من حقنا نبقى احسن مش كده ؟؟؟؟؟؟؟(كله يخش) ارجو التئبيت !!!!!!!

الحياه صعبه محدش قال حاجه
ظروفنا صعبه وبرضه محدش قال حاجه

بس لما نبقى مش فاهمين حاجه فى حياتنا ............
او حتى مش عارفين ايه هو هدفنا .....................


يبقى الغلط فينا احنا

هنقول ظروف مجتمع........
هنقول احنا اتربينا كده ........
هنقول مصر معدش فيها حاجه نفضل عشانها ولازم نهج ونسيبها .............

تفتكروا يبقى العيب فينا ولا فى مصر ؟؟؟؟؟؟؟؟؟؟؟؟؟؟؟؟؟؟

تفتكروا بجد مين الغلطان ؟؟؟؟؟

مصر هى اللى خلتنا سلبيين ولا احنا وبتصرفتنا بقينا منستاهلش حتى نعيش ى مصر ؟؟؟؟؟؟


ليه بقا تفكير الولد فى البنت انها بقت تافهه وان انا اقضى معاها وقت والسلام ؟
وليه بقا تفكير البنت فى الولد انه هايف وكل اللى يهمه الجيل ويسقط البنطلون ؟

احنا ليه بقينا كده
بجد ليه بقينا كده ؟؟؟؟؟؟؟؟؟؟؟؟؟؟
انا مش هقول ايه كمان سلبيات المجتمع هى كتير واحنا عارفينها بس انا زهقت واللى زهقوا برضه كتير




يبقى احنا اكيد من حقنا حياااااااااااه افضل ومن حقنا نحترم نفسنا اكتر ومن حقنا اننا نشتغل ونفكر بعقلنا شويه ونشوف احنا عاوزين ايه ونسعى ان احنا نحققه


انا طرحت الموضوع للمناقشه

واكيد كل المنتدى هيحب يشااااااارك ؟؟؟؟؟؟

عارف يابندق
انا بجد لاول مرة اقرأ موضوع فى المنتدى ده وانا فخورة انى بقرأه
اول مرة بجد احس ان منتدانا بقى له هدف ورسالة
بجد تسلم ايدك
احنا لما كنا بتناقش فى الموضوع ده علىا لشات قلنا كلام كتير قوى
بس دلوقتى مادام بقى توبيك ورود هحاول اجمع الكلام كله بشكل مرتب وارجع تانى

بس قبل ما امشى عايزة اسأل كل عضو هنا سؤال واحد وعايزة الاجابة صريحة على الاقل صريح مع نفسك
شايف نفسك خير اجناد الارض زى ما رسولنا قال على شباب مصر وجنودها؟

اولا

الموضوع جميل اوى

ولو فضلنا طول العمر نتكلم والله صعب برده نوصل للى احنا عايزينه

ثانيا بص يابندق حكاية العيب فينا ولا فى مصر دى متنساش ان احنا شعبها يعنى احنا اللى عملناها وان كنت وحشه فااحنا السبب لان الكل دلوقتى يهمه نفسه وبس ونسى اننا كلنا اخوات فى الدين ولينا حقوق وواجبات على بعض

وللاسف انك لوشفت دلوقتى ندوه او حتى خطبه ان ماكنش فيها مصلحه شخصيه يبقى مجرد كلام بيتقال الغرض منه الشهره وبس

والمشكله كمان ان احنا كل اللى بنعمله دلوقتى اننا بنقلد الغرب وبس وياريت بنقلده فى تفكيره العلمى وتقدمه
لكن للاسف احنا بناخد المساوء ونعملها

وفى الاخر مقدرش اقول ان انت ولا حتى انا هنقدر نغير مجتمع بااكلمه

لكن لو كل واحد بدا مع نفسه صدقنى هنقدر نغير غيرنا من كلام ولا خطب ولا ندوات

لان اللى حواليك لو شافوا تغيرك ده وشافوا طريقة تفكيرك من اسلوبك وكلامك معاهم من غير ماتقعد تنصح فيهم وتقلهم اعملوا كذا ومتعملوش كذا صدقنى هما بنفسهم هيبقى نفسهم يبقوا زيك
فاانا بتمنى ان كل واحد يغير من نفسه الاول

وفى الاخر انا اسفه انى طولت عليكم

والله العظيم يا جماعه انا شايف فعلا الحل بايدنا احنا

ربنا قال ان الله لا يغير ما بقوم حتى يغيروا ما بانفسهم

احنا ليه مش بنبدا بنفسنا احنا

ليه دايما بنقول (وانا مالى ) ليه الكلمه دى دخلت مجتمعنا

ليه بقت كل حاجه صعب نعملها

ليه بقينا كده

طيب ما احنا لو قلنا السبب فى التعليم ماهو برضه الشخصيه دى مش ناتجه من المدرسه بس

الشخصيه دى ناتج من عوامل بيئيه واسريه دا غير الوراثه

وكمان اتجحاهاتنا وقيمنا احنا

انا علم نفس وفاهم الكلام دا

حد يرد عليا حد يقولى احنا ليه فعلا بقينا كده

بجد انا بحترم كلامك جدا وبحس انك فاهم الدنيا صح

بس انا برضه عاتب عليك فى حاجه

انك دايما بتقول اننا شعب تافه وساذج
طيب ماشى انا معاك ان احنا فعلا كده بس انت برضه بتقول المشكله ومفيش حل

وهى دى المشكله عاوزين حل

اممممممممم عبدالرحمن زى مامحمود قال
يمكن شعبنا عايش دور التافه
بس الشعب ده دايما زى الجمر اللى مغطياه الرماد محتاج حد يحركه عشان يثور تانى ويشتعل
المشكلة اننا دايما محتاجين حرب وظروف قاسية عشان نجمد ونتحرك



ولنا عودة

انا معترضتش والله انا عارف كل اللى انت بتقوله دا

بس انا بتكلم عاوزين نغير من نفسنا ودا هدفى من التوبيك

مينفعش نبقى شايفين نفسنا كده ونسكت

بجد حاجه تغيييظ

عندى فكرة



راجعة تانى هرتبها بس واشوف لو ممكن

أوك يا همس

براحتك خالص بس نوصل لحل كلنا مع بعض

السلام عليكم
احنا اتفقنا ان سبب اللى احنا فيه وبلدنا فيه هو اهمالنا للجانب الاخلاقى قبل الدينى
لان فى ناس بتصلى وحافظة قرأن لكن اخلاقها مع الناس وحشة

انا بس عايزة ااقول كلام ممكن يوجعنا بس للاسف هو ده الحقيقة
نرجع بالذاكرة ل1400سنة ورا ونشوف المشاهد دى سوا
بعثة النبى ....مكة غرقانة جهل ووثنية ....النبى .....ناس اغنياء قوى ...ناس فقيرة قوى....عبيد ......زنا وسرقة ووأد بنات .....المراة زى الكرسى تورث لورثة زوجها لو مات
صراعات قبليه...وقتل ونهب.........ياه دى حاجات كتيرة قوى

لما الدعوة نزلت الرسول اختار ناس معينة قالهم ...فاكيرن اختار مين السيدة خديجة ....ابوبكر...زيد بن حارثة .....على بن ابى طالب (كان عنده10سنوات )...
عارفين اختار مين؟ اختار الناس اللى اخلاقها عالية وناجحين فى حياتهم ماختارش حد فاشل
اختار رجالة يشيلوا رسالة ومتخفش ....يابنات متزعلوش دى اول مسلمة كانت السيدة خديجة
ارفعى رأسك وافتخرى .......
هسأل سؤال بس بالله عليك خليك صريح لو كنت موجود فى زمن الدعوة ....كان هيختارك معاه عشان تشيل رسالته؟

موقفين كمان صغيرين قوى
سيدنا ابو بكر اول ما اسلم عارفين كان عنده ايه عن الاسلام...بضعة ايات من القرأن وبس
واول ما اسلم جاب للاسلام ستة من العشرة المبشرين بالجنة منهم(سعد بن ابى وقاص-عبدالرحمن بن عوف-عثمان بن عفان-طلحة بن عبيد الله ....)

الحاجاة التانية ...سيدنا عمر بن الخطاب...فاكرين عداوته للاسلام؟ فاكرين قصته اسلامه؟ ده كان شايل السيف ورايح يقتل محمد صلى الله عليه وسلم ....عارفين بعد ما اسلم بدقيقة واحدة _ومكنش يعرف عن الاسلام غير اشهد ان لا اله الا الله وان محمد رسول الله_عارفين قال ايه؟
قال يارسول الله او لسنا على الحق؟ الرسول قال له نعم ...قال عمر وهم على باطل ...قال ايوة
فيما معناه رد سيدنا عمر وقال وليه نستخبى ووقف المسلمين فى صفين الاول عيله حمزة والتانى عليه عمر ...وخرجوا مشيوا فى مكة وطافوا بالكعبة وصلوا هناك لاول مرة
يااااااااااااااااااه شفت عمر بن الخطاب؟
سؤال بقى ........]اللى عندك عن الاسلام دلوقتى من معلومات وقران كامل اكتر من اللى كان عند عمر وابوبكر رضى الله عنهما لما عملوا الموقفين دول..انت بقالك 20سنة مسلم

تقدر تقولى عملت ايه؟
الكلام ليا وليكم ....عارفين هما عملوا كده ليه ...كان عندهم قلب نابض بالاسلام ..قلب تقى بيخاف ربنا كان عندهم [size=24]رسالة وايجابية

طيب ياهمس ايه علافة ده بموضوعنا ؟!!!!!!
هقول اهو احنا نرجع لسنة النبى وسيرته ونمشى على خطاه ونعرف كان ازاى بيتصرف فى الموقف نعرف ازاى كان اب وزوج ومعلم وقائد .....نقرأ السيرة نسمعها
فكرتى ان انا عندى حلقات برنامج على خطى الحبيب وبجد جايبة السيرة بشكل هايل ورائع
كل يوم او كل يوم ويوم ننزل حلقة على المنتدى ونسمعها ونتعلم منها وفى الاخر نرجع كلنا نقول استفدنا ايه زنحكى احنا مواقف جديدة...............يمكن نتعلم
موافقين؟

بجد يا همس كلامك جمييل اوى وجلتى امثله حلوه اوىىىىىىىىىىى

وخلاص كلنا معاكى ان شاء الله

يبقى احنا اكيد من حقنا حياااااااااااه افضل ومن حقنا نحترم نفسنا اكتر ومن حقنا اننا نشتغل ونفكر بعقلنا شويه ونشوف احنا عاوزين ايه ونسعى ان احنا نحققه



بجد يا بندق موضوع من اجمل مواضيع المنتدي
واللي العيب من اللي قبلنا اللي سابوا البلد ترجع 100 سنه لورا
ومننا لاننا عاوزين البلد تبقي احسن بلد من غير ما نتعب
وربنا معانا ونفوق

على فكرة يا عبدالرحمن
الموضوع والله انا مش نسيته انا بس مستنية الامتحانات تخلص
عشان كله يبقى متابع وميبقاش فى حجج
بندق لو ينفع اشوفك واديك السىديهات بتاعت البرامج تنزلها عندك وتجيبها تانى
عشان لو انا حصلت ظروف منعتنى من الدخول انت تكون متابع ومكمل
لو ممكن رد عليا على الخاص او هنا