الغاية تبرر الوسيلة؟؟

مين مننا مفيش عنده احلام وطموحات؟؟

مين مننا مش عاوز يحقق كيان فى المجتمع يفخر هو بيه
قبل ما اى حد تانى يتكلم عنه؟؟
كلنا بنحلم وكلنا عاوزين نبقى حاجة
فى مننا اللى بيسعى ويجتهد ويشتغل ويفكر
عشان يوصل لمراده بطريقة مشروعة
ومننا اللى هيختار او فعلا اختار الطريق اللى بيقولوا عنه اسهل
وهو يمكن يكون اسهل
بس ملوش طعم ومش هتحس فيه بنجاحك

عرفت فى حياتى شخصية تكاد تكون من اجمل الشخصيات اللى
ممكن تتعرف عليها فى حياتك
شغالة وبتفكر وعاوزة توصل
وفى نقاش بينا كده
قالت لى
الغاية تبرر الوسيلة وان كانت حقيرة ؟؟؟؟؟؟؟؟؟؟؟؟؟
اتصدمت فيها صراحة

ودلوقتى انا عاوزة اعرف تفكيرك انت وتفكيرك انتى
مبدأك فى الحياة يا فتى وانتى يا فتاة

ممكن تتجاوز المبادئ والاسس الللى اتربينا عليها عشان حلمك؟؟
ولا هتمشى الطريق من اول وتطلعه سلمة سلمة
وحتى لو اتكسرت مرة تقوم وتقف وترجع تانى تطلع؟؟

طبعا توبيك جميل يابيور واحيك على الفكره دى

اما بقى عن الغايه تبرر الوسيله وان كانت حقيره

الشخص ممكن يوصل للشىء الى عاوزه بحقاره وسهوله زى مافى ناس كدا

بس فى الخر زى ماوصل للشى دا بسهوله هيضيع منه بسهوله

وهيرجع زى ماكان بل واقل من الاول

لو الواحد عاوز يوصل لحاجه يشتغل علشناها ويفكر علشانها حتى لو موصلش يبقى هوا كدا عمل الى عليه
ومقصرش فى حاجه ودا قدره ويبقى راضى بنصيبه

شكرا بيور على التوبيك المميز دا

الغاية تبرر الوسيلة؟؟ Post-26323-1176030161

الغاية تبرر الوسيلة؟؟ Post-26323-1176030161

الموضوع دا جميل اوى يا بيور

بس انا من رايي لايمكن لا نتنازل عن مبادئنا لاى سببب من الاسباب

لان لو اتنازلنا عن مبدا فممكن ان نتنازل عن جميع مبادئنا

ودا اكبر خطا

لان الانسان من غير مبادىء ولا حاجه

ولا بد ان نتمسك بمبادئنا حتى لو على حساب حياتنا

مش غايه فقط

شكرا ليكى على الموضع الجميل دا

زائر

لا طبعا الغايه عمرها ما كانت مبرر للوسيله

يعنى لو الوسيله حقيره زى ما انت قلتى
هتوصلنا اه بسرعه اوى للهدف
بس هنخسر حاجات كتير اوى ومش هتتعوض
وهنرجع اقل من الاول
لاننا خسرنا نفسنا اصلا
فلازم عشان نوصل للهدف
نوصل بس بالطريق الصح حتى لو مليا مشاكل وصعب

هى دى الردود اللى كنت منتظراها
ميرسى ليكوا يا شباب
مش على انكوا نورتوا التوبيك
ولكن على ان دماغكوا كده وتفكيركوا كده
وهتعملوا كده طول عمركوا ان شاء الله

ربنا يحمى كل حد مش هيتخلى عن مبادئه