اى حد عندة مشكلة يدخل هنا (فضفض معانا )

بسم الله الرحمن الرحيم

الموضوع دا هيكون عبارة عن عيادة طبيب نفسى
يارب ما تدخلوها خالص ...
لكن الطبيب النفسى كل اللى الميزات اللى عندة ومش عند غيرة من الناس هى ميزة الاستماع
ع فكرة ياجماعة الواحد لما بيطلع كل اللى جواة لاى حد
او حتى لو قعد مع نفسة وقعد يتكلم دا بيريح جداااااااااا
لان الموضوع دا ممكن يخرج لك مواضيع من اللاشعور الى الشعور وفى الوقت دا هتستريح جدااا
باختصار الموضوع هيكون عبارة عن فضفة
ادخل واحكى عن اى حاجة مضيقاك
وان شاء الله ممكن تلاقى الحل عندنا .....او ممكن تستريح من خلال فضفضتك دى
فهمين قصدى
عاوز اشوف العيادة ولايانة بقى

بص يا عم جيفارا

تعمل اية علشان تنسى اللى بتحبة ؟؟؟؟؟؟؟؟؟؟؟؟؟؟؟

بس خانك وجرحك

وانتى طبعا انسى انك ترجعلة

بص يا جيفارا انا كان نفسي اروح لدكتور نفسي بجد مش عارفه ليه
بس يالا انت وهو واحد
المهم انا يا سيدي عندي سوال
ليه دايما باحس بالدمووع ف عيني حتي من ابسط الامور
حتي لو اخويه رفع صوته عليه
حتي لو حسيت اني قلت كلمه مش مناسبه ف موقف
وانا ف وسط الضحك بافتكر الدموووع وبالله عليك متقوليش عشان مش بتحبي
حبيت محبتش نفس الحكايه رد عليه بقي

معلش ياجيفارا ممكن اقدم لهم حلول لمشاكلهم
لانى مش بعرف اشوف حد عندة مشكله واسكت
........
بالنسبه لsemsem
...........
عاوز تنسى حد جرحك
لازم :-
1/انك يكون عندك استعداد قوى وقابليه جادة انك تنساه فعلا
2/ان الى جرحك فى يوم ميستهلش منك انك تفكر فيه حتى
3/خلى كرمتك فوق حبك بحيث انك فى مقابل حفظ كرامتك لازم تنساها حتى لو راحت حبت حد بعدك
4/ماتبقاش على حد باعك فى يوم من الايام
5/الحب بالظبط زى الحبل كل طرف بيشد من ناحية وطالما هى سابت طرف الحب يبقى بالطبيعى لازم تسيب انت كمان الطرف بتاعك
6/ان الى سابك فى يوم من الايام ميجيش بعد فترة يرجع حياتك ويكون ملك فيها من تانى

بالنسبه لدموووع
.........
بصى يادموع
شعورك بانك عاوزة تدمعى فى ابسط المواقف حتى فا دا بيبقى
1/صدى ليكى من الداخل بمعنى ان انتى شخصيتك من النوعيات الى بتميل للحساسيه للمواقف ودا مش شئ وحش بس الشئ الى يعتبر غير مرغوب فيه فى شخصيتك هو ان خحساسيتك للمواقف اعلى من غير بحيث ان بعض المواقف الى الناس بتشوفها عاديه انتى بتنظرى ليها بنظرة انها شئ شنيع فى حقك
2/ان انتى بالنسبه لدموعك من السهل خروجها فانصيحه ليكى ان دموعك متخرجش ولا تشوف النور قدام اى انسان لان الدموع نوعان
*ضعف
*واحساس
فا البعض ممكن يعتبرها ضعف ويستضعفك وربنا يبعد عنك هذا الشعور
3/ان الانسان الى بتنزل دموعه دا شئ مبشر للخير وحصوصا انك بنت لانه بيكون اجتماعى اكتر من الازم فا بيخاف جدااا انه يخسر حد بكلام طلع منه وهو يعتقد انه ممكن يجرح الى قدامه

وفى النهايه احب اقولك شئ
ان الدموع هى منفذ مملكة العواطف والاحساس
والاحساس بالاخرين والحفاظ على شعورهم ومظهرى امامهم من المميزات الى تفقوى شخصيتى قدامهم فا دموعك احساس طبيعى لعواطف واحساس عالى للمواقف اكثر من غيرك

بص يا semsem

بصراحة انا مش هقدر اخليك تنساها .ولا أى حد فى الكون يخليك تنسى حد انت حبيتة .بصراحة
لكن كل اللى هنعملة ان المشكلة دى او ان الموقف دا ميأثرش فيك بالسلب .
يعنى اية ؟
جميل
يعنى اكيد مليون فى المية انت حبيت البنت دى . واديت لها ثقة ملهاش حدود .صح
ولو هى كانت قالت انا عاوزة حتة من السماء كنت طلعت وجبتها .
وبعد ما انت اكتشفت خيانتها .
قلت لنفسك خلاص كدة الثقة بتبقى مرة واحدة وخلاص ومن الصعب تانى ادى لحد الحب اللى انا عيشتوة معاها .وصعب اثق فى حد تانى نفس الثقة اللى كنت بثقها فيها .
وهنا مربط الفرس .
لازم طبعا تعيش حياتك عادى جدا و متزعلش من اللى حصل .لو هتزعل ازعل على انك اديت ثقتك لحد ميستهاهاش .
لكن مش هقدر اقولك ازعل على الايام و الاوقات اللى قضيتها معاها ..لانة اكيد كانت ايام حلوووة
كمل حياتك ودور على حب تانى حقيقى المرة دى .
وخليك دايما فاكر ان ربنا بيسامح فى حقة بس مش بيسامح فى حق العباد
ديما خليك فاكر لو انت فعلا كنت بتعملها كويس وانك حبتها بجد
اكيد ربنا هيعوضك باحسن منها مليون مرة ...واكيد القلم اللى اديتوهولك اكيد هيتردلها فى يوم من الايام .ديما خليك فاكر كدة .
وفية حاجة كمان :
النفس إن لم تشغلها بحق شغلتك هى بالباطل .
يعنى لو انت طول الوقت قعدت تفكر فى دراستك ومستقبلك ومشاريعك فى المستقبل وحال البلد واية اللى هعملة بعد التخرج وشغلت نفسك مع اصحابك ولو كان عندك هواية ازاى تنميها .
كل يوم اعمل حاجة جديدة فى حياتك اكيد مش هتلاقى وقت تفكر فى اللى فات .
والضربة اللى متموتش تقووووى مش كدة ولا اية .!
وادعيلها دلوقتى ربنا يسهل لها .............
واكيد ربنا هيعوضك عنها خير وفى وقتها اتفكرنى بس
وقول فعلا فى حد قالى كدة قبل كدة .
يارب اكون قدرت اعمل حاجة ...ولو فية اى حاجة مش مفهومة او عاوز تستفسر عنها انا تحت الخدمة ان شاء الله
وبالتوفيق فى حياتك .......

بصراحة يادموع انا مش فاهم الموضوع
ياريت توضحيلى اكتر من كدة ...انا أسف بجد

الف تحية EL AWADY
ع المرور والكلام الجميل اللى انت قولتة دا .

شكرا يا جيفارا

بجد العوضى كلامه عاقل أوى
وعايزة أقول حاجة لجيفارا ممكن تقولى إزاى ساخر من الناس
وتقدر تسمعلهم وتساعدهم

دموع انتم السابقون ونحن اللاحقون

وشكلى حصلك على العيادة لما تروحى قوليلى يابيبى

حتى نروح مع بعض ونوفر المواصلات

ايه يا جماعه معدش فى عيانين ولا ايه
شكل كدا العيادة هتتقفل يا جيفارا

هتتقفل ايه
دى لو اتقفلت كدا مستشفيات المجانين هتشتغل
بجد الموضوع دا جميل وفعااااااااااااااااااااااااال
تحفه
وانا ان شاء الله هابقى اجى لكم العياده ههههه
بجد تحفه
واخيرا ياسمسم عرفت سبب انك متعقد من البنات
بس احب اققولك مش كل البنات زى بعض
ممكن انت كان اختيارك مش صح
او
دا ممكن شئ حصل خارج عن الاراده والله اعلم
عامه كل شئ ربنا بيعمله كويس
حط دى قدامك على طول

كلامك منطقى جداا
ياسحاب
والانسان لازم يتعلم من اخطائة ومش يكرر تجارب على منوال التجربه الى فشل فيها
وغالبا الى بيزعل من واحدة افترقوا عن بعض
مش بيزعل لانه بيحبها فى اغلب الاوقات
لكن الزعل الاكتر
انه بيبقى فى لمحه انتقام

انا بقى نفسى مااثقش فى حد واكره الناس واحب نفسى
........

الثقة دى شئ ضرورى فى حياتنا عشان نعيش مطمنين

بس لازم ناخد بالنا ومنديهاش لحد ميستاهاهاش

يعنى لازم تكون فى محلها

بالنسبة ليه لازم اللى قدامى يمر باختبارات كتيرة عشان اديله ثقتى الكاملة

يعنى الثقة اللى بديها للناس متقسمة عندى لدرجات ومراحل......

ياريت كلامى يفيدك...........واللى بيحب نفسه بيعيش مش قادر يحب أى حد

لدرجة انه بيكره نفسه لأن محدش هيحبه..وخلى عندك ثقة فى ربنا

هى دى اللى هترجعك لطبيعتك وماتجبيش اللوم عليكى.

فى ناس مابتقدرش النعمة الى فى ايديها الا بعد ما تروح.................

طبيبة زائرة للعيادة............................سلااااااام

زائر

[ندعوك للتسجيل في المنتدى أو التعريف بنفسك لمعاينة هذا الرابط]

)
)

[ندعوك للتسجيل في المنتدى أو التعريف بنفسك لمعاينة هذه الصورة]

]

أيسكن الحزن قلبك؟؟؟
بسم الله الرحمن الرحيم

موضوع أعجبنى كثيرا وأحببت أن تقرأوه معى

الى كل من سكن الحزن قلبه

كلمات لمن تملك الحزن قلبه
وكتم الهم نفسه..وضيق صدره
فتكدرت به الأحوال..
وأظلمت أمامه الأمال..

فضاقت عليه الحياة على سعتها..
وضاقت به نفسه وأيامه وساعاته وأنفاسه

لا تحزن
فالبلوى تمحيص..
والمصيبة بأذن الله اختبار..

والنازلة امتحان
وعند الامتحان يكرم المرء أو يهان..

ماذا عساه أن يكون سبب حزنك؟؟
ان يكن سببه مرض
فهو لك خير ..وعاقبته الشفاء
قال الله جل وعلا:
((واذا مرضت فهو يشفين))

وان يكن سبب حزنك ذنب اقترفته
أو خطيئة فعلتها فتأمل خطاب مولاك
الذى هو أرحم بك من نفسك:

16]((قل يا عبادى الذين أسرفوا على أنفسهم لا تقنطوا من [/size]
رحمة الله ان الله يغفر الذنوب جميعا))

وان يكن سبب حزنك ظلم
حل بك أكان من قريب أو بعيد

فقد وعدك الله بالنصر
ووعد ظالمك بالخذلان والذل..

قال تعالى فى الحديث القدسى لدعوة المظلوم:
((وعزتى وجلالى لأنصرنك ولو بعد حين))

لا تحزن
واستشعر فى كل بلاء أنك رشحت لأمتحان من الله...
تثبت وتأمل وتمالك وهدئ الأعصاب..
وكأن مناديا يقول لك فى خفاء هامسا ومذكرا:
انت الان فى أمتحان جديد...فأحذر الفشل..

لاتقلق
فالمريض سيشفى والغائب سيعود..
والمحزون سيفرح والكرب سيرفع
والضائقة ستزول وهذا وعد من الله
ان الله لا يخلف الميعاد

أجعل همك فى الله
اذا اشتدت عليك هموم الأرض..
فأجعل همك فى السماء

لاتحزن..فرزقك مقسوم..وقدرك محسوم..
وأحوال الدنيا لا تستحق الهموم..
لأنها كلها زائلة
وما الحياة الا متاع الغرور

لا تحزن..وأفزع الى الله بالدعاء..
تضرع الى الله فى ظلم الليالى..
وأدبار الصلوات..اختل بنفسك فى قعر بيتك
شاكيا اليه..باكيا لديه..سائلا فرجه ونصره وفتحه

فلا تحزنوا وكل مصائبكم بلاء
يمتحن الله به عباده المؤمنين
وماذلك الا دليل محبته تعالى

((ان الله اذا أحب قوما أبتلاهم))

فالحمدلله فى السراء والضراء

تسلم اديكى
جزاكى الله خيرا
نصائح جميله جدا
وتذكره جميله
ربنا يخليكى يا بيتو
وربنا يفك كرب المكروبين
وحزن المحزونين
والفرج قريب ان شاء الرحمن

شكرااااااااااااااا

بلتو
belto

شكرا جزيلا يا جيفارا
موضوع جميل جدا
وشكرا عالعياده الجميله دى
فعلا لما والحد بيحكى لاى حد بيرتاح اوى اوى
وممكن اللى قدامه يقوله على حل كويس جدا
ويخرجه من اللى هوا فيه
تسلم اديك يا زعيم
منتظر منك التوبكات الجميله ديما

شكرااااااااااااا

بلتو
belto

السلام عليكم
كل سنه وانتو طيبين يا جماعه
انا عجبنى حلول احلى اعضاء تربية
<العوضى- جيفارا- ساندى- سحاب- بيتو>
وعجبنى حلولكو جدا
واتمنى يكون <سمسم- دموع>
استفادو كتير جدا من الحلول دى

بس ممكن اضيف جزئيه ده بعد ازنكو
اولا سمسم
بالنسبه للجزئيه بتاعت العوضى الاخيره
احب اقول ان الواحد مهما كانت ارادته فعدم تكرار الخطأ
مش بيبقى بايد الواحد
بل الظروف هيا اللى بتحكم
يعنى لما الواحد يشوف واحده بتعطيه الحنان والكلمه الرقيقه
نفترض انه حبها ولكن مفيش اختيار هنا
وفالحاله دى الواحد مفكرش انه يختبر وميختبرش هوا وقع فالحب وخلاص
وكمان مفكرش انه يعطى الثقه دى ولا لا
هوا ده الواقع اللى للاسف بنهرب منه وبالذات اللى اتجرحو قبل كده
بيقول انا لازم مكررش الموضوع ده ولازم اشوف اللى قدامى الاول
احنا مش بنتكلم فموضوع جواز احنا بنكلم فانسانه انجزبت نحيتها
فبشيل من دماغى كل اللى كنت مخطط انى هعمله
الحب بيسيطر اوى اوى
ومش بيخلينا نفكر فاى حاجه من دى
ممكن اعمل فعلا اختبارات صغيره بس بسيطه تأكدلى انى اديت ثقتى للانسان اللى يستحقها او لا
وممكن الانسان يكرر نفس الغلط ده لسبب واحد انه حب
فالحب بيخلى الواحد مش شايف عيوب اللى قدامه
الحب يعنى حياه حلوه الانسان مش بيحب يدخل نفسه فحاجه تزعله وقتها
فانتا كل اللى عليك يا سمسم انك تشغل نفسك باى حاجه<شغل-جيم-كورسات.... الخ>
وتشيلها من دماغك وتحاول لما تفتكرها تشغل نفسك
انا عارف ان الموضوع صعب بس معلش يا زعيم
حاول وهتقدر ان شاء الله
واوعى تفكر فالانتقام
خليك انتا الافضل
وبردو ادعيلها ربنا يسعدها ويديلها على اد نيتها
وربنا ان شاء الله هيعوضك خير منها ان شاء الله

اسف جدا عالاطالة
شكراااااااا

بلتو
belto

اما دموع
فانا شايف ان دموعك القريبه دى
اما
1- طبيعه فيكى اصلا يعنى فيه ناس كتير جدا دموعها قريبه ومن اقل حاجه بتعيط

2- احساسك الزائذ باللى حوليكى فانتى بتشاركيهم حزنهم فمش بتلاقى طريقه تعبرى عن مشاركتك ليهم وحزنك عليهم الا بالدموع ودى حاجه تبين انك انسانه حساسه ورقيقه جدا

3- ممكن تكونى اتجرحتى قبل كده وبكيتى كتير جدا وجرحك ده عمل زى النزيق فقلبك فكل ما تحصل حاجه تزعلك ولو زعل بسيط ده يخليكى تعيطى من اقل الاسباب

4- وممكن تكون دموعك المستمره دى سببها انك شايفه اللى حوليكى مش فاهمينك صح
وديما ظالمينك فانتى مش بتلاقى غير الدموع كطريقه للتعبير عن الظلم ده وده بردو يدل على انك انسانه حساسه وطيبه جدا

فاذا كانت طبيعه فلا تغيير فيها ومحدش هيعرف يغيرها
واذا كانت احساس زائذ فدى حاجه كويسه وبردو مش هتعرفى تغيرها
اما اذا كانت اخر احتمالين فبمرور الوقت وزوال الجرح والظلم ده وقدره اللى حواليك على فهم
تفكيرك وانهم يفهموكى صح فان شاء الله الدموع هتقل وهترتاحى فحياتك ان شاء الله

وربنا يزل الهم والحزن عن المحزونين والمكروبين
يارب اكون قدرت افهم المشكله كويس
واتمنى انى اكون قدمت حل مقبول لحد ما

شكرااااااااااااا

بلتو
belto

زائر

الدمع تعبير طبيعى على المشاعر ولكن لوزاد خطر جدا شكرا

الله عليك
يابلتوو
قدوة قدوة يعنى
مش اى كلااااااام
[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههه
ربنا يخليك يا عوضى باشا
انا مش عاوز اتكلم عن نفسسسسسسسسى
ههههههههههههههههههه
تسلملى يا حبى
بس يارب يكون الحل اللى قدمته مأثر
شكراااااااااااا

بلتو
belto

» فضفض ولكن لمن؟؟
» مشكلة هامة
» مشكلة عاطفية
» مشكلة للأذكياء فقط برنامج دعائى
» يلا هنوا معانا....