حدوتة ثورية

دى الثورة اتولدت فكرة ولا يمكن تموت

وصراخى وهتافى يكسر لحظة خوف وشرود وسكوت

يموتوا من الخوف أول مايسمعوا هتافى

يجروا ومعاهم سلاح وروحى شايلها على كتافى

يصوب نحيتى برصاصة أنول جنتى

وبذله أنول عزتى من رب راضى عليا

لا خايف من سلاحك ولا من بدلتك العار

تربس ترابيس الحجارة

وابنى مليون حصار

هرسم على حجارتى

وبحلمى أعدى حواجزك

وباصرارى أشوف حريتى

ولا خايف من رصاص غدار

اضرب ياللى الضرب عندك هواية

تضرب وتقتل وتلفق لينا مليون حكاية

تنهى البداية بكلامك المعسول

لا عمر كلامك غير فى وجدانى

ولا حتى عدى السور

ولا روح الشهيد بتعاود

علشان تبات مسرور

ولا قلبك هيبقى سوى زى قلوب البشر

تنكسر حجارة رصيف من دم الشهيد

وقلبك جاحد ماينكسر

لاعمرك كنت حنين

ولا قلبك كان مالوف

اجى واصرخ وانادى

تضرب دفوف وكفوف

لجل ماتسمع صوتى الحزين  منكسر

شايفنى غرقان فى دمى

لا عمرك سمعت صراخى ولا شفت مرة حلمى

لا عمرك حسيت بالنار

عمرى ماهستسلم

لانك ضعيف ومنكسر

هفضل قوى ومصابر

وروحى فى ايديا

هفضل بحب بلدى

علشان بلدى حدوتة ثورية

    تسلمى ياقمر

   نورتى التوبيك