الحزب الوطنى الديمقراطى عشان تطمن على بهدله ولادك

لاحظت الاعلانات الكثيره اللى بتيجى اليومين ددول تحت شعار الحزب الوطنى الديمقراطى عشان تطمن على مستقبل ولادك ( بس بصراحه انا صححت المقوله واطلقت عليها ( الحزب الوطنى الديمقراطى عشان تتطمن على بهدلت ولادك )
شوفت كمان واحد عضو محترم عامل رمز القمر وكاتب تحتها
الايه الكريمه ( بسم الله الرحمن الرحيم )

( وَجَعَلَ الْقَمَرَ فِيهِنَّ نُورًا وَجَعَلَ الشَّمْسَ سِرَاجًا )

بس طبعا الايه ذكرت الى كلمه نورا فقط

طب ده ماله ومال الايه الكريمه

حسبى الله ونعم الوكيل

ولا عشان حزب وطنى

لاقيت عضو تانى يالا محترم برضك عشان محدش يزعل أكل نص مال البلد ايام ما كان حزب وطنى دلوقت ياحرام داخل مستقل وعامل نفسه

( رمز العن عن ) موووووووتوسيكل )

وواحده عضوه محترمه بقالها والله اكتر من اربع دورات انتخابيه تتدخل الانتخابات تصدقوا بالله قمه الهيافه مش مكسوفه من كبر سنها جايبه فرقه مزمار ونازله تتمايل على انغام المزمار ينفع كده
بس الغريب فى الموضوع واللى وقفت عنده كتير اللافتات الكتيره اوى اللى منتشره فى الشوارع مش بالله كان الغلابه اولى
ولا الفلوس اللى اخدها الممثلين ولاعيبه الكوره والمغنيين عشان يعملوا الاعلانات

( دلوقت فى ناس هتقول عليه شيوعيه )

( انا مش تبع حد على فكره )

النهرضه راجل كبره فى السن وزميل فى الشغل النهرضه حكايه غريبه بيقولى انا كنت امبارح اعد مع العضو رمز( القمر) واحد فقير دخل عليه وقالوا يادكتور فلان انا نفسى فى طروبه ميه ( الطروبه دى يعرفها الناس اللى عايشين فى الريف وللتوضيح هى عباره عن ماكينه لرفع المياه الجوفيه ) لان الراجل ده لسه الميه مش دخلت عندهم
سمعت

قصه جميله اوى الصبح فى اذاعه القران الكريم

بتقول

ان زوجه سيدنا عمر رضى الله عنه وارضاه طلبت منه الحلوى فقال لها انه ليس معه المال لكى يشترى لها فأدخرت زوجتة من مصروف البيت وأتت به لعمر فقالت له خذ واشترى لى الحلوى فقال لها رضى الله عنه وارضاه
( من اين لى هذا ) فقالت هو مال ادخرته من مصروف البيت فقال لها اذن هو مال يزيد عن حاجتنا فسوف ارده الى بيت مال المسلمين رضى الله عنك يابن الخطاب .
تعرفوا لو يبطلوا يدوهم بدل جلسات ويمنعوا موضوع الحصانه ده والله ما هتشوف حد فيهم

يالاارفعوا شعار الحزب الوطنى من أجل بهدله ولادك

1- الموت فى المستشفيات الحكوميه 2- البهدله فى الاقسام 3- العطش والجوع 4- الفقر والغلا 5- انت مش عارف انا ابن مين 6- وحاجات كتييييييييييييييييير اكل عارفها

بصراحه انا فى الموضوع ده بالذات هطبق المثل اللى بيقول

( اردب ما هو لك ما تحضر كيله تتعفر دقنك وتحتار فى شيله )

( أأأأأأأأأأأأأأأأأأأأه يابلد عوزه ولد )

» بالأسماء.. مرشحو الحزب الوطنى فى محافظة الدقهلية
» الحزب الوطنى يفوز بمعظم مقاعد الشعب فى الدقهلية
» قائمه بأسماء نواب الحزب الوطنى فى جميع المحافظات لعدم انتخابهم.. أرجو النشر
» تفريق مظاهرة طلابية مطالبة بالتغيير الديمقراطى فى اليمن
» النشيد الوطنى الجديد