كلمات مسروقة من دفتر طفـــل ,,,,

السلام عليكم ورحمة الله وبركاته ...

هذه كلمات وجدة في دفتر طفل كتبها بعامية اللغه..ودهشة السؤال؟
.
.
.
.
.
.
.
.
.
السبت:فتحت عيوني..أدور عن نور..أمروني:<غمض>..و...غمضت..بعدها ما شفت لا

ابيض ولا اسود!

الأحد:كنت أسمعهم يقولو!<يا حمار>,<يا حيوان>, <يا ثور>,<يا

بقرة>,<يا لوح>,<يا جدار>...فتوقعت اني في حديقة حيوانات..فتحت عيوني عايز
اشوف(الحيوانات) دي..قالوا لي:"ما يصحش تشوف قلة أدب"..سألتهم:طيب..في عصفور؟؟

صرخوا في وشي : اسمع الكلام وغمض ونام

الاثنين:سمحوا لي اشوف التلفزيون..كنتلوحدي منسجم مع أفلام كرتون..دخلت

امي..وكان ابو عائلة ادمز(يبوس) أمهم..جريت امي ..غيرت القناة..وصرخت بأعلى

صوتها.."عيب عليك..قاعد تشوف قلة أدب..!!"بصيت لها بكل براءه وانا متعجب من اللي

حصل:"طيب حصل ايه ابوهم يبوس أمهم!.."قالت لي وهي متعصبه اوي

(البوس..قلة حياء!!)

بعدها بأسبوع..شفت امي تسلم على ام الجيران و(تبوووووسها)..قلت لها وانا كلي

أسى"يا ماما..البوس قلة حياء!!.."

الثلاثاء:كانوا بنات خالتي عندنا..وكنت الولد الوحيد اللي يلعب معهم..وبابا بس بيبصلي

كل ما رحت وجيت..بعد ما روحوا..ناداني بابا وقال:"عيب الواحد

يجلس مع بنات..قلة أدب..!"

بعدها بكام يوم..كان بابا جالس مع عماتي..بصيتله بطرف عين(وعايزين الحق كنت بحقد

عليه)..وقلت له:"اللي يجلس مع بنات..قليل أدب!!"

الأربعاء:كنت اسمعهم يقولو(صدام قوي)..وأعجبني...بعد الأزمه..قالوا(حرامي

ومجرم)..سألتهم:ازاي؟؟!!..قالوا:"حرامي ومجرم..وبس..واسكت..!"

وكنت أسمعهم بعد يقولون (جيم كاري..فاسد)..فكرهته على طول..وكانوا يشوفوا

أفلامه..ويضحكوووا..كنت أسألهم"ليه بتضحكوا؟!..مش بتقولوا انه فاسد"...قالوا..اسكت

الخميس:بابا بيقول<االتدخين>حرام.. واللي يدخن يدخل النار..وفي يوم شفته
قاعد مع صديقه أبو احمد..وأبو احمد ماسك السيجاره بايده..وقفت وسألت بابا""طيب

اللي يقعد مع اللي يدخنو..يدخل النار كمان؟!!!"

الجمعة:بأسمعهم يقولو..ان اللي يطول في مكالمته بيدلع..واللي يروح للسوق

بيدلع..واللي يعرف انترنت بيدلع...وامي تطول على التلفون,,وتروح للسوق,,وتقعد

على الكمبيوتر..رحت لبابا وانا مصدووووم::"بابا الحق.. ماما بتتدلع!!!!

للاسف دي صور من المجتمع

ينهون عن فعل ويأتوا بمثله ..

ولي سؤال .....

ايه رايكم في المجتمع ده عندما يربي مثل هذي التربيه ..؟؟ ننهاهم عن فعل نحن نقوم به ..؟؟

اخطر حاجه ف تربيه الاطفال ان احنا مش بجاوب ع اسئلتهم صح وبلف وبندور ونقول بكره يكبروا ويعرفوا والحوار بين الاسره يكاد معدوم ده غير الشخط والغظب والشتيمه و.....................................

شكرا حلوه اوى

شكرا ليكى يا جميله على ردك الجميل دا
تسلمى

فعلا من أخطر المشكلات ال بتواجهنا في ترية الطفل

هى التذبذب في المعامله بأن نثنى عليه في سلوك وبعدها نعاقبه على نفس هذا السلوك

فينشأ الطفل وليس لديه قدره على التمييز بين الثواب والخطأ ولا يثق فيمن يكبره

بجد موضوع مهم وطريقة عرضه شيقه

تحياتى

اشكرك يا ياسمينا على ردك الجميل
وتعليقك الاكثر من رائع
تسلمى

زائر

والله لو حد عمل كده مع ابنه ابنه هيطلع معقد ومتخلف كمان
ده جهل والله ايه ده ؟؟
بجد تسلم يا سعيد

شكرا ليكى يادوددا
وعندك حق طبعا
منورة التوبيك

» كلمات مسروقه من دفتر طفل
» من دفتر الحياة ....
» الحياة . . . . دفتر حسابات .. !
» دفتر عــزاء لشهداء ثورة 25 يناير
» دفتر تسجيل الحضور والخروج فى المنتدى........