استفتاء علي التعديلات الدستورية..ياريت الكل يشارك

لا

لا من اجل ده الشهداء
لا من اجل الحريه
لا لترقيع الدستور
لا للاخوان المسلمين
اسئلة كثيرة لا أجد لها اجابة والقرار صعب ... لكني سأحترم رأي الأغلبية اياً كان....

خلااااااااااااااااصه القووووووووووول

للجماعه اللى متلخبطه

مش هقوللك تصوت بنعم أو لا.. بس المهم تقرا الكلام ده
والأهم انك تبعت الرسالة لأصدقائك سواء اقتنعت أو لا .. بس لمجرد إن الناس تسمع الرأي ده وتفهم

فيه إحتمالين : بنعم أو لا
طيب لو قلنا نعم هيحصل إيه ؟ ؟
أولاً - دا معناه إن التعديلات هتضاف للدستور الحالي اللي يدي رئيس الجمهورية صلاحيات غير محدودة
ثانياً - مضطرين إننا نعمل إنتخابات مجلس الشعب قبل الرئاسة .. وده معناه ان الإخوان هما اللي هيكتسحوا لأنهم الجهة الوحيدة المنظمة .. دا لأن الحزب الوطني خلينا - واقعين محدش هينتخبهم تاني - وده لو حصل يبقى حضرتك بعد كده تحت حكم الإخوان .. وهتختار بين سلفي متشدد وسلفي نصف متشدد وسلفي مجنون
ثالثاً - مفيش حزب ليبرالي محترم إتأسس لسه .. وكل الكلام ده اللي شغال عن أحزاب تحت التأسيس وحتى لو الأحزاب إتعملت دلوقتي تفتكر انها حتلحق تعمل مرشحين لكل محافظات الجمهورية ؟ ؟
رابعاً - محدش يضمن الرئيس اللي جاى لو كان ملاك حتى حيرضى يعمل دستور جديد ولا لا .. لإن التعديل الدستوري غير ملزم ليه .. وتقدر تتأكد بنفسك من نص العديلات
خامساً - لو أمكن عمل الانتخابات الرئاسية أولا ، وحلف الرئيس أمام المحكمة الدستورية فمحدش يقدر يمنع صلاحياته وهيبقى رئيس الحزب اللي هو فيه ونرجع تاني لمشوار الحزب الحاكم وبلاويه
سادساً - اللجنة المنتخبة لوضع الدستور الجديد - دا لو حب الرئيس طبعا- المفروض تنتخب من أعضاء مجلس الشعب ومش كلهم قانونيين بل ومش كلهم متعلمين ومبيعرفوش غير يناموا في الجلسات أو كلهم من الإخوان .. ودا أسوا لإن ده معناه إنهم هيفصلوا الدستور لحسابهم


ولاحظوا تلاقوا الإخوان داخلين علشان يقولوا نعم للتعديلات مع إستمرار الدستور الحالي


طيب لو قلنا لا
أولاً - كل اللي فات مش هيحصل
ثانياً - المجلس العسكرى هيضطر يحط دستور جديد من ناس موثوقة عن طريق الانتخاب وده معناه شفافية أكتر
ثالثاً - ممكن يحصل طبعاً شوية فوضى بس ده لفترة صغيرة أحسن من الكارثة لو الدستور القديم رجع تاني أو اتفصل واحد جديد من الاخوان والسلفيين
رابعاً - فى الدستور الجديد سيمكن عمل نظام القائمة النسبية مما يسمح للأقليات زينا الدخول ويكون لهم رأى مؤثر
من فضلك لا تكن سلبى وفكر هتقول ايه
انا هقول لا .. لأني أريد دستور جديد يقوم على العدل
أما فكرة مقاطعة الإستفتاء فكرة مرفوضة تماماً لأن معناها انك ستقبل ما تحكم به الأغلبية التي ذهبت لتقول رأيها
كلم الناس ارجوك - خليك ايجابي
وشكرا