البرادعي: حان الوقت لتقاعد الرئيس المصري

زائر

فيينا (رويترز) - قال داعية الاصلاح المصري البارز محمد البرادعي انه يتوقع مظاهرات كبيرة في انحاء مصر يوم الجمعة وان الوقت حان لتقاعد الرئيس حسني مبارك.

واضاف البرادعي المدير السابق للوكالة الدولية للطاقة الذرية والحاصل على جائزة نوبل للسلام متحدثا لرويترز قبيل توجهه جوا من فيينا الى القاهرة يوم الخميس ان مبارك "خدم البلاد لثلاثين عاما وحان الوقت لتقاعده."
واضاف "اعتقد ان مظاهرات كبيرة ستخرج غدا في كل انحاء مصر وسأكون معهم هناك." ودعا الى ان تكون المظاهرات سلمية.

بجد على قد ما الواحد نفسه ان البلد حالها يتصلح
لكن ربنا يستر من اللى هيحصل بكره
كانها حرب اهليه ما بين الشرطه والشعب

زائر

انا بجد خطاب الرئيس ريحنى كتير
يمكن كان اللى حواليه شويه ناس فاسده
بس نديله فرصه
حتى انه يختتتم حياته
بنهايه كويسه
مينفععش كدااا ولازم كمان نصبر عشان المطالب دى تتحقق
بجد
ولو بقى متحققتش يبقى يرجعوا يتظاهروا تانى
لكن الاستمرار فى المطالبه فى ر حيله طبعا مش عدل وانا مش موافقه
نشوف اخرتها اايه ونشوف نتيجه القرار ايه
احنا الحمد لله صوتنا وصله
يبقى نصبر ونشوف
وصبرنا 30 سنه مش قادرين نستنى 6شهور
نشوف بقى ؟؟
وكمان مين البرادعى دا ؟؟!!!
دا بقاله شوفى كام سنه فى امريكا ولا يعرف حاجه عننا
وجاى الوقتى عامل حبيبنا
بجد ربنا يستر والله
وكمان اصلا عمر سليمان واحمد شفيق ناس محترمه
ياريت ندى فرصه نشوف التغيير دا هيبقى فى صالحنا ولا لا
وميدان التحرير مش هيطير
يبقوا يرجعوه تانى
بس الصبر
لان بجد اما شفت الهتافات والشعارات تجريح فى الرئيس انا اتخنقت
ليه نخلى اسمنا على لسان كل الناس والناس كلها تتحاكى عليه
مينفعش برده لازم نحافظ على اسمه ونديله فرصه اخيره

البرادعــــــــــــى
وكأن دا الفارس اللى جه عشان يطور البلد
نفسى افهم يعرف ايه عنا دا
يعرف المصريين بجد
عاشرهم بجد
فاهمهم بجد
بيحبهم بجد
كل دا الله اعلم
ومش هو اللى يحدد امتى يتقاعد مبارك
وربنا يستر ف الاخر

زائر

منورانى يا قمر
ربن يستر بجد

انا بقولها وبكل ثقة الكل يرفض البرادعى الكل لا يريده الكل يمحى وجوده
حقا اخطا مبارك فى حق مصر خطا فادح ولكن يوجد فرصة
اخيرة لانهاء حياته نهاية مشرفة نحن لن نكون سعداءعندما يهان رئيسنا
لان فى اهانته اهانه لشعبه فهو معبر عنه لمدة ثلاثون عام
حقا مصر تختلف بعد 25 يناير ماححقناه يكفى
لا يجب ان نعطى الفرصة للطفيليات لتنهز الفرصة
انا بجد بتمنى ان الوضع ده ينتهى

هو صحيح يمكن جه الوقت لتقاعد الرئيس

لكن مجاش الوقت اللى يكون فيه البرادعى الامريكى رئيس للبلد

فى كتير عايزين مبارك يتنازل
لكن مش معنى دة ان البرادعى يحلم انه يمسك الحكم
ويارب الوضع اللى احنا فيه ينتهى
صعب نشوف ولاد مصر بيقتلوا فى بعض وعشان مين حاكم !!!
ربنا يلطف بينا وبمصر

البرادعي مييييييين؟؟؟
وبأي حق يقول الرئيس يتقاعد ولا لأ‏
وهو ماله أصلا يتقاعد ولا لأ هو يعرف إيه عننا عشان فجأه يقول تغيير ومبارك يتقاعد‏!‏‏
دا واحد حياته كلها ف أمريكا نسمعله ليييييه‏!‏‏!‏
ربنا ينصر مصر وينصر الصح والعدل
شكرا دوددا ع التوبيك

» البرادعي وايمن نور يعلنان ترشحهما لانتخابات الرئاسة 2011
» أهداف مباراة الأهلي × المصري - الجوله الثالثه في الدوري المصري الممتاز - موسم 2010 / 2011 - بتحميل مباشر على أكثر من سيرفر
» البرادعي و عز و الاخوان
» ابنة محمد البرادعي متزوجة من مسيحي
» غلق صفحات البرادعي وكلنا خالد سعيد وجهات حقوقية على فيس بوك