رأيك فى دكاترة قسم اللغة العربية (كن إيجابيا وشارك)

تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]

أهلاً بيكم شباب قسم اللغة العربيه

الموضوع دا عايزين نناقش فيه وبصراحه أرائنا فى دكاترة القسم

بس ياريت تكون مناقشه هادفه ولا تخلو من احترامنا لأساتذتنا الكرام

يعنى عايزين يكون النقد هادف وبناء ..

وياريت كل واحد فينا يكلمنا عن الأساتذه اللى درسوا ليه عبر المراحل المختلفه

ونذكر على سبيل المثال

أسماء دكاتره شرحهم ممتع وحببونا فى الماده

دكاترة لن ننساهم

دكاترة تحب تنصحهم ؟؟ هتقولهم ايه ؟؟

دكاترة غير منصفين فى توزيع الدرجات

دكاترة ينقصهم جانب ما ؟؟ تربوى أو علمى ؟؟

دكاترة أثروا كتير فى شخصيتك بالايجاب أو السلب .؟؟

دكاترة امتحاناتهم مميزه سهله أو العكس ..؟؟

وهكذا

أتمنى التفاعل من الجميع .. واستخدام صيغ وأساليب مهذبه

فى الحديث عن أساتذتنا ..

وشكراً

الدكتور احمد النقيب فعلا من الدكاترة الى ملهمش تانى فى الكلية بكاملها بجد انسان وعالم على الرغم فعلا من صعوبة المادة دى الترم دة وهو يعنى صعب معانا الترم دة عن اى سنة بس ارجع واقول جايز عشان احنا سنة رابعة بس

استاذنا الفاضل بارك الله فيه وزاده الله من علمه

من افضل الاساتذة في مجال الدراسات الاسلامية

ويتسم بالتواضع والادب العظيم

والله بحبه في الله جدا

ياريت نغير بقى علشان التوبيك وقف اووووووووى

هسيب الاختيار المرة دى لصاحب التوبيك

ساااااااااااااااااااااهر

اوك يا بلال

انا هختار دكتور حوليه جدل كبير

وإن كنت انا شخصياً بحبه وبحترمه جداً

عشان مينفعشى اصلاً غير إنى أكون بحبه وبحترمه

ودا كانطباع لفترة تدريسه ليا اللى كان فيها شخصيه جميله جدا كأستاذ وكإنسان

ولو انى بسمع كلام كتير عنه بين مؤيد ومعارض هقول ..

الدكتور / عبد الرحمن الوصيفى

رأيك فيه .. ؟؟

الدكتور عبد الرحمن الوصيفى

الدكتور دع مهما قولت من كلماتك فى حقه لن استطيع وصف علمه انه فعلا عالم الادب والشعر لقد تعلمت على يده الادب الجاهلى وشعر نزار قبانى تعملت معلومات لم اكن اعرفها ولو ظللت اقرأ واتعلم طوال عمرى لن استطيع بلوغ نصف كم المعلومات اللى يمكلها

ايضا يمتلك طريقة رائعة فى شرح والقاء المحاضرات
كتابه بيبقى فى شعر يجذب انتباه الطالب لقرأته
معاملاته مع الطلاب فعلا متميزة
فى جدل كتير فعلا حول هذا الرجل ولكنى اقولها بصدق اننى بالفعل احببت هذا الرجل
ولاول مرة اراه يحب دفعة زينا على الرغم انه مش بيعطينا الترم ده

اشكرك ساهر على اختيارك

الدكتور عبد الرحمن

أنا شخصيا بحبه لأنه محترم ودمه خفيف غير انى بفهم منه بحس انه
بيعرف يوصل المعلومه بأسهل طريقه... غير ان دايما مواده حلوه ..
ادب وشعر....

ملئتش فيه حاجه مش كويسه غير انه ممكن يوصلك فى الاول احساس انه يكون مغرور
بس هو مش كدا طبعا
بالعكس انا بحس انه متواضع جدا

على العموم انا سعيده ان هو درس لنا اكتر من مره
وسعيده بالمعلومات الاضافيه اللى كان بيزودنا بيها
وجزاه الله كل خير

وجزاك الله كل خير يا ساهر

الدكتور الوصيفي دكتور متمكن من مادته واحلى حاجه حبتها فيه طريقه نطقه للشعر والاحلى تاليفه لبعض الابيات الشعريه الرائعه وكويس جدا في امتحاناته

بــــــــــــــــــــــــس

في حاجه مبحبهاش فيه خالص كلامه عن النساء والفتيات على فكره بيغلط كتيرفيهم ويجرهم بكلمات مؤلمه وعنده ان المراه لابد من جمالها وانثتها وشياكتها ده مفهومه للمراه بس والله شكله برده بيحترمهم والكلام ده من ورى قلبه

اما

عشقه لشعر نزار فانا ايضا بحب بعض الاشياء لنزار بس في شعراء تنين كويسين يعنى مش لازم نزار وبس

والله دكتور له لون مميز عن بقيه الدكتره وعن نفسي عمريى مـــهـــــنـــــســـــــاه

هو انا صحيح مش عربى
بس كان درس لى اتنين دكاترة هما د*الوصيفى ود*قنديل
بصراحة دكتور ابراهيم قنديل ممتاز جدا ماشاء الله شرحه جامد
شخصية لذيذة وايجابية ومتفائلة جدا

دكتور الوصيفى بحب فيه القاءه للشعر
هو متحمس لنزار بشكل كبير جدا لدرجة انه مجابش عيب فى نزار ابدا صحيح انا بحب نزار بس بحب الوضوح اكتر
بس هو بصراحة استاذ فى مادته بس تعامله مع البنات كان مستفز شويتين

بس دكتور محمود يوسف انا اتكلمت معاه على الميل
بجد قمة الاحترام
ايجابى قووووووووووى
طموح جدا
نفسه يشوف شباب بلدنا خيرالاجناد فعلا
والمادة العلمية الكل بيحبه وبيشكر فيه

زائر

هما بصراحه بتوع عربى كويسين السنادى

مش زى بتوع كل سنه

نا معاكم فى كل اللى تقال عن دكتور النقيب ولكن الترم ده منهجه تقيل أوى وكان محتاج محضرات أكتر من كده وربنا معانا فى الإمتحان.
وكمان أنا بحب دكتور الصاوى والوصيفى كتير رغم إن ناس كتير هتختلف معايا بس دى وجهت نظرى

منورين كلكم يا جماعة رغم اختلاف الاراء

وشكر خاص لك اللى دخل التوبيك وهو قسم مختلف زى

مصطفى وهمس القلوب

اشكركم

شكرا يا شباب على المشاركه والتفاعل

ومننساش يا جماعه ان دكاترة عربى درسوا لناس فى أقسام تانيه

وطبعا مرحب بيهم فى التوبيك وبرأيهم فى الدكاتره دول

...

الدكتور عبد الرحمن الوصيفى

أول مره سمعت عنه كان فى سنه تالته فى التربيه العسكريه

وواحد فى رابعه كان بيكلمنى عنه وحببنى فيه من قبل ما أعرفه ولا أشوفه

وجه فى الترم التانى فى تالته كنت بحب محاضراته اوى بس للاسف قلب علينا فى اخر الترم

واما درس لينا فى رابعه انا كنت خايف جدا ليكون مدايق مننا لسه

بس شوفنا وش تانى خالص ومتهيألى هو دا فعلا الدكتور عبد الرحمن الوصيفى

شخصيه قوية ، متمكن فى الماده ، محاضر بدرجة ممتاز

دا غير انه حببنى كتير فى الشعر وخاصة الرمز فى الشعر والقصه القصيره

يعنى بجد كان الواحد بيذاكرلو وهو مستمتع ومش حاسس بأى خوف من الامتحان

وبصراحه انا كنت اتفقت معاه فى بعض اراءه عن المرأه بس مش متفق معاه فى كلها

وانا شايف انه مش بيكره المرأه ولا حاجه بس دى شوية اراء عن تجارب وكدا

ربنا يبارك فيه يارب .. اللى بيدايقنى بقا ان الاقى دفعات تانيه بتكون زعلانه منه

أو يمكن هو اللى زعلان منهم !!

لا يؤمن بعذاب القبر
(لا تعليق)

اوك يا هبه

عايزين نعرف رأيك فيه بردو كمحاضر وكماده بيشرحها

وكتعامل مع الطلاب ..

وكدا يعنى

اولا كتعامل مع الطلاب فهو والله بيعامل البنات وحش جدا
و علطول بيشتم فينا وكمان مرة طرد البنات كلهم من المحاضرة
بس كماده علميه هو متمكن جدا جدا من الشعر ورائع فيه

انا معاكى يا هوبة انه مش بيحب البنات بس اكيد دا ليه اسبابه لكن من ناحية تانية هو متمكن فعلا من الشعر وهو من الدكاترة الى بحترمهم جدا جدا وبعتبره من الشخصيات المثقفة جدا جدا جدا لابعد حد فهو خبير ودايما يغلب الى قدامه بقوة الرد والبرهان ودة لتمكنه وثقته بنفسه

يا ريت تقولو دكتور تانى

ويا ريت نتكلم عن استاذنا واستاذ اساتذتنا ورئيس قسم اللغه العربيه

د/عبد الحميد القط

انا مبفرضشي راى على فكره لو تحبو تقولو اي دكتور تانى عادى وانا اسفه لتدخلى بس مينفعش نتكلم عن الداكتره من غير من نتكلم ونقول راينا فيه

شكراااااااااااااااااااااااااااا جداااااااااااااااااااااااااااااااااااااا

لألأ عادى تمام اختيارك يا نور

احنا كنا موقفين التوبيك بس عشان الامتحانات

بس طالما اختارنا اسم الدكتور / عبد الحميد القط

يبقى نكمل عادى ..

رأيى

علميا الراجل بجد عالم من علماء اللغه فعلا

انما فى التدريس .. السن ليه أحكام

وأكيد كلنا عارفين وبنشوف ايه اللى بيحصل فى محاضراته !!

يعنى انا شايف ان الدكتور عبد الحميد القط الرجل المناسب فى منصبه الادارى

ولكن ياريت يبطل تدريس ..

اختيار موفق منك نور

احب اباركلك على الاسم الجديد

وبعدين مفيش حاجة اسمها فرض رأى ولا تدخل فى حاجة

زى ما ساهر قال احما كنا موقفين التوبيك علشان الامتحانات

الدكتور / عبد الحميد القط

صراحة هو دكتور ذو ثروة فكرية ولغوية هايلة بس بردة زى ما ساهر قال السن يا جماعة ليه احكامة وطبعا ده بيأثر على جودة القاء المحاضرة ده غير اننا اصلا بنبقى قاعدين ورا مش سامعين اى حاجة وطبعا مفيش حد مهما يكتب ويحفظ بيجيب تقديرات عنده يعنى الحمد لله ان الواحد نجح وانا اقول ان افضل مكانه ليه انه يبقى رئيس فقط للقسم يعطى الخبرة والاشراف لكن محاضرات معتقدش

شكراً

دا دكتور زي العسل وبجد دكتور محترم جدا جدا

اما عن الدكتور عبد الرحمن الوصيفي
فمعنديش اكتر من اللي قاله ساهر
غير انه في معاملته مع البنات اعتقد انه بيحبهم وبيكون عاوز يحسهم علي النقاش يعني بيثرهم علشان يخرجوا كل اللي عندهم
تمام زي ما عمل مع دفعتنا
افتخر بمجرد حضوري له
محاضرة

وبالنسبة لأستاذنا عبد الحميد اقط
فهو بحق نعم الاستاذ فهو متفوق بشكل غير عادي واعترض معاك يا ساهر في عدم تمكنه من الشرح بحكم السن هو محاضر رائع لمن اراد العلم منه اما من لم يرد فله ذلك

له مني تحياتي
ودعائي بدوام الصحة امين

جميل طبعا يا عوبد دى اراء مفيش مشكله

بس انا اقصد ان طريقته فى عرض المحاضره وترتيب الافكار مش بنفهمه ولا بيوصلنا صح

كمان احنا عارفين ايه بيحصل فى المحاضرات وعدم الانضباط من الطلبه

او احترام الراجل دا ..

حتى لو مش فاهمين يعنى كفايه احترامه لاحترامه وسنه وعلمه

ومش هنسى اما الدكتور / محمد عبد المقصود دخل علينا مره فى محاضره ليه

وقعد مع الطلبه احتراما ليه .. الطلبه مش بيعملو كدا للاسف

انا مش كنت بفوتلو محاضره وكنت متابع ايه اللى بيحصل

عشان كدا انا بتمنى يترك التدريس ..

د/عبد الحميد القط
انا عن نفسى بعشقه جدا جدا جدا بحس انه متواضع جدا جدا على الرغم من انه رئيس قسم بالعكس بحس انه متواضع اكتر من دكاتره كتير وكان في الترم الاول بيدينا هو و د/عمر وفعلا هناك فرق شاسع جدا بالرغم ان د/عمر لسه مبقلوش كتير ود/القط رئيس القسم بس كلنا لحضنا الفرق فعلا فرق شاسع جدا

اما بالنسبه ان السن له دور فانا فعلا مع وجهه النظر انه مش متمكن من الشرح والقاء الماده التعليميه بس هو مراعى كده كويس وعمره مسقط حد وبيدينا درجات كويسه وبعدين يعنى هيه جت عليه يعنى هنتخرج اهو من القسم قولولى هو احنا استفدنا ايه كل اللى احنا اخدناه تربوى وشويه حاجات من عربي بس مش متمكنين من ماده العربى يعنى

اماا عن حكايه الاحترام وعدم الاحترام فالمشكله مش فيه خالص المشكله فينا احنا احنا اللى المفروض نقدر ده ونقدر انه دكتور محترم مش معناه انه مبيزعقش فينا اننا خلاص منعدشي محترمين معاه يعنى المشكله فينا بس احنا اتعودنا على كده الحق يقال

معلش طولت عليكم بس يكفينى فخرا ان اقول لاى حد انه درسلنا
د/ عبد الحميد القط

الدكتور عبد الحميد القط
استاذ اللغة العربية لا يوجد فرع ف اللغة
الا وقرأ فيه ولديه من المعلومات ما يشعرك بالفخر بمجرد ما يتحدث معاك
دكتور قمة الاحترام وقمة التواضع فعلا وبدون مجاملة
والدكتور ابراهيم قنديل
اكثر دكتورين بحبهم جدا
وهو من طلب الاستمرار ف التدريس وله الحق
لانه يثق ان لديه معلومات يستطيع الطلبة الاستفادة منها
انا طبعا ليا الشرف انى اكون معرفة له
ربنا يكرمه ويديله الصحة ودايما نشوفه بخير يارب
ميرسى جدا ليكم
ورأيى مع بسملة الغلط دايما بيجي من عندنا

اعتقد انكوا قولتوا كل حاجه مش عارفه اذا كان فى حاجه ممكن أضيفها

الدكتور عبد الحميد شخص محترم جدا وطيب جدا
بس مش ممكن ننكر ان محاضراته دايما فوضى
اكيد العيب فينا بس طيبته ليها دور فى دا كمان
هو من أفضل الدكاتره تعاملا مع الطلاب
ومواده دايما حلوه
بس انا كمان اعتقد ان المنصب الادارى أفضل ليه ومتمكن فيه أكتر من التدريس

» مكتبة علوم اللغة العربية وآدابها
» مكتبة علوم اللغة العربية
» ايه رايكم فى اللغة العربية ياخريجى المستقبل
» اثبت وجودك وبياناتك لكل عالم اللغة العربية
» معجم قواعد اللغة العربية (بلال وبس)