الكشري المصرى

موضوع: الكشري المصرى الأحد يوليو 05, 2009 7:37 am

كشرى مصرى

المقادير

1- نصف كوب عدس اصفر
2- 2 كوب ارز مصرى
3- 3 بصلة كبيرة او 4 بصلات
4- زيت لتحمير البصل كل واحدة تختار كمية الدهون الناسبة لها بس المهم تكون كافية لتحمير البصل
مقادير التزيين
1- كيس مكرونة متوسطة الحجم
2- نصف كيس شعرية او كيس انت وراحتك
3- عدس بجبة وطبعا دة غير العدس الاصفر
4- حمص شامى منقوع ومسلوق وهاقولكم الطريقة برضة
5- تجهيز الصلصة وهاقول عليها بالتفصيل

الطريقة

يحمر البصل فى الزيت جيدا الى ان يصبح غامق اللون ثم يرفع وييصفى جيدا ويوضع على ورق ماص للزيت ورق مطبخ
ثم يحمر قليل من الشعرية الى ان تصبح بنى فاتح مع تجانس اللون ثم نخلط الارز مع العدس الاصفر ثم يتم يتم وضعهم على الشعرية ثم نوضع الماء المغلى وعلية ملح وكمون ونغطى علية ثم بعد ان يتشرب معظم الماء نخفف النار علية حتى لا يشيط
ثم نسلق المكرونة نضعها فى ماء مغلى وعليه ملح وملعقتين زيت او ملعقة
ونسلق العدس بجبة ويفضل ان يكون منقوع فترة لاتقل عن ثلاث ساعات ويسلق فى ماء وعليه قليل من الملح والكمون
ثم نحمر الشعرية حتى يتجانس لونها البنى المحمر يعنى فاتح مش غامق قوى
ثم نضع عليها ماء مغلى وقليل من الملح حتى تتشرب كمية الماء

الصلصة

مقاديرها

1- خمس فصوص ثوم
2- 2 حبة طماطم
3- علبة صلصة كبيرة
4- ملعقتين خل او ثلاث ملاعق
5- ملعقة كبيرة سمن
الطريقة
1- توضع الطماطم فى الخلاط الكهربائى ثم نضع عليها الصلصة
2-نضع السمن على النار ثم الثوم الى ان يبدا فى الاحمرار نضيف الخل
3- نضيف عصير الطماطم
وتترك جتى تسبك قليلا ثم نضيف الملح وشطة خفيف ويمكن الاستغناء عنها
ثم نوضع فص ثوم نىء على الصلصة ثم نضع حوالى نصف كوب ماء
بس بلاش نكثر الماء علشان الصلصة متبقاش خفيفة

تجهيز الطبق
1- نضع الارز والعدس الاصفر حوالى 5 ملعقة كبيرة
2- المكرونة المسلوقة حوالى كبشة
3- الشعرية وانا عن نفسى احبها كثيرة
4- العدس بجبة المسلوق جيدا
5- نضع كبشة صلصة
6- نضع البصل المحمر

وبالهناااا والشفااااا

زائر

طريقته هايله تسلمى ياقمر

ميرسي يادوددا

ونورتى التوبك ياجميل

ميرسى يابيرو على الطريقه

جميل اوى يااحلى بيرو تسلمى ياقمر

» أنا المصرى ... أنت مين
» هو ده المصرى بجد ؟؟؟
» الفيس بؤ المصرى
» هوه دا المصرى الأصيل...
» الشعب المصرى و الطعميه