الاخبار الصحيحه لحفله تامر بالمنصوره...

[size=24] [center]احلى سلام لأجمل جمهور و أعز اخوات
انتم مش جمهور انتم محبين و الفرق كبير
الجمهور لما مطربه يغنى بيسمعله و لما يعتزل يفضل يسمعله برضه
لكن المحبين لو مطربهم بعد بيبقوا عايزين يطمنوا عليه صحته اهله حياته
لانه مش مجرد فنان
لأ ده أخ و صديق و ابن ساعات كمان
لأنه ببساطه تامر
معاكم انتم بيكون تامر أو تيمو أو تمور مش تامر حسنى
بيستقبل أى واحد منكم و كأنه صاحبه و ماشافهوش من زمان
و عمره ما ينسى اسمه ولا شكله ولو قابله فين بيفتكره

و طبيعى قوى لما يكون الحب بالشكل ده
نشوف تجمع زى اللى شفناه فى المنصورة امبارح
100 الف متفرج جم مخصوص عشان يشوفو حبيبهم و أخوهم
و هو جه مخصوص علشان يقول لاخواته انا معاكم و حاسس بيكم
و فلوسى فلوسكم عشان احنا اخوات بجد و عشان كده تامر اتبرع بأجره و دخل الحفلة كامل

من أول ما تامر وصل المنصورة و الناس شايلينه من على الارض شيل
تامر قاللى بجد ناس حلوين قوى و زوق قوى و البلد أجمل من كده مشوفتش
تامر لما طلع على المسرح ماكانش مصدق عدد الناس الموجوده
و ادارة الجامعة قالتله دى أول مرة تحصل ان ييجى حفل الختام العدد ده
الأمن كان مستعد ل 20 الف بالكتير لكن مش لأضعاف أضعاف العدد ده
ولا عمرهم شافوا فى حفلة العدد ده
تامر بيقولى كنت حاسس انى فى وسط أصحابى مش جمهور
و قابلت ناس جاية من اسكندريه و بورسعيد و محافظات تانيه كتير
و ناس من اللافرز قال تامر ساعتها للمنظمين
دول اخواتى يعملوا الى هما عايزينه أنا عايزهم هنا جنبى

اللى قال انه تامر زعلان والله بيتهيأله هو بس كان خايف على جمهوره من الزحمة
بالعكس تامر سعيد جدا بكا الناس اللى بتحبه قوى فى المنصورة
و سعيد أكتر بكرم أهلها و حسن استقبالهم ... قاللى حسيت كأنى واحشهم من زمان
تامر نفسه يعمل أكتر من حفلة فى المنصورة و بيوعد جماهيره انه هيشوفهم قريب قوى

تامر مستمر فى المشوار فى حب مصر
و فى كل محافظه هيخصص الدخل لدعم أكتر مشروع اهل البلد محتاجينه
استنوا تامر فى كل المحافظات
و بيقولكم انه سعيد و مبسوط انه حس بغلاوته قوى كده عندكم
و جايلكم تانى يا أهل المنصورة يا أكرم ناس و أعلى أخلاق و أخلص جمهور

الجرايد كلها منزلة أخبار الحفلة بكره
و لازم الخبر يكون عندكم من الكنترول طبعا
شهدت امس محافظه المنصوره اكبر حدث جماهيري في تاريخها
و هو حفل تامر حسني بعنوان مشوار في حب مصر
الذي تخطي شعبيته المقاييس و السيطره
فحضر الحفل اكتر من 100 الف متفرج
و اسعار التذاكر كانت 75و50 و20 جنيها
والعائد بأكمله بالاضافه الي اجر تامرحسني كامل
تبرع بيهم تامر حسني الي الجامعه لمسانده الطلبه الغير قادرين علي سداد المصاريف
و ايضا للطلبه المحتاجين لعلاج مكلف هكذا
هو دور الفنان الحقيقى نحو بلده





وده يا جماعه من لسان تامر ومن موقع الرسمى لتامر فياريت يعنى نبطل بقى الاشاعات والغيره العميا اللى بتخلينا نقول حاجات كدهاللى حصل فى الحفله هو عدم نظام من الامن وهمجيه من الشباب معلش من الكلمه بس ده حقيقىوانا كنت هناك ودى فيدوهات من موبايلى بتثب كلامى ده
ولو الصوره مهزرزه او مش مظبوطه فكويس انها طلعت اساسا لان كان فى سوء نظام وهتلاقى الفرق بين اول فيديو قبل ظهور تامر نزول الشباب وبعد نزول الشباب ارض الملعب اسيبكم للفديوهات وياريت تبطلوا اشعاات الشعب المصرى


قبل نزول الشباب وقبل ظهور تامر كان دجى بس وبنات بس
من هنا
اول ظهور لتامر معلش قصيره عشان عدم النظام
من هنا
ريح بالك
من هنا
باقى ريح بالك بس شوفوا التهريج بتاع الولاد ايه مطلعه ده يعنى
من هنا

باقى الفيديوهات كبيره اوى عشان كده مش عرفت انزلها بس دول يكفى واظن الكلام كله من جهات رسميه يعنى اخبار صح وبلاش اشاعات بقى

[size=21]منظم حفل تامر حسني في المنصورة ينفي ما تناقلته الصحافة



يبدو أن أزمة حفل النجم تامر حسني في المنصورة الأربعاء الماضي أصبحت إحدى قضايا الرأي العام المصري, مما إستدعى من منظم الحفل هادي عادل التحدث لوسائل الإعلام و نفي ما تناقلته الصحافة في الأيام الماضية حول مسؤليته عن سوء التنظيم و تعرض العديد من الفتيات للتحرش بالإضافة إلى اعتذار تامر عن استكمال الحفل بعد نصف ساعة من بدايته.
فصرح هادي لبرنامج (90 دقيقة) أن ما أُشيع حول مسئوليته عن سوء التنظيم لا أساس له من الصحة , و أن أي تدافع أو حالات إغماء هو نتيجة طبيعية لعدد الحضور الهائل و الغير متوقع ,الذي فاق ال100 ألف شخص.
وأضاف أن الفنان تامر حسني قدم فقرته كاملةً حيث استمر في الغناء ما يقرب من الساعة و نصف الساعة متبرعاً بأجره لصندوق رعاية طلبة جامعة المنصورة.
كما قال هادي أن وجود سيارات الإسعاف في مكان الحفل ـ معلقا على بعض المقالات الصحافية التى استنكرت وجود سيارات للإسعاف في موقع الحفل ـ إجراء معتاد في جميع حفلات النجم الشاب, و أعلن أنه يمتلك شريطاً مصوراً لأجزاء من الحفل سيقوم بعرضه على القنوات الفضائية لينفى بالصوت و الصورة كل ما تردد مؤخراً.
على صعيد آخر قام شهود عيان من الحضور بنشر مقاطع فيديو على موقع يوتيوب تظهر حقيقة ما حدث في الحفل من مشاكل وعراك تحت المسرح، نرفق أحدها هنا.







[center]سر بكاء تامر حسني في المنصورة