كفــــــــــــايه خلاص..............!

ناس هنا وناس هناك
ناس لسانها سكات ف سكات
يا سيدي خليك في حالك
خليك ف حالك ماله النت ومالها الشات

زمان ورا زمان قلنا التغيير
زمان كنا عايشين وبنلعب بالطراطير
مولد والحياه سلطه
جاي دلوقتي تقول حرية التعبير


تعبير معاااااااااااك لازم نعبر
وع اللي جوانا لازم نبعبر
بس فين انت كنت انت فين؟
لما الكرامه انداست من الكبير والصغير

لوينا دراعهم ف يناير 25
وعملنا بدل الكمين 35
يا رجاله المطالب عمرها ما كانت بالاسافين
ما السادات انتصر واحنا المطحونين


ف صبح 6 كنا مذلولين
حتي اسال مينا ومحمد وعم امين
كانوا كلهم بيقولوا يارب يااااااااارب
وجت 6 المغرب ورجعنا مرفوعين متكرمين


سلطه حمضانه واخوان وقاعده
وشباب ع الظروف المهببه جاحده
وام بتدعي واب بيصلي ومسيحي بيشكر
وناس بتحشش وبتسكر وهيا واقفه وقاعده


واهي الكبسه وصلت
مش ام رز ولحمه
لا دي كبسه كبست عليهم وهيا ماشيه
قال وايه معاهم حشيش والشرطه خرمانه
وعلشان كدا اخد القرش ف جيبه وعيونه عاميانه


قالوا زمان الشعب والقانون ف خدمة الشرطه
لا يا برنس حاسب الكل نهب من التورته
مصر باظت يا عويس وبعتها
داك خيبه علي خيبتك يا ابو فضيحه وجورسه


امانه عليك يا عويس تقول لعواد
اللي باع ارضه والكل محتاج
مش هو الوحيد اللي التورته علي فمه
سلملي علي خاله سلملي عمه سلملي علي اهله


واقفين ف التحرير بتظاهروا طب اظهاروا
دا احنا كل واحد فينا اضرب من ظهره
يا اخوانا فوووووووووووووقوا بقي حرام
دا الفيقر مبقاش غني دا زاد فقره وجهله


مضروبين
معاك احنا مضروبين
محرومين
ايوه صحيح محرومين
فقره
ايوه احنا افقر العالمين
بس فكر اللي جايين في الغيب مش معروفين
جيل بحاله عليه خايفين
من الاهانه من الحرمان ومن ظلم السنين


غير الحكومه وجاب سليمان نايب ومشي نظيف
قال يعني البلد اتهرت من التنضيف
طب ما احنا زي ما احنا
لا شباب هايتوظف ولا حتي هايمشي صفوت الشريف


نظيف صحيح مش بنكر النظافه
شريف بجد مش بنكر الشرافه
بس تعالوا معايا عند الميتين والقرافه
هتلاقوا انظف واشرف ومحمد اللي ماتوا ف العباره


بتحلموا بايه ببكره الدافي الجميل الحنين
والله دي حاجه حلوه بس ف المستشفي وانت متجنن
والحلم يبقي لونه ابيض لون النورس
وتصحي الصبح لا تلاقي لا بي كلوزر ولا حورس


ريكو وابو سوسو هرونا كلام واشتغالات
ريكو يقوللك غير يا بني ماتغير والسلام
وابو سوسو يقوللك لا والف لا لتغيير الحاجات
اللوم مش عليهم دا اللوم علينا وع الكلام

اوبابا في مريكا والنتن في رائيل
يالا يا بن ال..... يا عويل
سيب العرب في حالهم ومالكش دعوه
كان حد حشرك يا بن السئيل


حزين الواحد ايوه اكيد حزين
ع اللي حاصل لينا من فتره زي السنين
بس والله اللي جاي هيبقي احلي م اللي فات
لو خليناها ف عيونا عمرنا ما هنقول هات


بنادي عليك يا ابويا واخويا واختي وامي وعمي
انا شايل همكم انتم قبل ما اشيل همي
لو نصبر والفرج من عند الله قريب
ووعد مني لادافع عنكم لاخر نقطه في دمي


انا وعدي كلمه وربي شاهد عليا وعليها
لهكون فداكي ويا اغلي حاجه جوه قلبي
انتي امي وانتي اخويا انتي اقرب ليا مني
ودا وعد مني لتعودي تاني احلي مني يا حته مني



منصوره يا مصر ورب العرش حاميكي
ولو باعوكي برده هافضل انا شاريكي
يا قاهرة المعز يا مقبرة الاعداء حضنك ساع من فيكي
اعيش واموت ويروي دمي اراضيكي


بتحلم يا صاحبي نفس حلمي
طبعا يا اخويا دا حلمك هو حلمي
لو يوم العدو دخل هاقف جمبك واقول بصوتك وصوتي
الله اكبر الله اكبر راح نحميها لموتك وموتي
طب يالا قول معايا وربنا الغالب المنتصر
بحبك يا مصر
بحبك يا مصر بحبك يا مصر
هاقولها فيكي واقولها ليكي واقولها قدام اي حقود محتكر





مع تحياتنا.............

Be Closer
Mr Horas

بحبك يا مصر
بحبك يا مصر بحبك يا مصر
هاقولها فيكي واقولها ليكي واقولها قدام اي حقود محتكر


جميل اوووووووووووووووى بجد
مبدعين دايماااااااا


تسلمو على التوبيك الرائع
ميرسى جدا ليكم..

ربنا يحمي مصر وناسها الطيبين
كلام رائع تسلموا عليه بجد
تسلم إديكم

بحبك يا مصر
بحبك يا مصر بحبك يا مصر
هاقولها فيكي واقولها ليكي واقولها قدام اي حقود محتكر

بجد مش عارفة اقول واعبر عن اعجابي
بكلام الجميل والرائع دا

بجد تسلم ايدك يا مستر حورس
وتسلم ايدك يا بي كلوزر
علي الكلام الاكثر من رائع

وربنا ان شاء الله ينصر مصر ويحميها
وتعدي الايام دي علي خير باذن الله

تسلموووووووووووا

تسلم ايديكوا على العمل الجميل ده

وربنا يحمى مصر وتنضف من اللى فيها

وترجع بلد امن وامان