» **محكمة الحب**« عقوبة مده 3 ايام ( فى قاضى الغرام)

ازيكم يا احلى شباب وبنات



عاملين ايه


بقولكم ايه انا عملت اللى عليا وقبضت

على عضو كلكم بتحترموه


هو





























ها بكفايه


؟؟؟؟؟؟؟؟؟؟؟؟؟؟؟؟










































بيبو 3000


منور المحكمه يا بيبو
ميرسى ربنا يخليكى يا دودو دا نورك ونور كل الاعضاء اللى زى العسل دى


هتفضل معانا 3 ايام ان شاء الله
ان شاء الله


يكون الاعضاء خدوا حقهم منك
ههههههههههههه ليييييييه هوا انا عملت فحد حاجه دانا غلبااااااااااااان
ههههههههههههه




اتفضل خش القفص وجاوب على الاسئله دى
حااااااااضر دخلت القفص دا على اعتبار انكو قابضين على حداية
هههههههههههههههههههههههههه






يا ترى حالة قلبك ايه دلوقتى ؟الحمد لله بعمله اعاده تهيئه بعد خروجى من موضوع حب انتهىايه رايك فى المقولة اللى تقول(نظرة ...فابتسامة...فموعد...فلقاء...) هيا مقوله جميله وكمان تحزيريه للشباب والبنات ولكن من وجه نظرى طول ما الاحترام موجود فالمقوله دى ناس كتير مش بتحطها فاعتبارها وانا منهم مين بصراحة تؤام روحك وبلسم جروحك ؟الحمد لله رب العالمين فيه ناس كتير بتداوى جروحى لكن اقرب الناس ليا ناجى حبيب قلبى وتوأمى الملتصق ههههههه وعبدالله والشيخايه رايك فى مقولةما الحب الا للحبيب الاولى متفق مع المقوله دى وكل حاجه ولكن كل حب وليه مزاقه الخاص ولكن الحب الاول فعلا بيكون ليه مزاق اكثر خصوصيه مش علشان الانسانه نفسها ولكن دى اول واحده يحس الانسان معاها باحساس الحب بكل معانيه فبيكون الاحساس فوق الخيال كل حاجة وليها بداية ونهايةهتحكلنا عن بداية حبك ؟؟؟يعنى هوا الموضوع كبير شويه بس انا هجيب البدايه انا كنت بلعب كره يد فاولى اعدادى فالمدرسه واكن فيه بنات وولاد بيشجعو وكده فانا لقيت حماس منها فالتشجيع وخدت بالى منها وهيا كانت معايا فدرسين فخدت بالى منها اكتر وانا بصراحه كنت لاقى منها قبول كبير فدى حاجه زودت انجذابى ليها وكان بينا جوابات وحوارات كتيره هكتفى بالبدايه تقول ايه عن حبيبك لو مرتبطة احكلنا عليه ويا ترى مريت بتجربة حب قبل كده اها مريت ب3 تجارب حب محصلش فيهم نصيبويا ترى تجربه حبك اللى انتى فيها حكمت قلبك ولا عقلك الاكتر ؟ انا ديما بسيب قلبى اللى يختار لانى لو فكرت بعقلى يبقى ده مش حب
لانه الحب مش محتاج تفكير فاختيار اللى بحبها القلب هوا اللى بيختار مش العقل



يارب فترت بقائك ف المحكمه تكون جميله
اكيييييييييد هتكون جميله ان شاء الله طلما مع احلى واجمل اعضاء فالدنيا



نورتنا
دا نورك ونور كل الاعضاء الحلوين



يلا




هجوووووووووووووووووووووووووووووووووووووووم
ايييييييييييييييه انا همووووووووت ولا ايييييييه
ههههههههههههه

طيب
طيب طيب هوا انا هخاف
هههههههههههههه

كمان اسئله كدا ع الماشى
اممممممممم ماااااااااااااااشى




- ما هو تعريف الحب ؟
الحب هو التحليق فى سماء ارض بلا سماء
هو احساس الانسان بوجود انسانه واحده فقط فى الكون دايما شايفها قدامه ومش شايف حد غيرها
احساس بالراحه النفسيه لوجود انسان بيبادلك نفس الشعور

- هل تؤمن بالحب ؟
نعم اؤمن بيه جدا وانا واحد من الناس اللى جربته 3 مرات
هوا سبب وجودنا حتى الان
فيه نوعين من الحب الاول الحب العام يعنى حب الناس بعضها البعض وده سبب سعاده الناس
والتانى الحب الخاص يعنى الحب المتبادل بين طرفين فقط ولد لبنت والعكس وده اؤمن بيه جدا بشرط وجود الاحترام المتبادل

- هل تؤمن بالحب من أول نظرة؟
نعم اؤمن بيه وانا واحد من الناس اللى جربته وفعلا بيبقى احلى وطعم حب اللى بتبقى بدايته نظره بحس ان قلبى اتخطف منى فالنظره الاولى دى

- هل يختلف معنى الحب عبر العصور؟
اممممم هوا مش بيختلف فى مضمونه ولكن بيختلف فى طريقه التعبير عنه
يعنى مثلا زمااان كان جوابات ورسايل ورقيه وكده
اما دلوقتى مسدجات ومكالمات وكده
ولكن فى النهايه يبقى معنى الحب ثابت على الرغم من اختلاف العصور

- ما هو تأثير العمر على معنى الحب في المراحل التالية ( مراهقة , شباب , بعد الأربعين )
بدايه كده الاختلاف بيبقى فى طريقه التعبير عن الحب ده
المراهقه بيبقى فيها الحب جنونى شويه والانسان بيعمل حاجات طايشه ممكن تتسبب فمشكله بدون قصد ودى حصلت معايا شخصيا واتعمل مشكله كبيره ما انتبهتش ليها الا بعد وقوعها
الشباب بيبقى فيه الحب انضج شويه من المراهقه الانسان بيحس بوجوده فالمجتمع وبيخاف على شكله الاجتماعى ونظره الناس حوله فبيكون الحب وطريقه التعبير عنه فيها رزانه
اما بعد الاربعين بيكون الانسان وصل لقمه نضجه الجسمى والعقلى فيوزن الامور اكثر واكثر وبينظر اليها من وجه عقليه اكثر منها قلبيه لانه اصبح اكثر ادراكا للمجتمع من حوله ومتطلباته فبتكون طريقه التعبير اكثر نضجا من سابقتيها

- فرق العمر بين الطرفين هل يؤثر على علاقة الحب؟
اكيييييد طبعا فرق العمر وخصوصا فرق العمر الكبير بين الطرفين بيؤثر سلبيا على العلاقه لانه الانسان فكل سنه من عمره بياخد خبره عن الحياه اكثر من السنه اللى قبلها وفيه مصطلحات وتعرفيات اجتماعيه وتقاليد معينه بتتغير فده بيؤدى الى حدوث مشكلات عظيمه بين الطرفين
لكن نرجع ونقول فرق العمر البسيط بين الولد والبنت (يعنى يكون الولد اكبر من البنت مثلا من سنه الى 3 سنوات ) كده نبقى حققنا نوع من الوسطيه واعتقد ان ال3 سنين دول مش هيفرقو فالثقافات كتير اوى بينهم
وفيه حاجه كمان يفضل طبعا ان يكون الولد هوا الاكبر من البنت لانه هيقود البيت والاسره طبعا مع وجود استشاره زوجته والا يبقى هوا دكتاتورى

- أيهما أنجح ,الزواج عن طريق الأهل أو عن معرفة سابقة؟
والله سواء من الاهل او المعرفه السابقه بترجع بردو لشخصيه الطرفين
يعنى فيه ناس كتير جدا اتجوزو عن طريق الاهل وقالو انه زواج مضمون واحنا عارفين الناس دى وكده وسألين عليهم ولكن اكتشف الطرفين العكس ده كله بسبب المجاملات ( يعنى مثلا اهل الولد يسالو عن البنت الجيران اللى حولها يقولولها دى مفيش احلى ولا احسن خلقا من كده ويطلع العكس والعكس بالنسبه للبنت)
وكذلك الزواج عن طريق المعرفه السابقه ممكن تكون معرفه جامده اوى وكل حاجه ولكن نكتشف ان الانسان ده كان بيتجمل علشان يوصل لحاجه معينه وهكذا البنت )
فانا مش هقدر احكم على ايهما انجح لانه بترجع للشخصيه نفسها وشخصيات الناس مختلفه
ولكن انجح زواج هوا الزواج القائم على الاتفاق واحترام وجه نظر الطرفين بعضهما البعض
والوفاء والحب بين الطرفين

- هل ممكن ان تحب أكثر من مرة؟
اها ممكن احب اكثر من مره ( لكن طبعا مش فوق واحد ههههههههه)
يعنى مثلا كنت بحب واحده والعلاقه انتهت طبعا مش هروح احب واحده تانى يوم يبقى انا مكنتش بحبها اصلا
لكن الانسان بعد كل موضوع حب محصلش فيه نصيب بيبقى محتاج فتره نقاهه وخصوصا اذا خرج منها مجروح
وياما ناس كتير حبت اكتر من مره واتجرحت اكثر من مره وادينا عايشين

-هل يمكن أن يكره الأنسان الشخص بعد أن أحبه؟
لالالالالالالالالالالالالالا ده كلام بس الانسان اللى يقول انى كنت بحب فلان وكرهته دلوقتى يبقى بيكدب على نفسه قبل ما يكدب على الناس لان فعلا وعن تجربه اللى يحب ميكرهش ولو كره يبقى محبش من البدايه

- هل للمادة دور رئيسي في استمرار الحب؟
لا طبعا لان ده مش المعنى الاسمى للحب لان الحب الحقيقى هوا حب الشخص لنفسه بما فيه من عيوب ومميزات
اما الحب التانى ده اسمه حب المصلحه ولا يعنى للحب بشىء

- نجاح الحب مستحيل أم ممكن , و كم نسبة نجاحه؟
للاسف احنا فزمن مبيرحش حد مش العيب من الزمن ولكن العيب من الناس ونظرتها لشخصين بيحبو بعض
كلها نظرات حسد وحقد من السعاده اللى فيها المحبوبين فبيتخذ العوزال كل سبل افشال الحب ده
ومش كده بس لكن كمان تكاليف الزواج فالزمن ده اصبحت صعبه وبسبب كثره التكاليف دى ياما ناس كتيره جدا كانو بيحبو بعض جدا ولكن الظروف منعتهم من الستكمال الحب ده
ولكن انا من وجه نظرى ان الحب ممكن ينجح ويستمر ولكن نسبته قليله 45%

- هل يمكن أن يستمر الحب في حال تغير الطرف الآخر من نواحي :

أ- عاطفية ب- غير عاطفية
ممكن فالناحيتان يستمر الحب او يفشل وده يرجع الى تمسك الطرفين ببعض

- أيمكن للحب ان يغير مجرى حياتك؟
نعم الحب فعلا بيغير مجرى حياه الانسان من الفشل مثلا للنجاح بسبب تشجيع الحبيبين لبعضهم
وممكن يكون الانسان قبل الارتباط والحب عنده حاجه ركود وتواكل على الاخرين اما بعد الارتباط بيعتمد على نفسه ويخرج للعمل تجهيزا وتحضيرا لعش الزوجيه فالمستقبل
فالحب بالطبع يغير مجرى حياه الناس وانا واحد منهم

- البعد أيخفف المشاعر أم يلهب الأشواق؟
بدايه فيه فرق بين البعد والهجر
فالبعد ممكن يكون بعد مكانى ولكن بيسألو على بعض وبيطمنو على بعض وده بيلهب الاشواق
اما الهجر اى البعد النهائى دون السؤال فده بيؤدى حتما الى تخفيف المشاعر وتقليل نسبه الحب بين الطرفين

- هل يتغير الحب بعد الزواج؟
هوا مش بيتغير بمعنى بيتمحى ولكن التغيير فى النسبه والدرجه يعنى ممكن نسبه الحب تقل قليلا بسبب المشكلات الزوجيه بسبب الابناء او مشاكل العمل وغيرها لكن التغيير الجزرى لا اعتقد بيه

- بوجود الحب أيشترط وجود السعادة؟
مش دايما او مش فاغلب الاوقات اللى بيحبو بعض بيبقو سعداء يعنى مثلا وجود شيء زى الغيره الزياده هل ده مش حب لا حب ولكن بيؤدى الى ايه ( الى عدم سعاده وحدوث نوع من الخنقه والزعل )وده ميمنعش وجود السعاده
فالسعاده موجوده والزعل موجود تبعا لاختلاف المواقف

- هل الغيرة ضرورية في الحب و ما دورها ؟ سلبي أم ايجابي؟
نعم ضروريه جدا فالحب والا يبقى الطرفين مش بيحبو بعض لان الحب من اكبر الادله على الحب ولكن الغيره العاديه لكن الغيره الزياده لا لانه بتحدث نوع من الخنقه وبسببها موضوعات حب كتيره مبتكملش
فالغيره ضروريه فالحب ولها تاثيرها الاجابى على الطرفين ولكن ان زادت تصبح سلبيتها اكبر من ايجابيتها

- أيهما أخلص الشاب أم البنت؟
هههههههههههههههههه انا اللى عاوز اخلص ههههههههههههههههه
الاخلاص لا يتعلق بكون الشخص ولد او بنت ولكن طلما الانسان ده محافظ على الوفاء للشخص الاخر
ومصر على التضحيه من اجل الحب ده يبقى اخلص فالحب
وده كله بيرجع لشخصيه البنت او الولد


- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )
انا لا اعترف بالحب ده الا اذا تم اللقاء واتكلم مع الانسان ده وجها لوجه
مش يمكن بيتجمل مش ممكن يقول انه ولد وهيا بنت والعكس
وده بيحصل كتير وحصل مع ناس كتيره اعرفهم
فلابد من معرفه الشكل الى جانب الاعجاب بالافكار

اممممممممممممممممممممممممممم

مظنش ان اللى فاتوا هيكفوا
ليه كدددددددددددده ههههههههههههه
بس اوووووووك


خد دول كمان
هااااااااتى



من الحب ما قتل ..........رايك فيها اى ؟؟
موافق عليها لان فعلا من الحب ما قتل ممكن الانسان يضحى من اجل حبيبه لاخر لحظه
لدرجه انه ممكن يموت نفسه علشان حبيبه
وفيه ناس كتير ماتت منتحره بسبب الحب

هل تعيش قصة حب حاليا ؟؟
حاليا لا

ممكن تحب اكتر من مره ؟؟
مكرر

هل للماديات دور رئيسى فى استمرار الحب ؟؟
مكرر

فى نظرك ...نجاح الزواج التقليدى صعب ؟وبنسبة كام ممكن ينجح ؟؟
الزواج التقليدى اى عن طريق المعرفه ممكن ينجح وكل حاجه ولكن فيه شروط لابد من توافرها علشان تنجح
زى التفاهم والرزانه والحكمه فى تحليل الامور وحل المشكلات والصبر وتحمل المسؤليه وغيرها
فالزواج التقليدى ممكن نجاحه فعلا لكن للاسف ده مش بيحصل كتير يعنى ممكن يكون 2 متجوزين ولكن للاسف حياتهم حزينه وبائسه وانا مش بعتبر الزواج ده ناجح مع ان الطرفين مكملين مع بعض يعنى محصلش طلاق ولا حاجه ولكن طلما السعاده لم تتوفر فالنجاح معدوم ممكن نجاحه بنسبه 45%

هل انت غيور ؟؟والى اى مدى بتظهر غيرتك ؟؟
انا غيور جدا بس فالمعقول يعنى مش للدرجه اللى تخنق اللى معايا
وبتظهر غيرتى دى فنظره عينى ولمعانها من موقف حصل وانا غرت على حبيبتى
وممكن من طرقه كلامى ونرفزتى ( انا نرفوز شويه هههههه)
وممكن اسيب المكان خالص وامشى لما ملاقيش سماع لكلامى

حبيت كم مره واتعرفت على كل واحده ازاى؟
انا حبيت 3 مرات
المره الاولى انا قلت عليها فالاسئله اللى فاتت ( الحب الاول ) وده فاولى اعدادى ومحصلش نصيب
المره التانيه فاولى كليه اعجبت بواحده زميلتى وفضلت ترم كامل مقضيها نظرات وهيا كمان كانت مستجيبه ليا
وبعد كده قلت اخد خطوه وطلبت محاضره واتكلمنا وكده وزمايلى البنات كلموهالى وكده ووقفت وكلمتها ومحصلش نصيب
المره التالته كانت زميلتى واتعرفنا على بعض عن طريق واحده زميلتى عرفتنى عليها ومحصلش نصيب
وربنا يوفقهم ويرزقهم باللى احسن منى

ممكن تكره حبيبتك بعد الفراق لاى سبب ؟؟
لا طبعا لان فعلا والله اللى بيحب مبيكرهش انا شفت ناس كتير بتقول انا كرهت كذا ( اللى كان مرتبط بيها او اللى كانت مرتبطه بيه) ولكن او ما بتيجى سيرته او سيرتها بيحنو على طول
وانا عن نفسى الحمد لله عمرى ما كرهت حد حبيته فيوم من الايام ولكن الحمد لله دايما بتمنالهم الخير وربنا يوفقهم فحياتهم ويرزقهم بللى يحافظ عليهم اكتر منى

ازاى تحكم على البنت الى معاك انها صادقه ؟؟
انا عموما بعرف الشخص اللى قدامى من عنيه سواء ولد او بنت فبيبان على البنت انها صادقه ولا كدابه
وانا الحمد لله على الرغم من ان موضوعات الحب اللى مريت بيها محصلش فيها نصيب ومكملتش بس
بجد اللى ارتبط بيهم فيوم من الايام كانو صادقين وربنا يوفق الجميع

اتخدعت فى حكمك على بنت قبل كده ؟؟؟
كتييييييييييير جدا والحمد لله بعمل لنفسى علاج من نحيتهم ببعد عنهم وكل واحد يعمل اللى يريحه وده بصراحه علاج مريحنى جدا وربنا يهدى الجميع

تيب

مدام محدش ناوى يسال فانا هسال بقى
مش حكايه حد ناوى يسأل او لا لكن التوبيك مش ظاهر اصلا علشان حد يدخل يسأل
فمفيش حد واخد باله من التوبيك



عشان القاضى يحكم بالافراج بقى
ان شاء الله



1- ايه اكتر جمله بضايقك عن الحب؟
الحب حرام
2- ايه اكتر كلمه تحب تسمعها من اللى بتحبها غير طبعا (بحبك)؟
وحشتنى اوى
3- لو اتخدعت من الانسانه اللى بتحبها يا ترى هيكون رد فعلك ايه؟
عادى ولا حاجه لانى حبتها بجد ومرضاش ليها الاذى فبفضل السكوت وبعتبره حل وخلاص لانى مش هستفيد بحاجه لما اعمل اى حاجه تزعلها وكل واحد عارف هوا عمل ايه وربنا يسامح الجميع
4- ايه اكتر انسان بتفتكره لما بتكون وحيد؟
ميدو ( محمد ناجى ) توأمى
5- ذكرى حلو لحبيبتك السابقه كانت بينكم؟
ضحكتها عمرى ما نسيت ضحكتها كانت زى القمر وهيا بتضحك وكسوفها الدائم
6- ياترى لسه عاوز ترجع لحبيبتك؟
......... مش عارف ...........
7- ايه كان سبب الفراق او البعد؟
كانت اسباب كتيره ولحد دلوقتى معرفش ايه السبب الرئيسى لكن اهو بعدنا
8-يا ترى حالتك كانت ايه لما سبتها؟
كنت فأسوأ حالاتى وكنت حاسس انى مش موجود فالدنيا ومش حاسس بللى حوليا ومكنتش مصدق بجد لانى اتحملت كتير علشان احافظ على الحب ده ةتعبت كتير
لكن الحمد لله قدر الله ما شاء فعل
9_ ايه اكتر حاجه ممكن تجرحك ؟
ان الناس تفهمنى غلط
10_ سبب فراق حبيبتك ايه ؟
مكرر
11_هل تعرضت للخيانه ؟
لا هيا مش تتسمى خيانه لكن سيطره من الشيطان على تفكير شخص اعرفه لكن دلوقتى الحمد لله احنا كويسين جدا مع بعض وربنا يديم الصداقه والمحبه بينا
12_هل خنت حبيبتك ؟
لا الحمد لله وان شاء الله مش هتحصل
13_مواصفات فتاه أحلامك ؟
متدينه ومحترمه وبتخاف عليا زى مانا بخاف عليها ومش شرط الجمال العالى ولكن تكون مقبوله الشكل
14_شايف انك اتظلمت من حبيبتك ؟
فالاول كنت شايف كده لكن عرفت ان الظروف ممكن تكون عائق كبير فالحب
15_شايف انك ظلمتها ؟
لا لانى بكره الظلم ولو هيا شايفه انى ظلمتها فاكيد من غير قصد وبطلب منها انها تسامحنى لانى مش هتحمل انى اظلم حد او يكون حد مظلوم بسببى
16_ لوهى ارتبطت تانى ..رد فعلك ايه ؟
هزعل فتره ولكن هحاول انساها بل وهجبر نفسى على كده لانها اصبحت دلوقتى مع حد تانى ومش من حقى حتى التفكير فيها وربنا يوفقها
17_قول حاسس ناحيتها ايه دلوقتى ؟
صدقينى انا مش موجود علشان احس بحاجه
18_نفسك ترجعلها؟
مش عارف
19_نفسك تنساها ؟
بحاول
20_ نفسك تحب تانى ؟
عادى
21-امتي اخر مرة زعلت من الدنيا ؟
من اسبوعين تقريبا

22-اكتر شخص حسيت انك ظلمته؟
محمد البلتاجى
23- مين اكتر شخص ظلمك؟
اكتر شخص فهمنى غلط

24-اكتر لحظه حسيت فيها بالهزيمه؟
الحمد لله ولا مره لانى لو حسيت بالهزيمه هحسها لما انزل من كرامتى والحمد لله عمرها ما حصلت لانى ديما محافظ على كرامتى ولله الحمد
25 - اكتر لحظة حسيت فيها بالقوة؟
حاسسها ديما الحمد لله لانى بحسها لما اكون محافظ على كرامتى
26- ماهو اكثر شيئ تخشاه؟
ان اظلم حد لان الاحساس ده صعب اوى وانا مش حمل انى اشيل ذنب حد








27- ماالذي يشعرك بأكثر قدر من الحرج ؟
لما يشكرنى حد على معروف او خدمه قدمتهاله بكون فقمه احراجى ومش بعرف ارد

28-شخص تحتاج لقربه الآن منك ؟؟
الله عز وجل

29-متى تغضب؟
لما حد يجادلنى فحاجه انا متأكد منها 100%

30- شخص لاترفض له طلبا؟
ميدو

31-ماهي أعظم صفة تفضلها؟
المرح والضحك مش بحب الانسان الافيل ( الخنيق)

32-أعظم شيء فقدته؟
قلبى

33-وأعظم جرح دفنته؟
للاسف انا اتجرحت كتير ومش قادر ادفن اى جرح منهم

34- اسوأ خبرسمعته؟
موت بلال ربنا يرحمه برحمته ويدخله فسيح جناته على الرغم ان معرفتى بيه مش كبيره لكن الانسان المحترم بيبان من اول لقاء ربنا يرجمه ويجعل مثواه الجنه

35-ماذا يمثل لك الموت ؟
الحساب الثواب والعقاب الانقطاع عن كل الناس الاعداء والاحباب

36-اوصف نفسك كما تراها؟!
التائه

36- صف نفسك بكلمات بسيطة كما يراك الناس ؟؟؟؟
محبوب مرح الى حد ما يخفى حزنه فى قلبه ولكن عينيه تفضحه بيحب كل الناس وبيحاول جاهدا ادخال السعاده للناس سواء يعرفهم او لأ ( هما بأه يقولولك عالياقى )

37- ايه اكتر شىء بيشدك للبنت اللى قدامك؟؟
عنيها( وخصوصا العين السمره جدا والعسلى )

38-اكتر العيوب اللى شايفها ف نفسك ( عاوزه 5 كدا يعنى ههههههههههههه)
ههههههههههه والله العيوب مينفعش انا اللى اقولها اللى حوليا هما اللى يقولو بس انا عرفت ان فيا عيب وهوا النرفزه انا فعلا نرفوز شويه ولكن على الحق لما الموضوع يستاهل
39-ا يه اكتر موقف محرج اتعرضتيله ؟؟؟؟؟؟؟؟؟
لما اتطردت من محاضره الدكتور الوصيفى علشام كنت بكلم بنات زمايلى وقالى كنت بتكلم مين ؟؟؟؟ طبعا الحمد لله مقلتش عليهم وكان الجزاء الطرد من المحاضره
كنت محرج جدا ودى اول محاضره اتطرد فيها



امممممممممممممممممممممممم

يا ترى يا دودو كفايه كدا ولا تسالى كمان
اممممم براحتك

تيب


يلا جاااااااااااااااوب
حاااااضر

على ما افكر
فكرى بس متفكريش اوى
هههههههه