نكت هايله

*واحد بلديتنا ماسك عيالو و نزل ضرب و تعذيب فيهم سالوا جارو حرام عليك كد. هو فيه ايه؟ قالــــــــــــوا

ولاد المفتريه مشغلين المروحه علي تلاته و هما اتنين بس

*مره واحد بتفرج علي التليفزيون في البيت فمراته بتقوله وطي شويه قالها

معلش مش قادر ظهري بيوجعني

*تلاثة حكموا عليهم بالإعدام معاهم واحد صعيدي ، قالوا للأول عايز المنشار الكهربائي أو شنق قال: المنشار الكهربائي ، جابوه عند المنشار الكهربائي مشتغلش قالوا : حظك روح وأطلقوا سراحه جابوا الثاني قالوا : المنشار الكهربائي أو الشنق قال : المنشار الكهربائي ، جابوه عند المنشار الكهربائي برضو مشتغلش قالوا : حظلك روح وأطلقوا سراحه جابوا الصعيدي قالوا : المنشار الكهربائي أو الشنق قال : شنق والناس وأقربائه يذعقو : المنشار ، المنشار ، المنشار قالهم بايظ مايشتغلش

*واحد قبل ما يموت جمع ولادة التلاتة وحب يوصيهم

يفضلوا ايد واحدة واعطى لكبيرهم عود خشب كسره بسهولة اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم البغل ده مفيش خوف عليكم

*صعيدى نزل مصر وراح الاستاد لقا الاهلى نزل بفنلتة الحمرا ومكتوب عليها كوكا كولا والاسماعيلى فانلتة الزرقاء ومكتوب عليها بيبسى والزمالك بفنلتة البيضا ومكتوب عليها شويبس راح لابس الجلابية وكتب عليها عصير قصب ونزل الملعب

*واحد غبى بيلف علي اكشاك السجاير يقول للبياع بتعرف تتكلم انجليزي يقوله البياع....لا ...يروح لغيره ويكون نفس السؤال ونفس الاجابة لغاية اما وصل للكشك الاخير قاله بتعرف تتكلم انجليزي قاله ايوا قاله كويس قوي اديني علبة مارلبورو

*في واحد بيدخل في الي ملوش فيه قالولو نديك نص مصر بس متدخلش في الي ملكش فيه قال

الله طيب النص التاني بتاع مين

*مرة واحد عصبي فتح مطعم و كتب عالباب : اللي عايز ياكل يخش يطفح ، واللي مش عاوز عنو ما اكل و يروح ياكل في بيته ، ده لو كان لقى حاجة أصلاً، و اللي عامل ريجيم مش حيضعف و لو عمل اللي مايتعملش ، واللي مش عاجبه يشرب من المالح ، ومابقاش راجل لو ماقفلتش المطعم

*مرة واحد صعيدى جزمتة اتقطعت راح

خبطها وبعد اسبوع لقاها بقت كويسة راح فك الخياطة

*واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني

حاجة تانية فسموه جحش....فراح لمراته فرحان بيقول لها مش الناس خلاص سموني جحش .. قالت له وهي غضبانة.....اتنيل م انت بكره تكبر وتبقي حمار تاني

*اتنين بيسئلوا واحد صعيدى المصرى بنى الاهرامات اليبانى بنى ايه قال لهم اليبانى

بنى سونيك

*واحد تاكسجى نايم مراتة دخلت علية بالليل

وقفلت الباب بشويش..صحى قال لهاافتحية واقفلية تانى

*مرة واحدة قاعدة مع جوزها في جو رومانسي قالت

لجوزها قولي كلمة حلوه قالها: بسبوسة قالت لأ كلمة تهزني قال لها مرجيحة قالت كلمة تحسسني أني مراتك قال لها انتي طالق

*واحد رخم قال لزوجته جبيلي كباية مليانة ميه و كباية فاضيه قالتله ليه قالها

عشان ممكن اشرب و ممكن مشربش

*مرة واحد غبى جاله عقد عمل فى الكويت يوم السفر قاعد فى المطار فالمذيع الداخلى بيقول

على ركاب الرحلة رقم 550 المتوجهة الى الكويت التواجد بصالة الدخول واعاد ذلك مرة ثانية فموظف المطار بيقوله يا استاذ رحلة الكويت هتطلع, فرد علية وقاله ياعم دول طالعين رحلة انا طالع شغل

*مرة واحد وقف (تاكسى) قالوا (نادى الشمس) فرد علية

ماتناديها انتا

*مره واحد مسطول بيقول لواحد صاحبه اقولك سر قاله

فى بير قاله سلفنى 10جنيه قاله ولا اكنى سمعت حاجه

*مرة واحد عصبى ضرسه وجعه راح للدكتور

الدكتور قاله انت بتشكى من ايه قال له انت شايف الضرس ده قاله ايوه قاله شيل كل الضروس الى حوليه وسيبه زى الكلب لوحده

*اثنين أصحاب خارجين من الامتحان واحد بيقول للتاني انت عملت ايه قاله انا

سيبت الورقة فاضية قاله وانت كمان عملت ايه قاله اناكمان سيبت الورقة فاضية قاله ياه كدا هيفتكروا ان احنا الاثنين غشين من بعض

*مرة واحد عبيط بيقول لصحبه العبيط ما هو دليلك على ان الجزر بيقوى النظر قاله

هل رأيت ارنب لابس نظارة

*مره واحد سرق فرخة وراح عند البحر نضفها واكلها جه الضابط وقاله

انت سرقت الفرخه قاله لا يا باشا قاله الضابط والريش ده؟ قاله دي نزلت تعوم و قالتلي اخلي بالي من الهدوم

*سألو واحد بخيل طحن: تعمل ايه لو الدنيا برد؟ قال:

أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

*واحد بيسال صاحبه ليه الورق بيسقط في الخريف قاله اصله

ما ذاكرش حاجه طول الصيف

*مره واحد شاف واحد زعلان قاله انتا زعلان ليه قاله

والنبى شبسى فى حالى قاله ليز قاله ابويا كرنشى من البيت قاله يا عم قلبظ دماغك

*واحد صعيدى دخل مطعم وطلب فول واكل وشبع وقبل ما يقوم دخل واحد مهندس طلب

فول وزيت وبهرات والصعيدى بيتفرج علية فطلب ازازة زيت وشربها كلها وطلع برة ونام على الارض وفضل يتقلب على الارض شافه صاحب المطعم وقالو بتعمل اية قالو بقلب الفول على الزيت

*محشش اشترى لأمه عصفورين!! واحد يغرد والثاني ساكت..سألته أمه ليش

الثاني ساكت؟! قالها: هذا الملحن

*مره اتنين قاعدين مع بعض واحدسال التانى قالو انت اسمك ايه قالو انت مالك ردعليه

وقالو وانا محمد

*مرة شرطى بيحقق مع صعيدى فالشرطى قالهانت ساكن فين قاله انا ساكن مع اخويا قاله

واخوك ساكن فين قالهاخويا ساكن معايا قاله وانت واخوك ساكنين فين قاله ساكنين مع بعض

*واحد صعيدي شغال سواق علي عربيه بجوت 7راكب فحمل وماشي في الطريق لقي

يفطه مكتوب عليها خفف 90 كيلو راح مخفف السرعه مشي شويه لقي خفف 80 كيلو راح مخفف السرعه مشي شويه لقي خفف 60 كيلو راح مخفف السرعه مشي شويه لقي يفطه مكتوب عليها مرحبا بك في قريه خفف

*مرة واحد غبى ماشى عمال يقول يا رب الاقى عشرة جنية فى جيبى فوضع ايدة فى جيبه لقاه

مخروم قال اما ارجع ادور عليها يمكن تكون وقعت