انت فى اوضتك على السرير وطافى النور ومتغطى ييجى عليك اخوك ويفتح الباب عليك ويقول ايه ده انت هتنام ولا ايه؟؟؟؟اظن ده مش وضع رقص!!واضح ان انا هنام
***********
انتم معزومين عند ناسورحتوا لبيتهم واول ما فتحولكوا الباب :ايه ده انتو جيتوا((لا لسه))
***********
والعكس:انت لابس هدومك ومتأنتك وعلى سنجة عشره وريحه البارفان واصله لأخر الشارع..وخلاص بتفتح باب الشقه يجى حد من اهلك وبصوت عالى :انتا خارج ولا ايه((!!لأ دانا لسه راجع))
***********
او مثلا راكب العربيه ودورتها وخلاص هتطلع..يجيلك البواب ويخبطلك على الزجاج"انتابكل ذوق تفتح الزجاج وتقوله :خير فى حاجه يقولك:انتا رايح الشغل يا بيه((لأ..العربيه وحشانى))
***********
مثلا ماسك سماعه التلفون قاعد تدوس على الارقام يجى حد من اهلك ويقولك:انتا هتتكلم فى التلفون((لأ..بتفرج عليه))
***********
مثلا:ماسك مذاكره او كتاب وقاعد تحفظ ومتحمس(اول مره بقى)..جه حد من اهلك وقالك:هاه..قاعد تذاكر((تقوم رامى الكتاب وتقوله لااااااااااء))
***********
ربنا هاديك كده..ماسك سبحه وعمال تسبح يجى حد من البيت بيعدىعليك ويقول:انتا بتسبح((لاء..هفرطها واسلقها))
***********
ولا تعالو شوفوا قنواتنا واسئلتهم البديهيه البايخه برنامج اهداءات بيتصل واحد يطلب اغنيه ترد عليه ست كتكوته(المذيعه)بكل خفه ورشاقه:انتا بتحب الاغنيه دى ولا ايه((..لاء طالبها اخنق على نفسى))
***********
او مثلا فى العيد
المذيع:ههههههه ههههههه هههههه نتعرف بيك
المواطن:الفلان الفلانى
المذيع:ههههههه ههههههههه ههههههه بتقول ايه للاهل ههه وصحابك هههههه
وقرايبك هههه وللناس الى انتا مخاصمهم كمان؟هههههههه هههههه هههههه
المواطن:اقولهم كل عام وانتم بخير((اكيد يعنى مش حقولهم البقاء لله))
***********
المذيعه الظريفه:و يا ترى بقى هتعملوا ايه العيد ده هتقضوه ازاى؟
اكيد بيبقى زيارات الاهل والصحاب وتخرجوا تشوفوا مظاهر العيد فى الشوارع وتفسحوا اولادكم ونتصل بالمعارف نعيد عليهم ونقولهم كل سنه وانتو طيبين((سبتيله ايه يقوله يا رخمه))
***********
والاسخف بقى..الشلل الكبير..لما المذيعين يكلموا الاطفال
يقول المذيع للطفل:انتا بتحب ماما وبابا((يعنى اساسى الواد لسه مطلعلوش عرق النداله علشان يقول لأ
موضوع: أسئلة تجيب الشلل 
الثلاثاء أغسطس 17, 2010 6:31 pm
