مصر النهاردة وبكرة وامبارح ....... شمس

مصر النهاردة وبكرة وامبارح


مصر النهاردة وبكرة وامبارح

في زحمه شوارع عوادم مصانع

تلامذة تروح تدرس تنوح

كتبهم في أيدهم همومهم في عينهم

وزحمة مدارس وتاكسي وسوارس

في مصر النهاردة وبكرة وامبارح

في مجد اللي راح وعنب وتفاح

في ظلم الليالي وقهر السنين

في مصر النهاردة وبكرة وامبارح

في حلاوة زمان ونار ودخان

وجامعة معاها شباب تعبان

ودوخة وبنات سكر نبات

شوية بتضحك وتبكي على اللي فات

على مصر النهاردة وبكرة وامبارح

وزحمة شوارع كنايس جوامع

محبة وإخوة لأرضها صانع

مصر النهاردة وبكرة وامبارح

في علب صفيح وأطفال شوارع

في دنيا تفرح الجيل اللي طالع

في بانجو وموزيكا وفافي كمان

في سيرك وعيون ونغم وكمان

جيتار وسبايسي وفانكي وولعت

ما هي مصر النهاردة وبكرة وامبارح

في كام اعتصام على كام اختصام

ورفض وموافقة وحب وغرام

في مصر النهاردة وبكرة وامبارح

جرايد محبوسة جوه أقلام

بتحكي تاريخ فات من زمان

في امبارح اللي يوجع والنهاردة

اللي يفرح واه علي بكرة اللي

يشرح كماااااااااااااااااااان

في مصر النهاردة وبكرة وامبارح

في زحمة شوارع حوادث مواجع

في قطر يولع ومركب تغرق

وناس تبكي وناس تسرق

مصر النهاردة وبكرة وامبارح

في خيرها اللي سارح وزرعها طارح

مسرطن معفن مدود وجارح

دى مصر النهاردة وبكرة وامبارح

في برلمان ضايع وضحك وأماني

ونواب يكلوا لب وسوداني

وإعلام ضايع ما بين الحقايق

شوية ثواني وحبة دقايق

لمصر النهاردة وبكرة وامبارح

ويستر ربي على اللي كتب

قصيدة لمصر في يوم الغضب





شمس

طبعا بحبها جدا دى
يمكن من اكتر الحاجات اللى بحبها ليكى يا شموستى

يسلموا حبيبتى

اكييييييييييييييييييييييييييييييييييييييييييييييييد

هناك فرق كبير جد بين الاتنين ومنور القصيدة مرة تانية اسعدني مرورك يامحمد