ايوه بغير

موضوع: ايوه بغير الأربعاء فبراير 23, 2011 3:41 am

أيوة بغير

لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
******************

واللي قالولك غيرة الراجل قِلّة ثقة او قلة فَهم
خَلْق حمير

غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

********************

لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟ هو انا كلب ؟؟

ثم العبرة ماهيش في اللبس
اصل المشكلة عَندك .. عٍندك ..
قلت حاسيبها وبكرة تحس
بعده تحس
بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة

*****************

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير

هشام الجخ
شاعر ملوش حل بجد
وبيحاول يطور فى الشعر
القصيدة جميلة اوى
تسلم

القصيدة جميييييييييييلة جدا جدا جدا

و هشام بجد شاعر هااااااااااااااايل

و كلامة بسيط و يوصل بسرعة

اصيل ف كلامة لمصر اوى

ميسرى جدا يا غالى

ميرسى جدا

بجد بجد يا احمد
كلام جاااااااااااااااااااااااااااااااااامد وتسلم ايدك انك مزلتها
فعلا هشام الجخ راااااااااااائع
وكمان كاتب قصيدة لمصر جميلة اوي
بحييك يا احمد ع انك نزلتها
تسلم
تقبل مروري
ايارا

شكراااااااااا
همس القلب
بى كلوز
ايارا
منورنى بجد والله
تسلم ايدكم

واللي قالولك غيرة الراجل قِلّة ثقة او قلة فَهم
خَلْق....
....................................
الغيره بتقيس الحب .. بس البنات بتزعل منها ...ربنا يستر

قصييده جامده بحييك ع اختيارك ليها
تسلم

مشكوووور كتيييير
انا اول مرة اسمع عن الراجل ده
بس شكله حلو
تسلم ى عثل

جميلة عجبتني جدا

تسلم اديك

عجبتنى جداااااااااااااااااااااااااااااااا

انا سمعت عنه قبل كدا بس مش كنت شفت طريقته

بجد جميله اوى
واسلوبه ف الشعر جميل

ميرسى جدا ليك

» أيوه بغير............
» كيف تدخل الجنة بغير حساب ؟
» لا صلاة بغير طهور الطهارة فى ايجاز
» من هم السبعون ألف الذين يدخلون الجنة بغير حساب؟
» ما هو ردك فيما هو منسوب إليك من اتهامات ..""ايوه انت""؟؟؟!!!!