كلمة فى كتاب .. إهداء إلى دفعتى العزيزة

[ندعوك للتسجيل في المنتدى أو التعريف بنفسك لمعاينة هذه الصورة]

لا تنظر خلفك

واخرج من هذا الباب

خذ معك منى .. ذكرى

وكلمة فى كتاب

لحظات تفصل بين كوننا أصحاب

كنا نلتقى بالأحضان كالأحباب

والآن حان الفراق ..

فلا تسأل عن الأسباب

إنها يا عزيزى إرادة القدر

فتحدى بالذكرى إرادة القدر

تذكر ليالى الصيف وأيام المطر

كنا لا نطيق الانتظار ..

وكنا ننتظر

كنت لا تسأل ويأتى الجواب

فلا تسأل الآن عن الأسباب

واذهب بعيداً إلى عالم جديد

إلى حيث تلقى طريقاً جديد

صديقاً جديد

إلى سعادةٍ .. إلى هناءٍ

إلى عمرٍ مديد

فأنت مهما ابتعدت عنى سعيد

ورجوعك إلىّ فيه العذاب

فلا تسأل الآن عن الأسباب

سنلتقى يوماً بالأشواق البارده

أين حرارة يدك فى السلام ..

أين ضمة صدرك وحلو الكلام ..

إنها يا عزيزى القاعده

ستبكى عيوننا الآن وما الفائده

إن كنا قريباً نصبح أغراب

فلماذا تسأل عن الأسباب

وقبل أن تخرج من هذا الباب

احسب لحظاتنا الجميله ..

إن كنت تجيد الحساب

وقبل أن تخرج من هذا الباب

خذ معك منى .. ذكرى

وكلمة فى كتاب

......

بقلمى ..

ساهر بحد كلامك جميل ومش عارف اقولك ايه

بس بيزعلني اوي كل ما افتكر اني مش هاشوف زمايلي تاني

الا قليل جداوربنا يارب يخليك لينا بس انت طبعا اكيد هاشوفك يا أخي

سمير حبيبك

إن لم تكن أنت من يقف بجواري
فلا أصحاب ولا أحباب
إن ضاعت أيام شبابي
ولم أخرج منها بحبيب
إن عزعلي قلبي
ونساني في زحام الدنيا
فلا أصحب ولا أحباب
ضاق صدري عندما
تذكرت إنه ليس غير الفراق
فعاهدني يا صديقي أن...
لن تنسيك الأيام وجهي
لن تبعدك الأيام عني
لن تبرد يداك عند مصافحتي
صدرك سيظل
ملجئي عند الصراخ
أما عني فلن انساك
لن أدعك ترحل من يدي
لن أقول وداعا حبيبي
صديقي لأننا دوما سنلتقي
سأحكي لأطفالي عنك
سأروي لاحفادي حياتي
لك من تحياتي وقبلاتي
سأشتاق إليك ألي حديثك
إلي رأيك إلي كل ما فيك
لن أقول وداعا صديقي

معلش يا ساهر هية الايام كدة بس يا ريت منساش بعض
لك من تحياتي وقبلاتي
سأشتاق اليك الي حديثك
الي رأيك الي كل ما فيك
لن اقول وداعا صديقي

كلمات جميلة يا ساهر

ان شاء الله هنفضل اصحاب طووووول العمر

سنلتقى يوماً بالأشواق البارده
أين حرارة يدك فى السلام ..
أين ضمة صدرك وحلو الكلام ..
إنها يا عزيزى القاعده
ستبكى عيوننا الآن وما الفائده
إن كنا قريباً نصبح أغراب
فلماذا تسأل عن الأسباب

فعلا انت موهوب والله يا ساهر
وتستحق وسام على كلاماتك دى
وايام لن تنسى
واصحاب لن تنسى
وسنظل عمرنا على اتصال
اشكرك يا حبى

وقبل أن تخرج من هذا الباب
احسب لحظاتنا الجميله ..
إن كنت تجيد الحساب
وقبل أن تخرج من هذا الباب
خذ معك منى .. ذكرى
وكلمة فى كتاب

معلش يا حبى هرد تانى عندى تعليق على الحتة دى
الحتة دى فعلا بترمز لحاجات كتير اوى
انا لو قعدت اعد اللحظات الجميلة اللى انا قضتها فى الكلية عمر ما ذاكرتى هتقدر تحسبها
ولا كلماتى تسطيع الوفاء بحقها وستنفذ احبار اقلامى
ان لى ذكريات فى كل شبر فيها
وفعلا هناك معى ذكرى من كل شخص فيها

تسلم يا ساهر

والمثل بيقول
عااااااااشر يابن ادم مهما تعاشر مسيرك مفارق
ولن تبقى غير الذكرى

حاسة ان وجودى فى الموضوع ده صعب شوية
بس بجد الكل هيوحشنى حتى لو عمرى مكلمت ولد فى الكلية بس انا وجودى وسطهم كان بيبسطنى جدا وبحس انى وسط اخواتى عمرى مخوفت منهم
بس انا متأكدة ان الشباب ممكن اوى يفضلوا مع بعض لكن البنات أعتقد مش هيحصل
المهم ربنا يوفق الجميع

سمير

شكرا ليك يا حوبى وعلى كلامك ورأيك الجميل دا

عوبد

رأيك وردك متميز بكل معانى الكلمه

وربنا يديم علينا الصداقه والحب والود حتى بعد الدراسه

سيد

شكرا ليك يا معلم على مرورك ورأيك وربنا يديم صداقتنا يارب

بلال

منور يا حوبى التوبيك كالعاده

وبجد رأيك دا بيحرجنى .. وفعلا لينا ذكريات فى كل شبر فى الكليه والجامعه عامة

كانت أيام جميله وأحلى أصحاب وزمايل والله

سمسم

دايما منور توبيكاتى والقسم والمنتدى كله

وجبت الخلاصه والله ..

هبه

مش فاهم يعنى ايه وجودك صعب فى التوبيك ؟َََ!

على فكره انا كاتب الكلام دا للدفعه كلها مش للشباب بس

والله انا بعتز جدا ببنات دفعتنا وبحترمهم وبجد مشوفتش زيهم فى دفعات تانيه

يعنى عامة كل دفعتنا شباب وبنات ما شاء الله فيهم ميزات خاصه عن اى دفعه

ونهاية الدراسه دا موضوع مأثر فيا جدا

عشان كدا بقول فى التوبيك وحريص ان يفضل بينا ذكرى حلوه

وشكرا ليكم جميعا يا شباب .. ويارب نفضل فاكرين بعض

والآن حان الفراق
فلا تسأل عن الأسباب

.
.
.
.

كلامك جميل كالعاده
وفعلا مش حسينا بيقمه بعض غير متأخر
مشكور يا ساهر

كلك زوق يا ساهر
أكيد انت تقصد الدفعة كلها بس يمكن أنا حسيت إن الكلام موجه للشباب فحسيت بالإحراج لمشاركتى فيه بس حصل خير

بجد اكثر من راااااااااااااااائع

الكلمات اثرت في جدا جدا وفعلا زعلت اوى اوى اوى لانى فعلا مبدأتش احب الكليه الا في الاخر بس هي كده الدنيا بعد متفرحنا تزعلنا

وفعلا زي مقلت

سنلتقى يوماً بالأشواق البارده
أين حرارة يدك فى السلام ..
أين ضمة صدرك وحلو الكلام ..
إنها يا عزيزى القاعده
ستبكى عيوننا الآن وما الفائده
إن كنا قريباً نصبح أغراب
فلماذا تسأل عن الأسباب

للاسف هذه هى الحقيقه المره فعلا عمر الصداقه مهتكون زي الاول الا لاشخاص قليله جدا
فعلا انا حزينه جدا لدرجه البكاء لفراق كليتى واساتذتى واصحابى
ياريت الايام ترجع لوره وانا اعيش كل لحضه فيها
شـــــــــــــكرااااااااااااااااااااااااااااااااااااااااااااااااا جــــــــداااااااااااااااااااااااااااااااااا
لهذه الكلمات الاكثر من رائعه

همسه

والله فعلا عندك حق مش حسينا بقيمة أى حاجه الا متأخر

شكرا على مرورك نورتى

هبه

نورتى مره تانيه وزى ما قولتلك والله الموضوع للدفعه كلها

لاننا عشرة اربع سنين وزمايل واخوات شباب وبنات

النور

شكرا على مرورك يا نور ورأيك الجميل دا

بس هنعمل ايه هو دا طبع الدنيا اننا نفترق

وهو دا طبع الناس التغيير

ولازم نتقبل كل الحالات .. نورتى

بجد يا ساهر كلمات جميلة جدا وفعلا لو اى حد قراها يحس بيها وخاصة السنة دى لانى بعتبرها اجمل سنة مرت عليا فى الجامعة هى صحيح ايام قليلة بس فعلا مفيش حاجة بتفضل على حالها واكيد دايما هتذكر كل اصحابى وزمايلى بعد كدة واقول لو يوم واحد بس يرجع من ايامهم بس اتمنى انى اسمع عنهم كل خير ان شاء الله وربنا يوفقهم فى مشوارهم وايامهم الجاية باذن الله

بجد يا ساهر كلماتك صعبة جدا
وانا مش هقولك انى مش حسيتها
لا حسيتها جدا السنة دى
اوى اوى
ويمكن انت عارف
بس بجد
الفراق بيبقى صعب
خصوصا مع ناس انت عاشرتهم وقضيت معاهم احلى ايامك
وكانوا معاك ف اصعب اوقاتك
يارب يديم المحبة بينك وبين كل الناس
وبينى وبينك
وبجد بجد انا سعيد جدا جدا جدا بمعرفتى بيك انت وبلال
ولكم منى كل الاحترام
ويارب دايما اشوفكم بخير واوعى تنسانى

Mido كتب:: بجد يا ساهر كلماتك صعبة جدا
وانا مش هقولك انى مش حسيتها
لا حسيتها جدا السنة دى
اوى اوى
ويمكن انت عارف
بس بجد
الفراق بيبقى صعب
خصوصا مع ناس انت عاشرتهم وقضيت معاهم احلى ايامك
وكانوا معاك ف اصعب اوقاتك
يارب يديم المحبة بينك وبين كل الناس
وبينى وبينك
وبجد بجد انا سعيد جدا جدا جدا بمعرفتى بيك انت وبلال
ولكم منى كل الاحترام
ويارب دايما اشوفكم بخير واوعى تنسانى

ننساك ننساك ازاى يا ميدو

بامانة انت من الناس اللى عرفتهم من المنتدى وبعزهم جدا
فعلا انسان طيب ومحترم
انا معاك يا حبى
اشكرك على الكلام الجميل ده

واسيب ساهر يرد كمان عليك ويوضع من ورائى احلى الكلمات اليك

اكثر من رائع ياحبي جميل جدا احساس عال ومرتفع.

هبه

فعلا والله السنادى كانت من اجمل السنين

بس فاتت بسرعه اوى مش عارف ليه

وإن شاء الله فى بينا ذكرى ومش هننسى بعض

ميدو

ربنا يخليك يا ميدو

وشكرا على كلامك الجميل دا

وهقولك على سر وربنا وحده الله يعلم

انتا غير اى حد عرفته فى المنتدى وشوفتو فى الكليه

انا حاسس انى اعرفك قبل كدا والله وربنا يديم المعروف بينا يامعلم

تسلم يا بلال
وربنا يخليك يا ساهر
وانا اكتر والله بعزكم جدا
وربنا وحده اللى يعمل
بالتوفيق دايما ان شاء الله للجميع

بلال .. محمد .. ميدو

شكرا ليكم على تعليقاتكم ومتابعتكم

وربنا يديم المعروف بينا يارب

انا من كتر اعجابى بالقصيدة دى كل يوم بقرأها تقريبا

وعلشان كدة كتبت كلمتين فى حق ساهر

يارب يعجبوة

قرأت من الشعر على مدار أعوام

لم أر وصف بمثل هذا الهيام

قرأته مرات ومرات لمدة ايام

فقررت ان اعلن عن عذب الكلام

فلم اجد كلمات ولا اقلام

توصف اعجابى بمثل هذا الانسان

الى ساهر صديقى

ايه دا يا بلال الكلام الروعه دا

بجد انا اقل منه بكتير ولا استاهلو يا معلم

ربنا يخليك ليا يارب ويديم صداقتنا يارب

مش عارف اقولك ايه والله .. تسلم يا حوبى

فكرة انك تشبه فراق الكلية كانه فراق حبيب او صديق ... خلي شكل القصيدة

فوق الرائع .. انت بتخليني احس اني مبسووووطة اوووووووووووووي

لما بقرا كلامك ... بحس ان الوقت وقف و انا سرحانة بين سطور شعرك ... و ببقي

عايزاه يفضل واقف علي طول بجد ...

و الله مالا قية حاجة اقولها غير ربنا يحميك بجد ... و يسلم احلي قلم و احلي احساس

قدر يكتب الكلام ده ..

ردك جميل اوى يا ايمى

وفهمتى الكلام بشكل تانى مختلف أحييكى عليه

شكرا ليكى يا جميل ودايما منور توبيكاتى

تسلم

يا غالى

» قالها طبيب السماء كلمة أرحم من كلمة طبيب الأرض
» الى زوجتي العزيزة ( بخصوص كأس العالم )
» أتشرف بوجودي بين إخواني من الكلية العزيزة جدا علي قلبي
» كتاب الله‏
» محتاجه كتاب لو سمحتوا