اتعلمى تعملى مكياجك نفسك

لاحظت فى بعض مواضيع تعليم المكياج
انها مش لكل الطبقات وغير كدة طريقه الكلام
صعبه ومش بسيطه
وغير كدة ساعات بتبقى منقوله مش بتحوى على اى جديد

والله انا مش بعيب فيها ولابقول انها وحشه
بالعكس هى فى منتهى الجمال لاكن ليها ناسها

هقولكم ازاى ناسها ؟

1.ناس فاهمه فى الميكب

2.لازم نعترف ان مش كلنا عندنا القدرة الماليه اننا نشترى

مكياج بااسعار غاليه مثلا:-

كريم اساس مش عارفه من اورفيليم بالشىء الفلانى

ودير ماكول بكذا كذا

وكريم اضاءة مش عارفه بكذا كذا

فى مننا عندة القدرة وفى لا وفى عندة
بس عندة اولويات اهم من الميكب

انا مش بقول نسترخص ونجيب حاجات رديئه تبوظ بشرتنا
بالعكس بشرتنا دى هى الكنز اللى نملكه
واللى من خلاله هنقدر نبين جمالنا

من خلال الموضوع دة

هتكلم ببساطه فى الميكب

1-اساليب جديدة

2-افكار جديدة

3-طرق مختلفه

4-باقل التكاليف

5-من غير خساير فى كنزنا

6-وباقل الادوات المتوفرة

ok

بس عاوزين نتفق على حاجات اساسيه لما هنتعلم مع بعض:-

1-انا من رايى ودة اللى بطبقه معاكم ان مافيش قاعده اساسيه فى المكياج

ودة اللى هتلاحظوة معايا

ليه بقى؟

لان الميكب دة فن وزوق وطبعا الفن والزوق ملهمش قواعد

انما ليهم ادواتهم

انا هعلمكم الميكب بطريقتى

ابسط طرق للمبتدئين

2-الميكب بيتحط عشان يبرز جمالك مش عشان هيه هيه هيه
هنحط ميكب وابقى بيضه لا الميكب مش عشان يبيض
الميكب عشان ينور ويصفى ويبرز جمالك

3-عايزين نتفق على نقطه مهمه
اول خطوة فى الميكب الصح بشرة نظيفه وبشرة حلوة
اه عندنا مشاكل فى البشرة هنحلها ونعالجها
لكن مش ندارى شوائب بشرتنا بالميكب
انا محبش اقول عيوب لان الحمد لله الذى حسن خلقنا
حتى لو بشرتك تعبانه يبقى ليها ميكب خاااااااااااااااااااااااااااااااااااااااااااص وبكرر خااااااااااااااااااااااااااااص لاننا لازم نراعى انها محاجه عنايه خاصه

4-عايزين نتفق ان كل وقت وليه اذان يعنى ميكب الصبح يختلف عن ميكب الليل يختلف عن ميكب سهرات وهكذا

5- اخيرا هدفى البساطه فى شرح الميكب البسااااااااااااااااااااااطه
ووعد مافيش مصطلحات غير مفهومه
وهحاول افيدكم فى احسن واجود الانواع ان شاء الله

بسم الله نتوكل على الله

تعالوا بقى نبدا نتعلم براحه وبدون كلاكيع
اسايات الميكب
اللى المفروض تبقى عند اى بنوته واى ستوته

يالا نتوكل على الله

ادوات واساسيات

بصوا ياقمرات
اى واحدة لازم يكون عندها الادوات دى:-
لغايه هنا دى هى الادوات اللى هنحط بيها الميكب بتاعنا

1. فرشه روجاجو عشان تحطى بيها:-
.كريم الاساس
.البودرة
.احمر الخدود

2. فرشاه اى شادو عشان تحطى بيها:-
.الاى شادو اوظلال الجفون
.ترسمى بيها عينك بدل الكحل

3. اسفنجه عشان تحطى بيها:-
.كريم الاساس
.احمر الخدود
.البودرة

شوفوا مليون طريقه نعمل بيها الحاجه وهفهمكم ازاى كل دة بس واحدة واحدة

طيب لغايه هنا وفهمنا؟
نيجى بقى
للميكب الاساسى يتقسم الى:-
1. ميكب وجه
2. ميكب عيون
3. ميكب شفايف

بصوا

قاعدة مكياجك
1. كريم اساس+لوز بودر
2. كريم اساس+كومابكت بودر
3. كريم بشرة+كومباكت بودر
4. بودرة مائيه فقط ودى نصيحه لله
بلالالالالالالالالالالالالالالالالالالالالالالالال الالالالالالالالالالالاش منها
ولو يعنى لابد منها يبقى للضرورة فقط

انا عارفه ان كتير منكم هيقولوا ايه؟
كريم بشرة +كومباكت بودر

هقولكم استنوا للشرح مدام بتضحكوا عليا

بصوا بقى انا كنت اتفقت معاكم اننا لما هنحط ميكب
لازم تكون بشرتنا نظيفه واننا نحافظ عليها لانها هى اللى هتبرز جمالنا

يبقى نصلى على النبى الغالى ونبتدى

التنظيف:-

فيه مليون ومليون طريقه تنظفى بيها وشك

اول خطوة فى التنظيف اختارى من دول:-

1-بللى قطنه بزيت زيتون وامسحى بيها وشك وبعدها اغسلى وشك بمايه دافيه ليه؟
عشان نفتح المسام وتنظف

2-بللى قطنه بشويه لبن وامسحى وشك وبعدعا
اغسليه بمايه دافيه بردة

3-حطى كريم مرطب على وشك بس بزمه وكترى
وهاتى قطنه ومرريه على وشك ولملمى التراب اللى عليه
واغسليه بردة بمايه دافيه

4-اغسليه بصابونه موثوق فيها وانا هقولها ليكم عندك
(منتجات نيفيا-منتجات دوف_نابلسى شاهين _صابونه الكبريت )
واثناء مابتغسلى وشك وعليه رغوة هاتى كريم مرطب ونقطى منه ورغى وشك وبعدها اغسليه

5-اعملى ماسك نشا وماء ورد معلقتين نشا+معلقه ماء ورد +نثرة سكر وعلى النار ودوبيهم بسرعه لغايه ميبقوا زى الكريم
وحطيه من من ربع لنص ساعه واغسلي وشك

6-عندك منظف وش مستحضر يعنى لتنظيف الوجه استعمليه مافيش اى مشاكل

تانى واهم خطوة فى التنظيف

تمرير تلجه على كل الوش وتمرريها بذمه يعنى
مش لفه وكروووت عشان نسد المسام

تالت خطوة

وضع كريم مرطب وافضلى دلكى وشك
لغايه ميشربه عشان نحمى المسام من المكياج

خلاص اول خطوة التنظيف خلصنا منها

ثانى خطوة :-

قاعدة مكياجك

اللى هى عبارة عن الاساس اللى هتحطيه على وشك ومن خلاله هينورلك وشك ويفتحه وينقيه وهوة زى موضحكت قبل كدة عبارة عن

1. كريم اساس+لوز بودر(بودرة سايبه)
2. كريم اساس+كومابكت بودر(بودرة مضغوطه)
3. كريم بشرة+كومباكت بودر(بودرة مضغوطه)
4. بودرة مائيه فقط ودى نصيحه لله
بلالالالالالالالالالالالالالالالالالالالالالالالال الالالالالالالالالالالاش منها
ولو يعنى لابد منها يبقى للضرورة فقط

تعالوا ناخد واحدة واحدة ونفصص فيها كدة براحتنا

كريم الاساس +لوز بودر(بودرة سايبه)

كريم الاساس

هوة نوعين
وهوة واحد اللى بيختلف اذاكان معاه بودرة سايبه او مضغوطه اوكش

1-سايل يفضل لاصحاب البشرة الدهنيه والمختلطه

2- اصبع ستيك او جاف يعنى بيبقى قلم لاصحاب البشرة الجافه

2-لوز بودر(بودرة حرة او سايبه)

عرفنا شكل كل واحد

تعالوا نعرف

كريم الاساس

بيتحط ازاى كريم الاساس ؟

ليه كذا طريقه وانا هعرضها ليكم وشوفا اللى يناسبكم فيها

فيه فرق مابين يتحط وبيتوزع ازاى؟

هنشوف

الاولى

بيتحط كدة

1-شوفوا عملت تلات خطوط على الخدود
2-خطين على الدقن
3-خطين على الانف
4-تلات خطوط على الجبهه

طبعا الطريقه دى هتبقى لو بكريم اساس ستيك او قلم

طب لو سايل ؟؟؟؟؟؟؟

هتحطى على ايدك كريم اساس وتاخدى بصبعك وتوزعى على وشك زى الصورة كدة حتى لو هتنقطى نقط نقط مثلا

التوزيع

بيبقى

بفرشاه

او بصوابعنا

او باسفنجه

وطريقه التوزيع اهه زى الصور باختلاف بقى انتى بتوزعى بايه

شوفى هى بتوزع للخارج ازاى

سواء بفرشاه او باسفننجه او بصوابعنا هيكون للخارج كانك بتحطى كريم للوجه بس الفرشاه هتبقى صعبه شويه لو انتى مبتدئه

طيب وزعنا كريم الاساس

بجد يارب يكون كان سهل عليكم

سهل ولا اعيد بطريقه ابسط؟

استنونى محدش يمشى

عشان نكمل توزيع البودرة

توزيع البودرة السايبه

بيبقى بفرشاه زى متفقنا

ازاى؟

1-خدى حبه بودرة على ايدك

2-اغمسى الفرشاه فيهم

نزلى الفايض بالطريقه دى

ونوزعها كدة

طيب

دة بالنسبه للسايبه

طب لو هنستعمل

كريم اساس +بودرة مضغوطه

طبعا عرفنا فوق كريم الاساس بيتوزع ازاى

تعالوا بينا نعرف البوردة المضغوطه ازاى نوزعها

البودرة المضغوطه

عن طريقه الطبطبه تاخدى البودرة بالاسفنجه

وتطبطبى بيها على وشك مش تمسحى

زى كدة

وكمان كدة

حلو الكلام لغايه هنا

طيب سبق وقلت تلات طرق عشان تحطى بيها القاعده بتاعه مكياجك الاوهى :-

1. كريم اساس+لوز بودر
2. كريم اساس+كومابكت بودر
3. كريم بشرة+كومباكت بودر

اخدنا طريقه توزيع

كريم الاساس

البودرة السايبه

البودرة المضغوطه

طيب والطريقه الرابعه

كريم البشرة+البودرة المضغوطه وممكن كمان السايبه على فكرة

طريقه التوزيع

1-هنحط كريم البشرة عادى جدا

2-هنجيب البوردة سواء سايبه او مضغوطه

ونحطها بنفس الطريقه اللى فوق

وبس كدة

الطريقه دة للبشرة

1-المجهدة سواء بقى من حبوب مش نقيه كل المشاكل

2-الدهنيه بس مش فى كل الاوقات لو فى سهرة يبقى هنحط كريم اساس

3-ممكن لميكب الصبح كمان

الطريقه دى انا بنصح بيها كل بنت بتضطر تحط ميكب يوميا وفى الشمس ليه بقى لانها خفيفه وفى نفس الوقت سريعه وخطورتها اقل اكيد

الطريقه دى

لذوات البشرة الدهنيه بس زى مقلت ماعادا اوقات السهرات عشان هى مدة ثباتانها مش كتير

على فكرة انا نفسى بستخدمها

يارب اكون افدتكم

الموضوع لسه ليه بقيه

اشر او الرجاجو

انا اعتقادى الشخصى انه هوة دة نصف مكياج الوجه

لان جمال مكياج وجهك متوقف على :-
1-اختيارك اللون المناسب
2- طريقه وضع احمر الخدود
3-طريقه توزيع احمر الخدود

انا عارفه هتقولولى الروجاجو بيعمل كل دة هقولكم اى نعم

تعالواا بقى ناخد شرح تفصيلى عن طريقه وضع احمر الخدود حسب

1- شكل وشك
2-لون بشرتك
3-لون مكياجك
4-اوقات خروجك بيه

البلاشر=احمر الخدود=الروجاجو

اربع انواع

1-سايل

2-كريمى

3-بودرة

4-قلم او ستيك

كل نوع من دول ليه طريقه لوضعه وكمان ليه وقت معين

وعشان نبقى صرحه مع بعض
صعب اننا نلاقى غير نوع او نوعين منهم
الباقى موجود بس مش منتشر اوى
بس هقولكم ايه فوايد الانواع كلها؟
وازاى يبقى عندنا كل الانواع فى درج مكياجنا

نتوكل على الله

النوع الاول السايل

النوع التانى الكريمى

النوع التالت الستيك

بصوا

طريقه توزيع احمر الخدود الكريمى او السايل او الستيك

بتاخدى على صوابعك من احمر الخدود وتضحكى كدة

لما هتضحكى هتظهر لك تفاحه خدك شوفوا مكان وضع الفرشاه اهى دى التفاحه
شوفوا هنحطه ازاى على التفاحه بصوابعنا بالطبطبه

او صورة توضيحيه اكتر

وبعدها شوفو هنوزعه ازاى بالفرشاه

طيب دة بالنسبه للكريمى او الستيك او السايل

تعالوا بقى

احمر الخدود البودرة

بردة تضحكى

وعلى تفاحه خدك بالفرشاه

احنا كدة خلصنا ازاى يتحط كل بلاشر

تابعونى بقى عشان اقولكم اسرار البلاشرررررررررررررررررررر وفوايد انواعه وايه ؟

احمر الخدود واشكال الوجوة

بصوا متسمعوش كلام اللى يقولكم مش عارفه الوش الفلانى البلاشر يتحط مش عارفه ازاى

هجبلكم من الاخر

بس احب اعرفكم مصطلح تفاحه الخد

اهه
هاتى مرايه واضحكى هتلاقى خدودك طلعت بالونه فى كل خد هى دى بقى التفاحه شوفوا

الوش المليان

يبقى كدة شايفين

من عند تفاحه الخد لغايه منبت الشعر ومن منبت الشعر لغايه الدقن

الوش الرفيع

نركز على الفاحه ونطلع سنه برة زى منتوا شايفين

وفى الاول وفى الاخر احمر الخدود دة امزجه وكل واحد ليه طريقته اللى بتريحه صح ولا لع؟

1-نفرض اتزنقى مرة فى خروجه وعاوزة تزبطى احمر الخدود ومش معاكى بس معاكى قلم رووووج نقطى زى الصور وووزعيه بايدك

2-عايزة لمعه فى الخدود زى عارضات الازياء هاتى ودنك هاتى ملمع شفايف وبعد متحطى احمر الخدود نقطى بيه على تفاحه خدك ووزعيه وادعيلى

3-ملقيش ملمع شفايف هتعملى ايه هاتى حته فازلين بس مش تكترى وووزعيها على خدك دة ودة

4-زهقى ونفسك جربى احمر خدود كريمى خدى بصبعك لحسه فازلين او كريم وعليها لحسه من احمر الخدود البودرة ووزعى بقى على خدودك

5-اياك ثم اياك ثم اياك تحطى احمر خدود بمبى واى شادو بنى الاى شادو لازم يتناسق مع احمر الخدود الا لو اتزنقى

6-الالوان اللى بتليق على البشرة البيضا (كل الالوان)

7-الالوان اللى ليق على البشرة القمحاويه(المشمشى_الروزات_الخوخى )ويبتعدوا عن الموفات والبرونزيات لانها بتسمر

8-الالوان اللى تليق على البشرة الداكنه اى درجه غامقه من (الفواتح زى الروزات_كل الالوان الرابيه والبرونزيه)

وبكدة انتهى من احمر الخدود

مكياج العيوووووووووووون

مكياج العيون خطوات تتكون من:-

تغطيه او قاعدة عيونك
الاى شادو او ظلال الجفون
الكحل
الماسكرا
اضاءة الحاجب
الحواجب

تعالوا بقى نتكلم ونسرسل فى الكلام عن كل جزء فيهم

قاعده مكياج عيونك

احنا اتفقنا ان القاعده اللى هى البيس او الطبقه اللى هنحط عليها مكياجنا

قاعدة مكياج العيون ليها الف طريقه

انتى بقى اختارى اللى يناسبك

وكمان

الوقت اللى تحبى تحطيه فيها

طرق وضع قاعدة مكياج العيون

كونسيلر+كريم اساس+بودرة سايبه او مضغوطه
كريم اساس+بودرة سايبه اومضغوطه-
كونسيلر او خافى العيوب+بودرة سايبه او مضغوطه
بودرة مائيه+بودرة سايبه او مضغوطه
بودرة مائيه فقط
بودرة سايبه او مضغوطه فقط

الفرق بين البودرة السايبه والمضغوطه؟

بصوا بقى كل دى طرق تحطى بيها قاعدة مكياج عيونك

اللى يريحك تحطيه

بشرررررررررررررررررط

ايه؟

تدارى الهالات السودة

هتقولولى طب محنا بنعمل البدع وبردة ولافى فايدة هقولكم

خدوا دة

سحر للهالات السودة

زيت جنين القمح=4جنيه

تدهنيه على الاقل مرتين يوميا
ولازم قبل متنامى تدهني بيه وادعيلى وبس معجزة

وياسلام لو دهنتى بيه كل وشك

ومش هقولكم بيعمل ايه ؟

غير لما انتوا بنفسكم تقولوا

وهتشوفوا

وبردة مش هبخل عليكم واقولكم سر ازاى تدارى الهلات السودة ؟؟؟؟؟؟

بس الاول

نتعرف على

الكونسيلر

لانه جديد فى مصطلحاتنا

1-سايل

2-كريمى

3-ستيك(قلم)

4-فرشاه توزيعه

الكونسيلر دة خافى العيوب ليه ؟

ج:عشان فعلا بيخفى عيوب الوش مثلا حبايه .غمقان.اثار حبوب.هالات سودة .انف كبير

تعالوا نعرف بقى ازاى نخفى بيه ؟

تعالوا نتفق ان الاماكن اللى عاوزين نبينها نفتحها

واللى عاوزين نداريها نغمقها

عندنا حبايه او منطقه سمرة فى وشنا نعمل ايه؟

نغمقها

اوكى

دى هعلمها ليكم لما نوصل لتصحيح عيوب وشنا بالميكب

تعالوا نعرف

ازاى نحط الكونسيلر او كريم الاساس تحت العيون ؟

عندكم طريقتين

ياما تحطوة عن طريق النقط
او تحطوة خطوط لكن

طب خلاص عرفنا بيتحط ازاى ؟

تعالوا نعرف ازاى بنوزعه عندكم طريقتين

1-بالفرشاه بتاعته كدة

2-او بصوابعكم ( تخيلوا اصابعكم بدل الاسفنجه)

بطريقه الطبطه براحه خالص كدة

طب تعالوا نعرف شرح كل طريقه من اللى فوق دول

********************

1-كونسيلر+كريم اساس+بودرة سايبه او مضغوطه بالترتيب
2-كونسيلر+بودرة مضغوطه او سايبه
3-كريم اساس+بودرة سايبه او مضغوطه

بالبدايه

هنحط سواء كريم الاساس او الكونسيلر (خافى العيوب)
ونوزعه

زى الصور

وبعدها نحط البودرة لو كانت سايبه يبقى بالفرشاه

لو كانت مضغوطه يبقى بالاسفنجه عن طريقه الطبطبه

******************************

4-البودرة المائيه+البودرة السايبه او المضغوطه

هنحط المائيه بالاسفنجه بس زى متفقنا منحطهاش كتير اوقات قليله اوى وبعدها البودرة سواء اى نوع بقى ودى حلوة اوى للمبتدئين

***********************

5-بودرة سايبه اومضغوطه فقط

ودى تنفع للخروجات السريعه

********************************************

سرى لاخفاء الهلات السودة؟

هاتى اى شادو لونه اصفر او برتقالى فاتح

وحطيه

لو هتحطى كريم اساس او كونسيلر او بودرة مائيه يبقى تحطى الاى شادو الاصفر بعدهم

لو هتحطى بودرة سايبه او مضغوطه فقط يبقى تحطى الاى شادو الاصفر قبلها

ونصيحه اخيرة

الكونسيلر تبقى حاجه نظيفه اوى وموثوق بيها عشان ميعملش تجاعيد

حاجه بقى هنتكلم فى

الخطوة اللى بعدها الاوهى الاى شادو ووضع الاى شادو

بصوا بقى

فى تلات انواع لاشكال لظلال جفون العيون:-

1-لون واحد على الجفن
2-لونين على الجفن
3-تلات الوان على الجفن

انواع eyeshadow او ظلال الجفون

1-سايل

بيبقى عامل زى قلم الروج

2-بودرة

3-كريمى

4-ستيك او قلم

شوفوا بيتحط ازاى وهكذا بردة السايل

خلاص كل واحدة تستعمل اللى يريحها بقى سواء بودر كريمى سايل
نيجى
بقى
لكل نوع

************************************************** *********
الشرح الجى دة لكل من الاى شادو البودرة والكريمى

النوع الاول ظل جفون واحد:-

اى شادو لون واحد على الجفن

شوفوا بيتحط بايه ؟؟؟

فرشاه زى دى

بفرشاه زى دى

او بصوبعنا وبيبقى جامد جدا بردة

طب تعالوا نشوف بيتحط ازاى

تلات الوان على الجفن

اللون الاول فى القسم 1 واللون التانى فى القسم 2 والتالت فى 3

اللون الاول فى القسم 1و2 واللون التانى فى القسم 3 واللون التالت فى القسم 4

طيب

************************************************** *************
اربع الوان على الجفن

تعالوا نشوف لو عاوزين نحط اربع الوان

ونوعى بقى فى الالوان انتى زى ماتحبى خااااااااااااااااااااااااااااااااااااااااالص

واخيرا وليس اخررررررررررا

************************************************** *********
تكبيررررررررر العيون الصغيرة والضيقه

وبيبقى كدة

الحل الاول

اتعلمى تعملى مكياجك نفسك 2238578320_01d73c47c6

اتعلمى تعملى مكياجك نفسك 2238578320_01d73c47c6

القسم التالت دة بنسميه الكورنر ودة ليه
ميزة حلوة اوى للى عيونهم ضيقه او صغيرة لما يحطوا عليه لون غامق بيدى وسع
لعينهم حلو جدا شوفوا بيتحط ازاى هوة دة من الحلول الجامدة ليهم

بطريقه مثلث رايح جى واصحاب العيون الضيقه تركز فى اللى جى دة

الحل التانى
بدل الكحل الاسود كحل الوان

لما يحطو اى شادو ولنفرض تركواز ميحطوش بقى كحل اسود لا كحل بنى غامق او تركواز بردة حاطين اى شادو بمبى حطى كحل ازرق

************************************************** ***************

كدة خلصنا من الاى شادو والحمد لله

بجد مش عارفه اقولك ايه

ميرسى على مجهودك الرائع

تسلمى يا قمر

فعلا موضوع فظيع روووووووووووووووووووووووووووووووووعه

nony_only كتب:: فعلا موضوع فظيع روووووووووووووووووووووووووووووووووعه

ميرســــــــــــــــــى ع مرورك الاروع

DoDo 2009 كتب:: بجد مش عارفه اقولك ايه

ميرسى على مجهودك الرائع

تسلمى يا قمر

بجد مرورك أسعدنى
نورتينى

بجد تسلم ايديكي علي المعلومات الحلوه دي
ومستنين منك اكتر

ان شاء الله ياقمراية
نورتــــــــــــــــــى

» بينك وبين نفسك ,,, شايف نفسك ايــــــه ...!
» لتحصلي على أفضل النتائج عند عمل مكياجك
» جمال مكياجك يبدأ من شفاتك
» أختبر نفسك ( ستجد نفسك حقا ً )
» كون ملك نفسك