روحت تدلي بصوتك؟؟

التوبيك ده معمول علشان اللي راح الاستفتاء يقولنا هو عمل ايه وشاف ايه
راح اي لجنة وكان في تواجد كبير ولا لا؟
واي الفئات كانت موجودة اكتر
يعني ببساطة يدلي بشهادته ويقول هو قال نعم ولا لا؟
ياريت تشاركونا

انا بالنسبة لي روحت مدرسة السيدة عائشة من حوالي ساعة
كان التواجد متوسط طبعا لاننا لسه الصبح
خاصة بالنسة للسيدات والبنات
بينما كان عدد الرجال اكبر شوية
علي باب المدرسة كان في جنديين من الجيش
وعلي باب اللجنة كان في موظفين وشرطة
كنا بندخل اربعة باربعة
اربع سيدات وبعدين اربع رجال
وهكذا
داخل اللجنة كان في قاضي وموظفين
القاضي كان بيستلم البطاقات الشخصية وينادي كل واحد
ويوجهه لموظف معين عشان ياخد البطاقة ويكتب في كشف عنده الاسم كاملا
والرقم القومي
ويخليك تمضي
بعدين بيديك الورقة الموعودة
بتعلم قدام اوافق او لا اوافق -انا علمت اوافق-
بتطبق الورقة مرتين
وتدخلها جوا الصنايق الشفافة
وياريت تحرصوا علي ادخال الورقة كاملة
مايكونش في جزء منها بره
بعد كده بتحط صابعك في الحبر الفوشيا!
وتاخد بطاقتك وتمشي
بس روحت تدلي بصوتك؟؟ 737234

وكان الملاحظ وجود عدد كبير من الاخوة المسيحيين والمنقبات
يمكن الاغلبية كانت كده قليل لما لقينا ناس لا تنتمي للجبهتين!
يلا كل واحد يقول هو راح وعمل ايه وشاف ايييييييييييييه

انا روحت الساعة العاشرة صباحا
كان معايا ماما وصحباتها
كان التواجد اكبر للرجالة وخصوصا فئة الاخوان المسلمين
كل اللى ضايقنى فى الموضوع ان هما بيحاولو يفرضوا رايهم على الناس يعنى عاوزين كل اللى يدخل يقول نعم
وده بصراحة ضايقنى لان الجماعة دى مفكرين نفسهم اولياء على الناس بشكل بشع جدا ومش بيحترموا اراء اى حد
المهم انا قلت لا
لالترقيع الدستور والاسباب كتيرة جدا
وبحترم اى شخص يقول نعم واى شخص يقول لا
لان من نتائج الثورة ان فى نقطة بتقول
لا لقمع الحريات
ونعم لاحترام الاراء
وميرسى كتير ع التوبيك

اشكرك كثيييييييييرا علي الشهادة دي
انا ماوجدتش محاولات اي جماعة لاقناع الغير بتغيير اصواتهم
بس كنت متاكدة ان ده هيحصل
فعلا حاجة مستفزة انهم يعملوا كده
والاحسن الواحد يتجاهلهم تماما
لان دي اول فرصة لينا لممارسة الديمقراطية الحقة
بلاش بقي يشوهوا جمال اليوم ده

بصراحه لسه مروحتش
بعد نص ساعه هكون هناك

اوك يا امير منتظرين شهادتك

انا لسه منزلتش هنزل كمان ساعه ان شاء الله
لما ارجع هقول شهادتى
بس انا ان شاء الله هقول نعم بكامل ارادتى و كامل قوايا العقلية Cool

نعم للتعديلات الدستورية
شكرا يا قمر عالتوبيك لانه مهم فعلا تسلم الايادى Evil or Very Mad

زائر

انا هقول لا
انا نازله اهو
ام اجى ان شاءالله
هقولكوا عملنا ايه

لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا

انا روحت الساعة 10 كدة

مدرسة احمد زويل(الحديثة بنات سابقا)

بس كان الستات عددهم اكبر من الرجالة شوية

وبرضو لقيت نفس الحاجة ان ناس موجودة لاقناع الغير بتغيير رأيهم

ولقيت واحدة ببتكلم مع واحدة تانية

وبتقول انها هتقول نعم عشان ابنها قالها قولى نعم

اكيد مش دى بس

فى ناس كتير راحة تقول اللى بتسمعه من غير ماتعرف ليه

(انا قولت لا) وعكيت صوباعى روحت تدلي بصوتك؟؟ 30905

لما ترفضوا التعديلات عارفين ايه اللي هايحصل؟؟؟؟؟؟ الحزب الوثني بيقول نعم عشان انتوا تقولوا لا .. التعديلات بتنص علي تغيير الدستور كاملا ولكن بعد انتخاب مجلس الشعب ... المشكله انكوا بتسمعوا وتصدقوا اي كلام ... مش كنتوا عايزين الاستقرار ايام حسني وبتقولوا كفايه كدا قبل ما يرحل ... الوقتي اللي بيقول لا دا ممكن يدخل مصر في فترة حكم عسكري مدة 6 سنين ومعلن فيها حالة الطوارئ..... معاهم معاهم عليهم عليهم .... زهقت والله من جهل الشعب المصري 30 سنه اميه سياسيه .. انتوا احرار بقي

المادة 77 بتقول ان فترة الرئاسة 4 سنين

والمادة 190 بتقول ان مدة الرئاسة 6 سنوات

نصدق مين بقااااااا

ما بدل العكعكة دى ما يعملو دستور جديد على نضافة

بدل الدستور اللى بيضحك على عقول الشعب دا

انا قلت لاااااااااا
مفيش ثورة بترقع دشتور
واىا كانت النتيجه
وحلو اليوم فعلا
اخيرا الصوت طلع من التلاجه
واخدنا حريه كنا فقدناها
بس انا عكيت كل صوابعى هههههههههه
اللون الفوشيا ده جامد
شكرا للتوبيك

noosa كتب:: المادة 77 بتقول ان فترة الرئاسة 4 سنين

والمادة 190 بتقول ان مدة الرئاسة 6 سنوات

نصدق مين بقااااااا

ما بدل العكعكة دى ما يعملو دستور جديد على نضافة

بدل الدستور اللى بيضحك على عقول الشعب دا

هي فين الماده 190 دي ههههههههههههههههههههههه

دى مش فى المواد المعدلة

انما موجودة من ضمن المواد اللى المفروض انها موجودة فى الدستور

http://ar.wikisource.org/wiki/%D8%AF%D8%B3%D8%AA%D9%88%D8%B1_%D9%85%D8%B5%D8%B1_1971

انا رحت بعد العصر انا ووالدتي وكان فيه توافد كبير من الرجال والنساء علي حد سواء

ومعظمهم كان بيقول نعم بس انا قلت لا وانا مقتنعه بذلك لالترقيع الدستور

انا روحت انا وماما

ولقينا هناك ناس كتير بس اغلبهم شباب

اول ما طلعت بابا كان مستنينا وزمايله قالولى لو حد قالكوا حاجه مش تصدقوه واكتبوا اللى انتوا مقتنعين بيه

على فكره الناس دول من الحزب الوطنى

ودخلت اللجنه واديت للمشرف البطاقه وسجل اسمى ومضيت وادانى الورقه بتاعه الاستفتاء

وكتبت رائى

وتنيتها وحطيتها ف الصندوق

وبسسسسسسسسسس

تدا

الحمد لله روحت انهاردة

الساعة 11 و نص

كان فى معهد عندنا ا ف بلادنا

و قلت لا لا لا

و ماشاء الله الناس هناك كانت حاجة تفرح بجد

و كنمنت سعيد جدا

باللون البمبى

بصراحة حسيت انى صوتى فبلدى مهم اووووووووووى

ياااااااااااااااارب

يكون فى الخير ان شاء الله

و تحيا مصر

و

انا روحت النهارده الساعه 4 انا وماما واختى وقابلتنا بنت رخمه رخااااااااااامة اخر 3 حاجات المهم وقفتنا وقالتلنا هتقولوا نعم ولا لا قولتلها حاجة سر وبعدين قولتلها لا طبعا قالتلى ليه هو انتى عاجبك حاله البلد وبعدين الجيش لازم يحمي الحدود لو قولتوا لا هتبقى فوضى قولتلها ولو قولت نعم هيعم الرخاء وهتزدهر الحياة ولا ايه؟ هى من الاخوان على فكره. تقولى الماده التانيه وهيحصل مشاكل قلت ماهو كده كده هيتغيييييييييييير المشكله فى التوقيت مش تغيير ولا تعديل, وبعدين طابعين ورق ومكتوب عليه بالخط العريض نعم ايه التناحه دى!!!!! هى عافيه

المهم الحمدلله مشيت ودخلت وعلمت على لالالالالالالالالالا وجيت ومستنيه النتيجه بقى
وفى الاخر لو النتيجه الاغلبيه نعم او لا, اكيد لازم نحترم راى الاغلبية
ايوة ايوة وبقول لاحمد المرسي هدى نفسك شويه الزعل مش حلو للى زيك وربنا

زائر

انا رحت انا واخويا وقلنا لا وجينا
بس
وصوباعنا بقى فوشيا
هييهههههههههههههه

» شارك بصوتك
» تخيل لو روحت تنام ولقيت الشكل ده مكان السرير هتعمل بيهم ايه؟