هل تتزوج بنــــــــــــت لها قصه حب سابقــــــــــه ؟؟؟؟؟

طبعا كل شاب يحب انه يكون الاول فى حياة البنت اللى هيرتبط بيها

وفى ظل التحديات الجديدة ووسائل الاعلام والانترنت والديمقراطية والانفتاح , اصبحت الفتاة حرة بنظر نفسها عن

تصرفاتها فكم عدد الفتيات اللواتي لم يرتبطن بقصص الحب؟ ممكن كتير ممكن قليل مش ده موضوعنا

موضوعنا لو خطبت بنت محترمه وممتازة بس يعنى عرفت انها كانت بتحب شاب قبلك ومحصلش نصيب انهم يرتبطوا
هتعتبر ان ده عادى وتكمل الموضوع ولا هترفض باعتبار انك لازم تكون الاول فى حياتها

وهل فعلا ما يقوله الشباب , بان ليس هناك فتيات لم ترتبط بشباب وهل فعلا الوضع اصبح صعبا فى اختيار شريكة
حياتك

الموضوع مطروح للمناقشة للشباب وللبنات
شكرااااااااا

مرسى ليك أولا ميسو

أنا مش شايفه مشكله بدل الإنسانه دى بتحبك وأنت بتحبها وخلاص نسيت أى حاجه عدت

يبقى ليه إحنا نرفض نعطيها فرصه

خاصه لو كانت علاقتها فى حدود الاحترام مع الاول بس ماحصلش نصيب

وكل واحد ياما بيشوف لحد مايقابل الإنسان إللى يحبه بجد

أنا عن نفسى لو صادفت وارتبط بحد كان بيحب قبلى

اتأكد الأول أن كل حاجه انتهت من جواه وانه بيحبنى

وهبدأ معاه حياه جديده

دا رآى

هو لسه فى حد مش عاش قصة حب قبل الزواج !!

أنا رأيى من رأى ذكـرى

-- وهل فعلا ما يقوله الشباب , بان ليس هناك فتيات لم ترتبط بشباب ؟؟

فى كتيييييييير والله ..بس اللى ارتبطوا أكتر
وعشان كدا بتحكموا بالعامية ان الكل ارتبط دلوقتى
ومش مصدقين ان فى بنات لسه مرتبطش و لسه محبش
..ومش بعيد يكون فى شباب برضه كدا

واللى مرتبطوش دول مش وحشين لا بس محتاجين أمان أكتر
يعنى تبقى كل حاجة فى النور
كمان ممكن تقول انه نفسهم ان اول حب ليهم يكون للأبد
بالخطوبة مثلا يعنى يكون الأهل عارفين و كل الناس عارفة

اولا احب اشكرك يا مسيو عالتوبيك الهايل ده
وده مش جديد عليك يا برنس
ثانيا بالنسبه للسؤال
انا من رأىى ان كثره البنات المرتبطات ميمنعش وجود عدد من البنات والشباب اللى مرتبطوش
فالكل موجود ولكن هناك من اخلص فى الارتباط وسلك فيه مسلك صحيح وهناك من اتجه يسارا
وبالنسبه للارتباط ببنت كانت مرتبطه قبلى فانا اكييييييد هكمل معاها لانه ده ميعيبهاش
ولا حاجه ماهو ممكن يكون الولد اللى كان مرتبط بيها هوا اللى مش اد الحب ده ليه لا؟
ولكن لابد الا ناخد الارتباط القبلى قاعده نقيس عليها صلاحيه البنت للارتباط ام لا
ويمكن قياس ذلك على البنت فالبنت اذا علمت ان الانسان الذى يرتبط بيها كان مرتبط
هل ستتركه لارتباطه القبلى ؟؟؟؟؟ بالطبع لا اذا كانت متاكده من حبه لها وان ما فات مات
ففكره انى اكون الاول فحياتها او مش الاول ده مش مقياس لقياس حب الانسانه اللى معاك
اسف جدا عالاطاله ولكن انا شايف هناك بعض الظلم للعديد من البنات بسبب الموضوع ده
فحبيت اوضح الصوره من وجه نظرى
اسف مره تانيه عالاطاله

» هل تتزوج من تحادثها بالهاتف أجب بصراحة؟
» عروس فرنسية تتزوج من حبيبها المتوفي
» في أمريكا امرأه تتزوج كلب بداعي الوفا والعكس يحدث في الهند..
» مصطفي يونس يعقد مقارنة بين مرتب شحاتة وجوزيه.. ويتساءل ما المانع أن تتزوج المسلمة من المسيحي؟!