اجوجو جالكوا خبوا عيالكوا

مقدمة :

هنيئا للأخوة الزمالكاوية بأجوجو

وعليه العوض فيك يا أهلي جالك الموت

ايها السادة
ايتها الجماهير العريضة !

ايتها الجماهير العريضة !

وصل اليكم : اجوجو ! اجوجو جالكوا خبوا عيالكوا Welcomeani

وهو لاعب ضخم شديد الضخامة , حفظه الله , يحميك لشبابك يا ابنى , ربنا يخليلك ترابيسك !

اجوجو سوف يحل مشكلة الدفاع فى الزمالك
ليس هذا فقط بل ان (اجوجو ) سيحل مشكلة الوسط و الباك ديفيندر !
ليس هذا فقط بل ايضا مشكلة الهجوم !
بل مشكلة الاهداف !
بل مشكلة الجماهير كمان !

مثلا لو كان فى ماتش شيكابالا اللى شتمت فيه جماهير اهلاوية شيكابالا
لو كان اجوجو موجود لما اضطر شيكابالا للرد و العصبية بغضب

لو كان اجوجو واقف بجواره مع شيكابالا لحدث الاتى

شيكابالا حزين فيقترب منه اجوجو قائلا :

- مالك يا شيكابالا يا خويا !
- ابدا انت مش سامع الجماهير عمالة تشتمنى !

هنا يلتفت ( اجوجو ) غاضبا نحو الجماهير و يقترب منها ببطء بحجمه العملاق
و ييجى كده عند الجماهير ...
فالجماهير تتخض بقى
لما تلاقى الدنيا اظلمت فجأة
و بعدين يكتشفوا انه ظل اجوجو
( اسم النبى حارسه و صاينه ) عليهم !
و ان اللى شايفينه على مستوى نظرهم ده عبارة عن ركب بنى آدم !

فيقترب منهم اجوجو - بحجمه الضخم الاسطورى العملاق ! طول ابراج الاضاءة كده ! مميلا اذنه ناحيتهم قائلا بصوت جهورى :
- فيه حاجة ؟
- ابدا ياباشا ! بس ممكن شوية عشان الهوا !

فيصرخ بهم قائلا :

- this

is

spartaaaaaaaaa !!!

قبل ان ينفخهم فيطيرون فى الهواء ... كأنه نفخ فى رماد سجائر فى طفاية مثلا

ياولدى هذا عمك اجوجو !

* مع اجوجو لن يلعب الزمالك بالتشكيل المكانى المعتاد
( 4- 2- 4 ) و الهبل ده !
لا !
مع اجوجو سيلعبون بالتشكيل الزمنى

ازاى ؟
يعنى اول الماتش اجوجو يكون فى الدفاع
فتتكسر على صدره سيوف الاهلى و ضرباتهم و قذائفهم

بعد عشر دقائق من الماتش ندفع باجوجو للامام قليلا كى يشعر لاعبو الاهلى بالضغط عليهم

اى ينتقل اجوجو من الدفاع الى الوسط

على نهاية الماتش بقى نخلص عليهم باننا ندفع اجوجو الى الامام فيدب الذعر فى صفوف الاهلى و يتفرق دمهم بين القبائل
بينما اجوجو ينهال عليهم بالاهداف

اجوجو سيمشى لاعبوا الزمالك بجواره فى شوارع ميت عقبة وهم يغنون :
( مين يعادينا هى هى ! فى اراضينا ها ها ! مين يعادينا هو هو ! )

اجوجو نفسه سوف يغنى
( وسع ! وسع ! وسع ! ده انا ازق الطارة و اضرب ميت بمبة !
ده انا الاسطى اجوجو من درب شكمبة ! )
جاى من غانا ؟ يا حلاوتك !

اجوجو له جسم عرييييييييييض كجسم الديناصور فى افلام جواريسك بارك الشهيرة
اجوجو لاعب لن تلد الملاعب مثله ! ولن تستطيع الملاعب ان تلد مثله اصلا !

ان حجم كرة القدم التى يلعب بها اللاعبون هو حجم صغير على اقدام اجوجو ! حجم هذه الكرة مقارنة باصابع قدم اجوجو هو كحجم بلية امام اصابع قدمك انت !

حفظ الله اجوجو !

اجوجو ؟
يا سلام !

قال لى احدهم - وهو يقسم على ذلك - :
- انه رأى اجوجو فى احدى الماتشات الاوروبية , راى اجوجو يلعب فى الماتش و بعد ان احرز اجوجو هدفا رائعا فى مرمى الفريق المنافس , اخذ يجرى وهو يحتفل و خلع فانلته كعادة اللاعبين هناك و شاهد الناس صدر اجوجو و عضلاته و فوجئوا ان عضلات صدر ليست مربعين ( كالشائع لدى باقى البشر ) بل اربع مربعات !!!!!!!!!!

يعنى اجوجو يا جماعة 4 باى فور !

و( اجوجو ) لمن لا يعلم هو لاعب كان يلعب فى الادغال - هكذا يحكون - و اصطادوه برمى الشباك الحديدية , نعم فهو وحش لا يرحم , اسد جبار , اعصار هصور لا يبق و لا يذر

هذا لاعب لا يقف امامه انس و لا جان !

يشق طريقه نحو المرمى و ينهال عليه بالاجوان !

هذه الواقعة ستحدث فى المستقبل :
( على اعتبار ما سيكون مستقبلا بعد انضمام اجوجو للزمالك )

حدثت هذه الحادثة فى احدى ماتشات الدورى المصرى

ابو تريكة كان بيلعب و فجأة قابل حازم امام فى الملعب فسئله وهو يأخذ الكورة ناظرا للملعب :
- امال فين اجوجو ؟ هو ما جاش معاكوا ليه النهاردة ؟

فقال له حازم امام وهو يرفع اصبعه محذرا امام فمه , هامسا :
- هسسسس ! اسكت ! وطى صوتك ! احنا دلوقت فوق راس ( اجوجو ) !!!!!!!!!!

و الحقيقة ان اجوجو هو فى الاصل من سلالة يأجوجو و مأجوجو !

ده حتى اسمه اسم الدلع بتاعه اجوجو
هو اختصارا لاسمه فى الشهادة ( يأجوجو ) !
( ياجوجو عبد الجبار ياجوجو ! )

ولمن لا يعلم :
اجوجو لم تلده امه ! اجوجو قشروا امه علشان يطلعوه من جوه !

على رأى الدكتور مصطفى محمود فى العلم و الايمان :
اجوجو ده كائن عجيب ! حاجة غير طبيعية ! شوف ! شوف ! سبحااااااان الله !

اجوجو الان يثير مشكلة فى الزمالك , بخصوص الملابس مثلا , من اين سيأتون له بفانلة لها وسع الجلابية ؟ ده غير مشكلة المياه التى يشربها اجوجو
وقيل ان ممدوح عباس سيتعاقد مع شركة مياه معدنية لتوريد ناقلة يوميا للنادى لتوفير احتياجات ( اجوجو ) اليومية من المياه على الاقل

اما بخصوص الغذاء و الطعام فمؤكد ان ( اجوجو ) لن يجلس على طبلية الغداء مع غيره من لاعبى الزمالك !!!!!!!!!!

بل مؤكد سيتم توفير طبلية مستقلة بذاتها !!!!!!!!

و اجوجو ده يا جماعة على رأى ( سعيد صالح ) عندما تراه لا تنظر اليه بل تنظر الى اعلى لعلك تعرف تجيب اخره

تقول الاسطورة انه فى بداية احد ماتشات الاهلى و الزمالك وقف الفريقان متجاورين و وقف اجوجو بينهم !

كان اجوجو واقف كده هوه
و وبركات على يمينه
و جمال حمزة على شماله

فسأل بركوتة( مذهولا ) جمال حمزة مشيرا الى اجوجو
( اللى واقف بينهم ) :
- مين ده ؟
- ده الليل و آخره !!!!!!!! لا ! ده الليل بطوله !

هذا لاعب ضخم بل
يبالغ البعض قائلين انه لاعب لا تسعه الارض و لا كوكب الارض !

اجوجو عندما يرفع صباعه عاليا يخرم الاوزون !

اجوجو اذا رفع كفه الى السماء اثناء المباراة
يحجب الشمس عن الفريق المنافس !

(اجوجو ) اجوجو ! اجوجو !
من لها مثل اجوجو ؟

حفظ الله اجوجو !

خبر عاجل :

تم تغيير القسم الرسمى للزمالك بعد انضمام اجوجو ليتغير الى :

الله ...

الزمالك

... آجوجو !

وشكرا !

هههههههههه
تسلم يا بندق على المجهود بس انت بتكره الزمالك ليه كده

هههههههههههههههههههههههههههههههههه

انا اهلاوى وافتخر

ههههههههههههههههههههههههههههههههههههههههههه

جميل يا بندق
لكن بلاش عصبية

زائر

ههههههه جميل يا بندق

ههههههههههههههههههههه هايل يا بندق

شكراااااااااااا لمروركم كلكم