل هذه

التساؤلات...وغيرها
الكثير يدور فى اذهاننا نحن الشباب... بعضنا يحاول الوصول لحقيقة اجاباتها
والبعض الاخر يتهرب منها اما خوفا من الحب او لانه لا يفهم المعنى الحقيقى
له,

والبعض الاخر يجيبون على هذه التساؤلات باجابات سطحيه. والمظلوم الاول
هو الحب الى كل اصداقئى كل هذه الاسئله اطرحها عليكم لفتح بابا الحوار
لمعرفه الحقيقه برجاء اعطاء

ارائكم

ME BN

الاول بحيك انك فتحت موضوع زي ده
انا في رايي الحب مش حرام سواء لزملتي او لغيرها بس معلش في حدود مش اقعد طول النهار معاها ومحضرش محاضرات او بمعني اني اضيع وقتي اللي بيحب حد بيشجعه علي التقدم والنجاح وليس الي التاخر والفشل وطالما انا حبيتها ليه مدخلش البيت وتبقي من حقي قدام الناس اقصد ليه اخلي الناس تقول كلمه ملهاش لزمه عليا وعليها
الحب شيء جميل واعرفه اني لما اتعلق بحد وارتاحله واحس ان هو ده الجزء المكمل ليا يبقي كده انا بحب.[size=29]الحب الحقيقي كاليد والعين اذا بكت العين تمسح اليد دموعها واذا تالمت اليد بكت عليها العين
اسفه للاطاله وبجد انا لو فضلت اتكلم عن الحب هقول كتير[/size]

اولا ميرسى ليك كتير على فتح موضوع زى ده
وبصراحه انا كنت لسه بسأل نفسى النهرده الاسئله دى
وفرحت اوى لما لاقيتك عامل الموضوع ده
بص بقا
.......................
اولا الحب لاهو عيب ولا حرام بدليل ان فى حب بينتهى بجواز وده ال بيتقال عليه الحب الحقيقى
والحب ده مشاعر جميله جدا محدش يقدر يوقفها ويمنع نفسه منها لان ده بيحصل غصب عن الواحد
محدش بيقول انا عاوز احب ويلاقى الحب ولا حد بيقول انا مش عاوز احب دى حاجه مش بأيدينا
بس للاسف احنا مجتمعنا بيحرم الحب على البنت مش على الولد
بدليل ان لما اى حد يشوف بنت مع ولد بيقول عليها
(آه البنت دى شوفت ماشيه مع مين يااااااااااه دانا كنت فاكرها مؤدبه)
هو ايه ال فاكرها مؤدبه دى دا على اساس يعنى انها كده بقت مش مؤدبه عشان حبت
ده كلام اصلا مالوش معنى بس دا عيبنا المصريين كلامنا كتير
دا حتى لو البنت مابتكلمش غير والولد ده وبتحبه وهو بيحبها وبيموتو فى بعض بس مفيش رحمه ف المجتمع ال عايشين فيه للاسف
وع العكس ممكن تلاقى بنت بتكلم اكتر من ولد بس اصحاب وبتقال عليها
(عادى دول زمايل واخوات مفهاش حاجه الجامعه كده)
.......................

تانى حاجه
الدين عمره ماحرم الحب بدليل ان الرسول حب زوجاته كلهم وهما كانو بيحبوه
................
وطبعا انا من وجهه نظرى ان الحب بدام مبنى على ثقه واحترام بين الطرفين وبعلم اهلهم يبقا عادى لا عيب ولا حرام بدام متأكدين ان نهايتهم الجواز
وشكرا ليك مره تانيه واسفه على الاطاله

هل الحب شئ مرفوض ؟؟؟؟؟؟؟ 860280

الحب مش مرفوض بس للى يتاهله ويحس بيك ويعرف قيمتك وانك فعلا انسان متتعوضش وفى ناس ماتستهلش الحب ده لأنهم ماقدرهوش والحب مرفوض لما يكون الى قدامك مايتاهلش ولا حتى انك تفكر فيه بس الحب عمره ماكان مرفوض ده اجمل حاجه فى الكون بس للى يحس بيه بجد هل الحب شئ مرفوض ؟؟؟؟؟؟؟ 550737

الاول الموضوع دة كويس اوى لانى انا كان نفسى افتح الموضوع دة حلو اوى ومحط جدل
انا فى رايى الحب مش حرام خالص لان ربنا حب ادم وكرمة وجعل اللملائكة يسجدوا لة
ودة دليل على الحب كمان الرسول كان بيحب ستنا خديجة وكمان بيحب ستنا عائشة وتزوجها وهى عندها 9 سنين .
كمان الحب فى حياتنا لازم يبقى موجود والا ماتت البشرية
لازم تحب نفسك بس مش لدرجة الانانية حب عيلتك واصحابك وجيرانك وكل اللى حواليك وهودة الحب الحقيقى اما بالنسبة للحب الموجود دلوقتى عادبيتفهم غلط وخاصة بين البنت والولد ودة ممكن نلاحظة دلوقتى وخاصة بين البنات لان بعتقد والله اعلم ان دى غيرة
يارب اكون افدت مش طولت

السلام عليكم ازيكم يا احلى اعضاء فالدنيا
يارب تكونو كلكو تمام وكويسين
اولا احب اشكرك يا مسيو عالتوبيك الهايل ده
بجد توبيكاتك كلها متميزه وفريده من نوعها
تسلم يا برنس عالتوبيكات الجميله دى
ثانيا احب اقول رأىى فالموضوع ده
بدايه الحب مش عيب ولا حرام طلما فحدود الادب والاحترام المتبادل من الطرفين
وبجد لولا الحب ده فعلا مكنش زمان حد عرف حد ولا كان لحد اصدقاء ولا اصحاب
واصغر دليل وجودنا عالمنتدى ده ده ليه لاننا كلنا اصدقاء وبنحب بعض وفيه مشاعر صداقه
واخوه بينا هيا اللى بتخلينا ديما بنحب نتكلم ونتناقش مع بعض
والدليل الاكبر رسولنا رسول الرحمه سيدنا محمد صلى الله عليه وعلى آله وصحبه وسلم
لما الرسول (ص) لما المرض زاد عليه احب انه يبيت عند السيده عائشه لانه كان (ص) كان بيحبها جدا ده ميمنعش انه كان بيحب باقى زوجاته(ص)
دى كلها معانى صادقه للحب الطاهر الشريف
شكرااااااااااا

هاى اذيكم يا جماعة ؟ يا رب تكونوا بخير
شكرا على الموضوع
أنا رأى ان الحب مش حرام ولا عيب أجمل حاجة فى الدنيا لما تلاقى حد يحبك ويخاف عليك بس يكون بجد مش تسلية و خلاص وبالنسبة للحب الحقيقى فهو اللى بيعيش طول العمر الحب مش هو اللى مظلوم بس المجتمع اللى مش بيقبل كدا على أساس ان احنا فى عنيهم ليسا صغيرين[/i]

ازيكوا ياجماعه
طبعا اراء الناس كلها صح
ورايي انا ان الحب طبعا مش عيب ولا حرام نهائي
الحب هو حاجه اساسيه منقدرش نعيش من غيرها ابدا
هو احساس جميل جدا بيحس بيه الواحد
ومش عيب ان الواحد يحب زميلته في الكليه او في حته
مادام فعلا نيته كويسه و نيتها كويسه والحب ده صادق
وطبعا لازم يتم في شكل رسمي في النهايه لو في نصيب بينهم
والحب كان من ايام الرسول عليه افضل الصلاه والسلام
فماينفعش حد يقول عليه حرام

(بوووودي)

انا رأي ان الحب دا اجمل حاجه في الدنيا وعذابه اجمل عذاب واجمل حاجه في الحب انه يكون شرعي عشان تحس بحلاوته أهم حاجه انك ماتجرحش كرامة اللي بتحبه والحب من غير كرامه مش حب دا بيكون ذل

» طلب مرفوض ،، قصة قصيرة
» الحب الصامت من اصعب انواع الحب .............. فلماذا؟!!!!!!!!!!!!!!!
» نجوي فؤاد للإسلاميين: الاقتراب من الرقص مرفوض
» هل الحب التاني يمحى الحب الاول
» **عمرو دياب يجيب عن كل أسئلة الحب ف عيد الحب** ارجو الدخول **