الولاد دول حاجة صعبة (بنت ضد ولد)

الولاد دول حاجة صعبة

حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي
*******
لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما

لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة
*******
لو اتناقشتي معاه هيقول عليكي عنيدة
ولو سكتّي هيقول عليكي مخك فاضي
لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي
لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك
*******
لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه
لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة !!!) ده لانّه بيخاف عليكي
*******
لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر
لو انتي حليتي حلو فى الامتحانات يقولك ده حظ
اما هو لو حل حلو يقولك عبقرية وذكـاء
لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟
*******لو قريتي الموضوع ده وبعتّيه لحد من الولاد هيقول مش صحيح
ولو قرتيه ومبعتيهوش هيقول انك انانية
الأحسن انك تقريه وتبعتيه لولاد وبنات برضه عشان يقولوا رأيهم معانا
عشان احنا طبعا ديمقراطيين واللى مش هيعجبوا هيقول بنات آخر زمن مش عاجبهم حد

مش الولاد بس.. الراجل بكل مراحل عمره حاجة صعبة

من ومامته حامل فيه بيبقى متعب عن البنت

لما يتولد ويبقى عنده خمس ست سنين.. تجيله عقدة اوديبس ويبقى

غيران على مامته من باباه.. لكن البنت تبقى متعلقة بمامتها وبتموت

في باباها

تعالوا بقى نشوف اخينا لما يدخل المدرسة.. يرجع مترب ومتخانق

ومطهق المدرسات والمدرسين في عيشتهم.. خاصة ميس الانجليش الحبوبة

الولاد دول حاجة صعبة (بنت ضد ولد) Icon_rolleyes

البنت بقى ترجع زي مراحت.. شعرها في مكانه.. هدومها نظيفة

تحكي لمامتها على الميس اللي ادتها قلم هدية عشان شاطرة

ومؤدبة

يدخلوا الثانوي... تلاقيه مطلع عين اهله والجيران كمان

عشان يذاكر.. وبرضو مش عاجبه.. واثق في نفسه بدرجة مستفزة

البنت من غير متقولها تلاقيها ربنا هاديها تزاكر وتخلص اللي ورااها

من غير محد يحس

يدخلوا الجامعة.. تلاقي حضرته معندوش حاجة اسمها محاضرات.. لاء

طول النهار الله اعلم فين..يرجع يرمي حاجاته هنا وهناك

واللي في البيت ترتب.. ماهي عقد نفسية بقى

ويتجوز ويتكرر السيناريو المرير على البنت الغلبانة المنكسيرة

ربنا على الظالم والمفتري

Razz