يوم فى حياة عضو للاعضاء كافة

بسم الله الرحمن الرحيم,,

السلام عليكم ورحمه الله وبركااته<<< رد السلام واااجب..

حبيت اضيف موضوع جديد أو فكـره جديده ومالقيت الا هالفكرهـ..

موضوع جميل وخفيف وياليت الجميع يشارك فيهـ

الفكره عجبتني وحبيت اطبقها في منتدانا المتألق...

سنقوم باستضافة عضو.. أو عضوه

يحكي لنا عن مسار يومه

منذ ان يصحو صباحاً حتى يحل الليل وينام...

متحدثاً بحريه تامة وبأسلوب..عفوي جداً.وكم جميل لو كان به

بعض المــرح والإنطلاق والفــله والتحرر من قيود المواضيع الرتيبه يعني بأسلووب يونــس..

ثم بعد أن ينتهي يقوم هو شخصياً بأختيار عضو آخر

ليحكي لنا عن تفاصيل يومة وكيف يقضيه...

طبعاً عـأدي لوكان التحدث عن يوم عادي وليس يوم إجازة

وذكر التفاصيل ليكون الموضوع ممتع...

طبعا كل عضو نختاره ويتكلم عن نفسه بعد ان ينتهي

يختار هو العضو الذي يليه وهكذا....

وطبعااا أنا اللي بابدأأأ

اممممممممممممممممممممممممم

أختــأر

صديقى الغالى ahmed math فيتفضل

والله موضوع كويس بجد

وانا ان شاء الله هثبته لانه عجبنى بجد

فكرا كويسه

ويلا يااحمد قولنا بتعمل ايه فى يومك

فكره جميله

فى انتظار الضيف الاول

هو راح فين
ههههههههههههه
حد يبعتله ع الخاص يصحيه

فكره جميله واحنا فى انتظار رد اجمد

فكرة هايلة .... مشكووووور مجرد حلم Cool

بس يا ترى .... انت فييييييييييييييين يا أحمد ؟؟؟؟؟؟؟؟؟؟؟؟

الاول هارد السلام واقول وعليكم السلام وثانيا على فكره موضوع جامد يا مجرد حلم وممتاز جدا ودايما تتالق فى المنتدى وفى المقدمه ومنورنا

زائر

فكره جامده وانت فين يا احمد

مرسى ليكوا جميعا بس مش عارف احمد فين حد يبعتله رسالة خاصة يا شباب

ومرسى ع مروررررررررررررررركم

بجد موضوع لذيذ
واحنا في انتظار احمد

اولا أحب ان اشكر أخى العزيز عليا مجرد حلم على هذه الفكرة الرائعة
ثانيا أعتذر على التاخير
نبدأ بقى
هحكى ليكوا ماذا فعلت فى يومى......:bounce:
أول شئ صحيت من النوم بدرى
بس اللى صحانى من النوم صديق عزيز عليا..... برنة موبايل مزعجة
بعدين غسلت وشى وخدت شاوررر سخن
صليت..... فطرت......لبست هدومى وخرجت
على فين بقى
امممممممممممم
............
واخدت كام محاضرة ....... وصليت الظهر
وبعدين اتعشيت....خخخخخخخخخخخخ
بس مجرد حلم البخيل ..... مرضاش يعزمنى على العشا Mad

بعد الانتهاء من المحاضرات
رجعت البيت بقى....وسلمت على والدى ووالدتى واخواتى
ولقيت بطنى بتصوصوا من الجوع فاتعشيت تانى
نمت.......... صحيت.... صليت العصر ..... نمت تانى
صليت المغرب....خخخخخخخخ.... اليوم كله نوم:sleep:
وبعدين اقعدت نت .....ودخلت على المنتدى الجميل ده
عشان ارد على الموضوع الرائع ده
لحد ما جالى شد عضل فى صباعى من الكتابه:affraid:
صليت العشاء.... يادوبك ...... اتغديت
خخخخخخخخخخ..... لاحظوا كلمة اتغديت
هذا موعد عشاء مش غدى
بعدين اقعدت اشاهد التلفاز..... اشوف ايه الجديد
لقيت كل شئ على قديمه...... فطفشت
وخرجت شوية مع اصحابى .....رجعت البيت
وبعدين اقعدت زاكرت شوية.... بعدين اقعدت على سريرى افكر انام ولا انام
فنمت
اختار مين
اممممممممممممممممممم

سمول انجل

فكرة حوة مووووت
وفى انتظار انجل ترد وتحكى لنا عن يومها

فكره جامده جدا

جميل جدا وفى انتظار سمول انجل

مرسى يا احمد باشا ونحن فى انتظار سمول انجل

فلتتتتتتتتتتتتتتتتتتتتتتتتتتتتفضل

زائر

جميل اوى بجد
ومستينني سمووول

الفكرة حلوة اوى بجد

مستنيين يومك ياسمول

الفكرة حلوة
ومستننين سمول انجل

انا جيت ياشباب
بصو بقا انا هحكي على يومى امبارح
لانه كان يوم طويل شويه
انا امبارح كان عندى رحله
يااااااااه اخيرا الحمد لله هطلع رحله
دى اللى كنت بقوله بينى وبين نفسى من وقت ماعرفت ان الدكتور هيطلعنا رحله
المفروض انها علميه وترفيهيه
المهم ياشباب بدء يومى بان
المنبه ضرب الساعه 5 قعدت افكر اقول اقوم ولاانام شويهوبعدين افتكرت ان عندى الرحله
معلش اصل كنت لسه مش مركزه بقا
فقومت نطيت من على السرير زى العيال الصغيره
وقومت اتوضيت وصليت
وجهزت الاكل بقا والحاجات اللى هاخدها معايا للرحله
وبعدين لبست وخرجت ركبت المواصلات ووصلت عند بوابة تربيه
واتجمعنا انا واصحابى لقينا باص كده شكله كان ايه تحفه
كلنا فرحنا وقولنا ايه الهنا دى الباص دا مش هيخرجنا من المنصوره
بعدين لقينا باص تانى جه واكتشفنا ان دا هو الباص اللى هنركب فيه
وطبعا كلنا جرينا على باص زى اللى اول مره فى حياتهم يشوفو باص
بعدين ياشباب ركبنا وواحده صاحبتى قالت دعاء السفر ورردناه وراها (كانت حاجه حلوه اوى)
بعدين اتحرك الباص
وبدانا بقا المشوار الطويييييييل لحد الفيوم
وفى الطريق طبعا اتسلينا شويه
بس بصراحه السواق كان متعاون معانا اوى وعاوزنا نكون مبسوطين وفرحانين
بنقوله لو سمحت عاوزين نشغل الكاسيت قالنا (لا) ومارضاش
بصراحه عامل اللى عليه هيعمل ايه اكتر من كده
طبعا احنا كنا هنطق وقتها وهنموت من الغيظ
بس المهم اتصرفنا وقعدنا نغنى احنا وياسلام بقا مااقولكوش على الاصوات
يعنى الحمد لله ان انتو ماسمعتوهاش
بعدين فطرت انا واصحابى
بعدين قعدت شويه مع نفسى اتفرج من شباك الباص
بعدين مشينا كتير لحد ماوصلنا لبحيرة قارون
حاجه جميله اوى
وركبنا فيها مركب وكنت هموت من الرعب الحمد لله بس كان وقت جميل مع اصحابى
بالمناسبه ياشباب بحيرة قارون طولها 45 كم وعرضها 6 كم وهى بحيره ساحليه والسمك اللى فيها سمكة موسى
يعنى معلومه عرفتها قولت اقولهالكم
صحيح نسيت معلش بقا
حنا الاول نزلنا الصحرا ء وقعدنا نجمع نباتات واتصورنا مع الدكاتره
والحمد لله كنت هعيط لان النباتات كانت بتشوك
وماكنتش عارفه اجمع حاجه
ودا كان قبل بحيرة قارون
بعدين بعد بحيرة قارون ركبنا الباص وروحا شوفنا الشلالات
واحنا ماشيين على الطريق كان منظر الرمال والصحراء والمياه ظاهره كده من بعيد بجد كان منظر تحفه
وياجماعه واحنا فى الطريق جمعو مننا كل واحد خمسه جنيه بحالهم علشان ندخل عند الشلالات
وعلى فكره دى الحاجه الوحيده اللى صرفتها فى الرحله لما رجعت مقهوره
بعد ماكنت بلم من البيت كله علشان اروح الرحله واصرف بقا كتير ارجع بالفلوس
اه ياحظى يانى
المهم بقا روحنا عند الشلالات وبرده كان فيه بحيره
والمنظر كان بجد جميل اخر حاجه
وقعدنا بقا نتصور
ولقينا شباب بيغلسو علينا عند البحيره فصاحبتى علت صوتها وقالت يلايابنات ننادى للدكتور علشان هو واقف اهو
طبعا الشباب هيعملو ايه
طبعا اخد ديلهم فى سنناهم وجريو
وطبعا الدكتور ماكانش واقف ولا حاجه
وبعدين بقا قعدت صورت المياه والشلالات
وكان فيه شباب هناك يطلعو على الشلال وينطو ياسلام احمد السقا فى افريكانو ياولاد
بعدين بقا ضحكو علينا وقالولنا يلا علشان نروح الملاهى وماقعدناش غير نص ساعه عند الشلالات
وبعدين ركبنا الباص على اساس ان احنا رايحين ملاهى
اكتشفنا اننا مروحين
لان حضراتكم السواق تعبان ومش عاوز يروح الملاهى مش بقولكو كان بيحاول يبسطنا بقدر الامكان يعمل ايه اكتر من كده يقطع نفسه يعنى
وبعدين كلنا طبعا اتقهرنا ونفسنا اتسدت ورجعت بالاكل كله وبالفلوس كلها
وووصلنا لاجا وسلمت على اصحابى
ونزلت فى اجا بما ان انا من بلد تابعه لاجا
واخويا اخدنى بالعربيه لحد البيت
بس ياجماعه بصرف النظر عن انى اخدت مقلب فى الرحله واتسكيت جامد والسواق كان ممشينا على مزاجه وانى مروحه البيت الساعه 10 ونص
دا انا فى ثانوى كنت بروح 12 ونص اه يانا
بس بجد اللمه مع اصحابى وزمايلى وهزارنا وضحكنا خلانا مبسوطين جدا ونسينا اى حاجه تانيه
بجد كان يوم جميل فى حياتى وبجد هفتقد دفعتى اوى
ورجعت البيت دخات غسلت ايدى ووشى واتوضيت وقعدت اصلى
وبعدين قعدت احكى لماما وبابا وهم يضحكو عليا وبعدين دخلت على السرير علطول لانى كنت خلصانه خالص
معلش بقا طولت عليكو ياشبا ب حظكو بقا استحملونى وامركو لله

معلش نسيت
ياترى اختار مين اختار مين
هختار ميدو ستار

زائر

يومك عسل يا سمووول
فى انتظار ميدو

جميل اوى

وفى انتظار ميدو

يومك كان رائع وفى انتظار ميدو ستار

يا ريت دودا تبلغية ف رسالة اننا مستنينه
بماانتى المراقبة العامة فهذا طلبى منك

حد يا جماعه يقولها بدل الانتظار ما يطول

الفكرة جامدة جدا يا مجرد حام وميرسى ليك
وبلا مستنيين سمول انجل

» حياة الموز لا تختلف عن حياة البشر !!
» قصة حياة تامر حسنى..
» تجارب فى حياة الاخرين
» قصة حياة تامر حسنى..
» أي حياة من الحياتين ستعيش؟