شــي تـفـقـده فــــي حـيــــاتــك !؟!؟!

الحمدلله ربنا ادانى نعم كتير اوى وبحمد ربنا لان انا فعلا حاسه انى مش ناقصنى حاجه

بس انا بموت امى الله يرحمها حسيت ان كل حاجه ضاعت منى رغم وجود كل حاجه الحمدلله

افتقدها اولا وافتقدت معاها كل حاجه حقيقى والله

مفيش حاجه تفرح او تبكى بعدها لان ببساطه مفيش فرح من غيرها وبردو مفيش زعل بعدها

مش هبالغ لو قولتلك ان حياتى وقفت بتاريخ وفاتها بس دى الحقيقه والله

الحمدلله دا قضاء وقدر ولازم اعيش بعدها من غيرها وبردو قدر

بس مش افتقدت فى حياتى ولا هافتقد زيها خلاص

مفيش بعد الام ولا كنوز الدنيا ولا اى حاجه تعوضها وتعوض البنت بالذات عنها

فراقها لوحده قمه العذاب اللى فى الدنيا ونار دنيا انا بتكوى فيها كل يوم وكل ثانيه

قلبى بينزف من الحزن عليها وعلى فراقها ده بس للاسف مفيش بايدى حاجه غير انى ارضى واقول الحمدلله زى ما وصتنى وعلمتنى

حتى يوم م بفكر افرح او اغير جو ما يهونش عليا من غيرها وعشان كده حاسه ان حياتى فعلا وقفت بعدها بمعنى الكلمه

وكانت امنيه حياتى واقسملك بالله انها كانت دعوه دايما على لسانى انى اموت قبلها وانى ماشوفش يوم وفاتها ده بس الحمدلله قدر الله وماشاء فعل

ربنا يرحمها ويجمعنى بيها على خير وفى اقرب وقت

بجد مش عارفة اقولك ايه يادودو
ربنا يصبرك وربنا يرحمها يارب
كلامك كله صحيح وصح ميه فى الميه
وبجد ماشاء الله عليكى
ربنا يحميكى يارب

ومنورانى ديما ياقمر

ربنا يخليكى ياشهد
وانا اسفه لو كلامى ضايقك او سببلك اى حاجه
معلشى والله هو كله جه ورا بعضه كده
سامحينى معلشى