اسرع خمس طرق للتخلص من حبيب القلب

أسرع خمس طرق للتخلص من حبيب القلب.

خلاص بح.. بدأت تشعر بأن الفيلم جاب آخره.. وأن العلاقة بينك وبين من تحب أصبحت.. فاترة لا سخنة ولا باردة.. زي المية لا ليها لون ولا طعم.. م الآخر وصلت للمنتهى.. ولم يعد هناك بعد ذلك إلا "الخلع!". .

يعنى عاوز تخلع من الأخر وعاوز طريقه ؟ أوكى استعنا على الشقى بالله ::

في السطور القادمة نقدم لك خمس طرق "مودرن وكلاسيك" للخلع من حبيبك.. بالذوق أو بالعافية.. مش فارقة معانا!

خد نفس طويل وابدأ في كتابة إيميل غرامي من النوع الجامد جدا الذي يذيب أشد القلوب تحجرا واشرح لحبيبتك كيف أنك لا تستطيع أن تعيش من غيرها ثانية واحدة وأنك تفـــكر فيها طــول الليل والنهار وأنها -على رأي اللمبي- "الحب الحب.. الشوق الشوق" فقط لا تنسَ أن تبدأ رسالتك بـ"حبيبتي مروة" وأن تنهيها بـ" بحبك يا مروة".. نعم نحن نعلم أن حبيبتك اسمها "ليلى".. وهو المطلوب إثباته

اكتشف فجأة أن لك جذورا صعيدية واحضر في اليوم التالي إلى حبيبتك وأنت ترتدي الجلباب الصعيدي وتحمل كفنك علي يدك.. قبل أن تفيق هي من صدمتها قل لها الحقيقة العارية "امبارح بس اكتشفت إن جدي السابع كان من الصعيد.. وإن عليه تار بايت مع عيلة الدهاشنة".. ثم "والحل الوحيد عشان ماياخدوش بتارهم مني ومايقتلونيش.. إني أتجوز بنت عم جدي.." ودموعها تنهمر استمر في الضغط "طبعا أنا رفضت أضحي بحبك لي.. وقلت لهم أموت ولا أسيبك يا ليلى.. وعشان كده جبت معايا كفني وهاطلع من هنا عليهم على طول.. أموت ولا أضحي بحبك.." النتيجة مضمونة.. ليلى بنفسها هي التي ستقدم لك شبكة خطوبتك على بنت عم جدك.. الصعيدي !

وأنت جالس في الكازينو مع حبيبتك وتنظر بعينين ساهمتين إلى منظر غروب الشمس في النيل.. قل لها.. "ليلى.. أنا عاوز أقول لك على حاجة".. ستنظر لك بعيون قلقة.. استمر في التسهيم في الغروب وأنت تقول لها "كان بقالي فترة حاسس إني تعبان قوي.. وصحتى مفستكة.. ومش قادر أقف على رجلي.. فرحت للدكتور اللي خوفني أكتر وطلب مني تحاليل وطلعت النتيجة.." فترة صمت طويلة ضرورية للتأثير الدارمي ويا سلام لو كان في الخلفية موسيقى تصويرية ثم ألقِ بالقنبلة.. "أنا عندي.. عندي.. المرض الوحش.. ومش هاعيش إلا شهور قليلة.. وماقدرش أظلمك معايا أكتر من كده" ثم انهض فجأة من مكانك واترك المكان كله ودعها وهي تبتلع الصدمة.. وتدفع حساب العصير أيضا !

اتصل بحبيبتك وقل لها إنك تريد أن تقابلها لأمر مهم جدا.. اصنع كل علامات القلق والحيرة على وجهك ثم قل لها بأن خالك الموجود في البرازيل منذ أكثر من 30 سنة أرسل إليك عقد عمل في مزارع البن هناك وأنها فرصة لا يمكن أن تعوض وأن حال البلد هنا لا يسر عدوا ولاحبيبا وأن فرصة أن تعمل هنا في هذا المنصب الخطير "عامل في مزرعة بن" معدومة لأننا في مصر لا نزرع البن أصلا!.. ولأنك شهم وابن بلد فإنك ستقول لها "ليلى.. أنا مش ممكن أعذبك معايا أكتر من كده.. ومش عارف هارجع من البرازيل إمتى ولا أصلا جايز مارجعش.. البن كان أقوى ما بينّا.. الوداع.. الوداع يا ليلى"!.. ولا تنسَ أن ترسل لها بعد كام شهر كيلة من البن البرازيلي "المحوج" الذي يبيعه عم "طه" على أول شارعكم.. حتى تتأكد من أنك هناك فعلا!

وأخيرا ::
إذا قمت بكل هذه المحاولات مع "ليلى"..
بعت لها إيميل غلط...
واتجوزت بنت عم جدك السابع ذات الجذور الصعيدية..
وأصبت بالسرطان من أجلها.. وسافرت البرازيل حتى تخلع..
ورغم كل هذا ظلت متعلقة بك.. لا يوجد حل شيك آخر..

كده قدامك حل واحد يا بوب

قل لها وأنت تنظر في عينيها بوقاحة: " بت.. أنا مش طايقك ومش عاوز أشوف وشك تاني!"..
طبعا ده منظرها سا عتها كده بالظبط

إذا استمرت في حبها لك.. فلم يعد هناك حل عملي للتخلص منها سوى أن.. تتزوجها

هههههههههههههههه واخيرا تقبلوا تحياتى

زائر

ههههههههههه
ياخبر كل ددا
هههههههه
حلوه

متشكرة على مرورك يا دودو

هههههههههههه والله هى حلوة جدا كنكتة وفعلا اكيد فى ناس بيعملوا كده
بس دول الناس اللى كانوا واخدين الموضوع تسلية واستهزاء بمشاعر واحدة حبتهم بجد
لكن فى الطبيعى ان اى علاقة (حب *زاوج*خطوبة*صداقة *قرابة ) دايما بيبقى فيها كيرفات بمعنى ان بتيجى فترة بتبقى علاقة فاترة واو باردة كمان ....بس عشان الناس باقية على بعض والعلاقة اللى بينهم حقيقة مش وهم بيحالوا يحركوها عشان نمش تفضل باردة ....مش يموتوها!!!!!!!!
واحيانا بتبقى العلاقة متوهجة جدا
ده تاريخ الدول فى رقى واضمحلال ازدهار وقحط
عادى بقى لما تبقى علاقات الاشخاص كده.........ولا ايه ياشباب؟

انا شايف ان اللى بيحب من الصعب
يتخلص من حبيبة

يا ريت تكون حبيبتى كده وانا عمرى ما افرط فيها
لانى لما اعمل معاها حاجه من دول وتفضل معايا يبقى بتحبنى

توبيك هايل يا هبه

موضوع حلو
افادتينى
انا هاحاول فيهم كلهم

قل لها بأن خالك الموجود في البرازيل منذ أكثر من 30 سنة أرسل إليك عقد عمل في مزارع البن هناك وأنها فرصة لا يمكن أن تعوض

ههههههههههههههه
جاااااااامدة اووى تسلم اختياارك الجميل

دا اكيد لو واحد مصاحب واحده بس
و زهأ و حب يغير بس لو بيحبها اكيد لالالا
بس جامده يا هبه والله
كترى من ده

مرسى

هههههههههههههه

افكار جامده بعد كده هناخد بالنا اى حد هيعمل حاجه من دول هنعرف انه عاوز يخلع

مرسى ليكى يا هبه
توبيك تحفه
تسلمى يا قمر

تخيل منظر واحد او واحده قراتالموضوع دا وتانى يوم لقا للخطوات اللى قراتها بتتعمل فيها

طب يبقى الحل يا هبة لو انت نفسك مش قادر تتخلص من التفكير فيها بعد ما سبتها وتعمل ايه لو انت مش سايبها بمزاجك وتعمل ايه لو سبتها علشان مصلحتها والاخر تبقى هى عارفه انك مش غلطان يبقى ايه الحل للنسيان يبقى ايه الحل انك عاوز تعيش ومش عارف انا شايف ان مواضيع الحب دى جابت اخرها اوى معايا ومعنتش فاهم حاجة خالص

بس موضوعك جامد ودمة خفيف اوى على فكرة

اشكرك هبة

ههههههههههههههههه
تسلمي يا قمرررر

دي طرق حربيه مش طرق للتخلص من حبيب القلب
توبيك جميل تقبلي مروري

بلال كتب:: طب يبقى الحل يا هبة لو انت نفسك مش قادر تتخلص من التفكير فيها بعد ما سبتها وتعمل ايه لو انت مش سايبها بمزاجك وتعمل ايه لو سبتها علشان مصلحتها والاخر تبقى هى عارفه انك مش غلطان يبقى ايه الحل للنسيان يبقى ايه الحل انك عاوز تعيش ومش عارف انا شايف ان مواضيع الحب دى جابت اخرها اوى معايا ومعنتش فاهم حاجة خالص

بس موضوعك جامد ودمة خفيف اوى على فكرة

اشكرك هبة

ايدا كله يابلال
فعلا شكله جاب اخره معاك
وعندك حق فى اللى بتقوله
احسن حاجه والله بلا حب ولا هباب
دى حاجه تقصر العمر

هههههههههههههههههههههههههههههه
روعه يا هبه والله
بس حرام ليه كل دا

توبيك هايل يا هبه

بس فيه حاجه اسهل من كل ده

يروح يعرف واحده تانيه

بجد توبيك جميل يا هبه

يسلم كيبوردك

» كيف تتخلصين من حبيب الدنيا من اجل حبيب الاخرةالله رب العالمين
» ||♥ القلب هو القلب ♥ و القبر صندوق العمل ♥|| █
» اسرع طريقة لتحضير الشكشوكة
» للتخلص من الضغوط النفسية والعصبية.......
» رسالة من القلب إلى القلب