حدوتة البخيل وابنه:
راجل بخيل جداً , جا له ضيف نادى البخيل ابنه وقال له : يا
بني احنا عندنا ضيف عزيز على قلبي روح السوق واشترلنا لحمة ... أحسن لحمة في السوق ...( طبعاً الضيف سامع ) راح الولد للسوق وبعد مدة رجع
لكنه ما اشتراش حاجه سأله أبوه: فين اللحمة؟ قال الولد: رحت للجزار وقلت له: اديني أحسن لحمة عندك. قال الجزار: هأديك لحمة كأنها ز...بده.... قلت
لنفسي إذا كان كدا ليه ما أشتريش الزبده بدل اللحمة؟ رحت للبقال وقلت له: اديني أحسن زبده عندك.قالي البقال : هاديك زبده كأنها عسل من حلاوتها
قلت في نفسي : إذا كان الموضوع كدا أفضل لي أشتري عسل. رحت لبتاع العسل.
...........................
وقلت له : اديني أحسن عسل عندك.فقال الرجل: هاديك « عسل » كأنه مايه صافية فقلت لنفسي: إذا كانت الحكاية كده ،فعندنا مايه صافيه في البيت و
احلى منه . عشان كدا رجعت من غير ما أشتري حاجة ... قال له أبوه : ماشاء الله عليك ..... انت كريم زي ابوك .. والضيف سامع كله ... وهو قاعد
مزبهل ...الاب همس في ودن ابنه : بس فاتتك حاجه ... شبشبك اتقطع من كتر لفك من دكان إلى دكان قال الولد : ههههههه ودي تفوتني بردو يابا.......
أنا لبست شبشب الضيف
راح ابوه حضنه من الفرحه