كآبة ما بعد التخرج!

اولا بحيكى على التوبيك ده ويمكن ده اول توبيك ادخله فى المنتدى بعد شهوررر كتيررررر مدخلتش فيها هنا
وبصراحه اللى شدنى العنوان
فعلا احنا بعد التخرج بنعيش فى كابه
انا متخرجه بقالى سنه قسم فرنسي
وبجد وحشتنى جدا ايام الكليه ..اصحابى ولمتنا وهزرنا والمكان اللى كنا بنقعد فيه
حتى والله الدكاترة وحشونى بس مش كلهم طبعا:D
تقريبا اليوم كله كنت بقضيه فى الكليه..رغم ان الواحد دايما كان بيقعد يشتم فيها على نظامها الغريب..بس طول الاربع سنين بصراحه كانت بيتى كانت محضراتى دايما من 8 وساعات لحد 6 ياعنى اليوم كله فيها
بلنسبه بقى لشغل وكده انا لحد دلوقتى مشتغلتش
مع انى دورت على شغل وجالى كمان شغل
بس دايما الشغل اللى كان بيجيللى مكنشى بيناسبنى
والشغل اللى انا عايزاه محتاج منى انى اطور اكتر من نفسى ياعنى اظبط نفسى اكتر فى اللغه اللى فيها شهاتى
عشان كده حاليا حياتى من البيت لكورسات
والحمدلله علاقتى كويسه مع اصحابى بشوفهم بس مش كتير
ياعنى اغلب الوقت بنبقى فون او نت
بس بجد ولا يوم من ايام الكليه