ستار اكاديمى الشعر

زائر

تذكير بمساهمة فاتح الموضوع :

اهلا بيكوا كلكوا
دى مسابقه جديده فكرتها حلوه اوى
بس لو اتنفذت صح
انا عملت مسابقه للغناء
وفكرت لقيت ان مش عندنا موهوبين غناء بس
لا لا لا
دا فى موهوبين شعر ودول كتير
فانا قررت اعمل المسابقه دى عشانهم
بس فكرتها هتبقى ازاى؟؟؟؟
فاكرين ستار اكاديمى
اكيد كلنا عارفينها
واللى مشفهاش سمع عنها؟؟؟
طيب واللى لا شاف ولا سمع؟؟؟
انا هقوله ايه النظام بتاعها
اول حاجه ان هيبقى فى تقديم للالتحاق بالاكاديميه
طيب هيبقى ازاى
هيبقى على الخاص
اللى شايف نفسه موهوب بجد
يبعتلى على الخاص مع قصيده صغيره كدااا حتى لو كان كاتبها قبل كدا فى المنتدى
ويوم الجمعه هيبقى اول برايم
يعنى ايه اول برايم؟؟؟
يعنى زى الاكاديميه بالظبط هعلن عن اسماء المشتركين اللى اتقبلوا فى الاكاديميه لباقى اعضاء المنتدى
هقول الاسماء والقصايد اللى اشتركوا بيها
كدا يبقى اول جمعه عدت على خير وسلام
طيب وبعدين هنعمل ايه؟؟؟
هيبقى قدامكوا السبت والاحد والاتنين والثلاثاء فاضيين بتتدربوا وبتجهزوا قصيده جديده
هتبعتوهالى يوم الثلاثاء على الخاص
وانا ولجنه التحكيم اللى هتبقى انا وميدو ستار وعايزين شخص متواجد كمان دايما فى المنتدى
ودا هيرشح نفسه كمان واللى هلاقييه متواجد اكتر هيبقى له الحق انه يبقى من لجنه التحكيم
طيب وبعد ما تبعتوا ليا القصايد خاص يوم الثلاثاء
انا ولجنه التحكيم هنشوفهم ونختار اسوأ 3 قصايد اتبعتوا
ونعمل فيهم ايه ياترى؟؟؟؟
هيبقى فى حاجه اسمها تصفيات واللى بيطلق عليها اسم البرايم
دا بيبقى كل يوم جمعه
بنحط قصايد المشتركيين واسماء الثلاثه النومينيه ( اسوأ ) 3
وبعد كداا بيبدأ التصويت من اول الجمعه لحد بليل والتصويت بيكون لل 3 بس
مش لكل المشتركين
بعد كدا بنحسب الاصوات واكتر واحد بيدخل الاكاديميه تانى
بصوت الجمهور
وكدا يبقى باقى 2
دا بيبقى بقى تصويت من اصدقاؤه فى الاكاديميه
يبدأوا التصويت والاكتر يرجع بتصويت اصحابه
والتالت؟؟؟
بيغادر الاكاديميه
يبقى كدا كل جمعه هيخرج واحد
واخر برايم هيبقى سوبر ستار الشعر

يلا مستنيه اشتراكوا على الخاص
بالتوفيق

زائر

القصايد هتنزل بليل ان شاء الله
والنومينيه هتبدا التصويت من بليل ان شاء الله
بالتوفيق

زائر

ونيجى لاول مشترك معانا
ويكا weeka/s
القصيده اسمها مدينة الموت

أمم توارت في الثرى أمم

أمم توارثها التراب ...

قمم فخارت بالذي لا منذر

لا غافر متجبر سلاب ..

أيان تبعث أرواح

عنها شعاع الحب غاب ؟

أيان تنطق أفواه

فيها عبير الموت ذاب ..؟

هي أعين قد لا ترى

الا بقايا رونق الأحباب ..

هي أو شفاه كانت

أقبلها تقبلني بغير حساب

وآذان تعالج صرختي

ولسان حال لا يغتاب

وأحضان فيها أصب حماقتي

فيها الصبابة والمحراب

روح بالأفق لاذت واحتمت

لأرثي القبر والأعتاب

مدينتي ..مدينة الحق التي

كم زرتها مشيع الأ تراب

لما وقفت ببابكي زال الجلال

مع الجمال زالت سخافة الألقاب

لا فرق في ذاك الثرى

بين الثري ولا الصعلوك فلا أنساب

ما علمت قبل موت الحبيب

للموت معنى ولا الرحيل ولا الغياب

حتى أتاني تأويل ما لم أستطع

صبرا عليه..أجل قضاه كتاب

حبيبتي أشكو اليكي الوحي الذي

ماعاد يصحبني فلا وحي ولا أصحاب

ولا السعادة صانت اليكي مودتي

غادرتني فأ سلمتني الى اغتراب

رسائل منك لذاتي وأخرى اليك مني

أغرقتها ثورة الدمع المصاب

أو ان تموت أجسادنا ففينا

روح الحب تبقى تطرق الأبواب

حبيبتي راض أنا حكم الاله محتسبا

اياكي روح عنده وجنة ومآ ب ....

والتانى هو محمد الشيخ
Mr Horas

وقصيدته كانت باسم
وتقابلنا بعد السنين

بعدما اختفت ملامح الحب والحنين
وصوتها في اذني كانه الرنين
ولا انسي جرحها لقلبي المسكين

وتقابلنا بعد الفراق
و قصة حبنا عبرة لكل العشاق
لكن قلبي تائه من الاشتياق

وتقابلنا بعد البعاد
بعدما سافرت بلادا وبلاد
ضرب قلبي بعصا الجلاد
وهو يقول:ابتعد فعليك بالبعاد

وتقابلنا في طريق رسمته
كان ذلك في حلم حلمته
لكن وجهها لا اعرفه ولكني رايته
قبل ذلك ولكن ما عرفته

وتقابلنا عند جسر الالام
فسكت وسكت قلبي عن الكلام
رايت في عينها حب موته زؤام
فاين الان قلبي ايها القراء الكرام

تذكرت ايام الماضي
ايام جرح فيها فؤادي

ايام فيها اتفقنا علي العهود
ووضعنا نصب اعيننا كل الوعود
لكن ضاعت وهي تقول:لن اعود

سالتها لماذا لن تعودي؟
انا محتاج لكي عودي
اهانت عليك كل عهودي ووعودي؟

اعدك الا اعرف اياكي
لان قلبي لن ولم يحب سواكي
لهذا لن انظر الا لعيناكي
ولن تلمس يدي يدا الا يداكي

اعدك الا اعرف غيرك
احببتيني واحببت انا طيرك

لكنها ضاعت وهي تقول لن اعود

وقعت في حفرة اسمها الحب
ليتني لم ارها ولم احب

بحثت عنها في شتي الاماكن
لان حبها في قلبي ساكن
هل انا ميت ام انني كائن؟

ولكنها ضاعت وهي تقول لن اعود
سالتها لماذا لن تعودي ؟
اهانت عليكي كل وعهودي ووعودي
عودي عودي عودي عودي

الراى والنصيحه الموجهه ليهم كانت
اول مشترك ويكا

قصايدك روعه بصراحه ملهاش حل
بس ياريت نستخدم الفاظ بسيطه شويه علشان تبقى فى متناول الجميع
انت لو فضلت كداا يبقى مفيش لوم عليك
بس مجرد رأى مش أكتر عشان الكل يقدر يفهم القصيده بوضوح
انك تبعد عن الالفاظ الفصحى الثقيله
عندك اقتباسات من القرآن الكريم ودا بجد حاجه متميزه فيك
وبجد تسلم ايديك

ثانى مشترك محمد الشيخ

بالنسبة للفكرة الموجودة حلوة
وصاغها بطريقة احلى
بس هو برده محتاج يوزن شوية الجمل
على اعتبار انه ماشى على وحدات مربعة
كلامه اقل فصحى
بس اعتقد انه يوصل ويتفهم اسرع
وبيعتمد القوافى مظبوط
بس غير موحدة

اعدك الا اعرف غيرك
احببتيني واحببت انا طيرك

احببتينى
اعتقد كثرة الياء ف الفعل ليس من مصلحته
يعنى الافضل يقول
اعدك الا اعرف غيرك
احببتنى واحببت انا طيرك

يحتاج الى مزيد من القراءة ف الشعر الحديث
والى الاطلاع المستمر على الالفاظ المعجمية
وبجد تسلم ايديك يا محمد قصايدك كلها رائعه بالتوفيق

ودا كان رأى لجنه التحكيم
نيجى للنومينيه بقى بتوعنا
وهما بوسى وشمس
ستار اكاديمى الشعر - صفحة 5 Gqdffgs7b

بوسى

احترقي يا شمعة عمري

احترقي فقد ضاع العمر هباء

احترقي فلم يبقى غيرك عندي

فكل شموعي ذابت بكاء

احترقي وليتك تحرقين أشرعتى

فى نهر الحياة

فانى سئمت الإبحار فيه

وسئمت مياهه الهوجاء

وسئمت مياهه تغمرني

تقسمني....تغرقني جفاء

فلما كل هذا العناء؟

لقد كتب على كل من فى الأرض الفناء

فهل سأخلد أنا ؟

حتما سيأتى يوما

أرحل فيه بعيدا

وأنسى حياتي الصماء

وأخلد فى دنيا جديدة

إن كانت جنة......

فسأحيا فى هدوء وصفاء

أما إن كان مصيري النار

فسأحيا عذاب أبدى

احترق بنار تدميني

ولن يفيد الدعاء

إلا أن تأتى رحمة ربى

تخرجني

وتجوز الرحمة على الضعفاء

فيا رب الضعفاء

هل لي فى هذه الدنيا من مخرج؟

أم سيحيى قلبى دائما

يعزف ألحان الصمت على استحياء

ويرقص معها ابد الدهر

وعلى الأوجاع الغناء

فتلك هي فرقة عمري

وهؤلاء هم الرفقاء

رفقاء حياتي المحزنة

رفقاء الجد والاسترخاء

فماذا تقولون لفتاة

أصبح حزنها ودمعها لها أخلاء

شمس
متفرقين بنلف في الحوارى والبيوت

قصادك في كل حت ألف معني وألف صوت

صوت الآه والمواويل والأماني والموت

صوت الحياة والدنيا والزمن والسكوت

وآه يازمن

صوت السكوت اللي يطلع من ألف سور

صوت السكوت اللي يخرج من بين النور

صوت الحياة هي الحياة كان ليها صوت

ولا احنا اللي شيافينها من غير لا أرض ولا بحور

وآه يازمن

عجبي عليك يا زمن وعلي الأحساس

وماسكة أيدين وزهر وكاس

عجبي ع الليالي والناس

فلصو الحقايق هي ولا ماس

وآه يا زمن

ميت ألف وش وميت ألف لون

وناس تصاحب وناس تصون

وآه ياصاحبي من الجنون

ما بينا عشرة تصون ولا تخون

وآه يازمن

يادنيا يامغرباني يمين وشمال

يادنيا عجب مهما يتقال

فيكي البرئ والضحية وأصحاب الموال

فيكي الجرئ والخسيس والمحتال

وآه يازمن

أنا اللي كنت زمان بخاف من الطريق

بخاف أقرب من حبيب أو صديق

وعيني في يوم ما تيجي في عينه

يقول علي قلبي حجر وهو رقيق

وآه يازمن

أحلام صبايا تلف وتدور

تروح في كل جنب وتغرق في بحور

تلاقي حلم حزين وحلم مغرور

تلاقي ناس تتصدم وناس تثور

وآه يازمن

أنا اللي حبيت حب فوق الخيال

واتحملت أشياء فوق الأحتمال

وعشقت عشق مالوش مثال

دى قصة حب يابلدى ولا أغتيال

ياريت نبدا بالتصويت
يارقم واحد يارقم اتنين

بالتوفيق

انا هختار بوسى

انا هختار 2 بوسي

ميرسى سعيد وصعبة المنال

انا كنت اخترت بس عدلت الرد خاصة بعد ما شوفت توبيك شمس فى الموهوبين

زائر

ويكا الافضل جعلنى اعتزلت الشعر بجد للامام ياويكا شعرك رائع
ستار اكاديمى الشعر - صفحة 5 Ros106

اكيد طبعا هختار شمس
ولو اني شايف ان العمليه محسومه
طبعا بعد اللي حصل .. لازم الاول يتحقق في الكلام ده
وياريت الاداره يكون ليها موقف حاسم مع الي بيتلاعب
بالمسابقه وشروطها .. يعني لاااااازم !!! ولا بلاش اما اشوف هتعملوا ايه الاول

زائر

شمس كبرت الموضوع ودخلت بوسى فى الحكايه يعنى موقف مش كويس
انا بعت لشمس وقلت لها قصيدتك منقوله
وبعت لبوسى برده
بوسى مأنكرتش وقالت انها غلطت فى نقلها يعنى بدل ما تجيب قصيدتها جابت قصيده من عندها فى الكمبيوتر بالغلط
اما شمس كان فى سوء تفاهم
وكنا هنحله على الخاص
لكن مكنتش احب يا شمس انك تعملى توبيك على العام
يعنى هى قالت ان حطيتها بالغلط وكنت هتصرف وخلاص
على العموم حصل خير وعشان سوء التفاهم دا انا اشتالت التوبيك اللى انتى حطيتيه و
الاتنين يرجعوا الاكاديميه تانى
وعلى لقاء يوم الاتنين بالقصايد
ونتجنب الاخطاء اللى فاتت يعنى نركز يابوسى معلش شويه
وحصل خير ياشمس
كان ممكن نتفاهم خاص ياقمر بس عادى
بالتوفيق
:lol!: :lol!: ننسى اللى فات ونبدا تانى :lol!: :lol!:

ياغادة ياحبيبتي انا مكنتش اقصد خالص اني ادخل بوسي وانا وانتي اتفقنا اننا نحل الموضوع

معاكي بس انتي كمان اختفيتي وفجاه لاقيت نفسي يوم الجمعة قدام قصيدة منقولة بغض النظر

عن سوء تفاهم نقلها وكان من حقي علي الاقل قبل ما اطلع من المسابقة اوضح حقي

والحق ما يزعلش ياغادة انك تساويني بقصيدة منقولة حلوة وجمالها سبب اعجاب الشباب بيها

ان التصويت كان ليها بس كمان دى مش شروط وانا قلت في التوبيك اللي حذفتيه اني اتمني

اتمني ان كلامي يطلع غلط ومش تكون منقولة

وانا خلاص مش هتكلم في الموضوع ده تاني خالص لاني مش بحب اتكلم كتير

واللي انتو شايفينه اعملوه

والقصيدة الجديدة هتكون عندك يوم الاتنين

بسم الله الرحمن الرحيم
انا قرات كل اللي انتوا كتبتوه وانا هاوجه كلامي لدوددا المشرفه علي المسابقه اولا انا هاقول كلام
هايكون فيه حده شويه وانا بتاسف ليكي قبل ماتقرايه وكمان بكرر اسفي لاني انا متضايق من حته النقل وبعدين لو كانت بوسي وشمس بالاحتفاظ بالالقاب كتاب وشعراء جامدين اوي كده ليه بيدخلو المسابقه بشعر منقول وكمان يعني ايه انهم يقولوا احنا ناقلناه علي المسابقه او دخلنا بيه غلط ليه هما بيبقوا نايمين وهما بيكتبوا وبعدين انا اعرف ان اللي بيكتب شعر دا لازم تمر القصيده بخطوات اللي هيا انه المفروض يكتبها في مسوده وبعدين يجري عليها التعديلات وبعد كده ينزلها هما مش عملوا كده وبعدين انا مش ابقي قاعد اكتب وطالع عيني وناس تانيه تيجي تنقل ...............
انا بعتذر ليكي والله يا دوددا بس فعلا انا مخنوق من اللي حصل ومش المفروض اني اقف اتفرج لازم يكون ليا راي
ثانيا ودا المهم انا بنسحب من المسابقه مادام هي بقت للشعر المنقول لا المكتوب

وشكرا ليكي يا دوددا انت وخالد وبوسي وشمس وسمسم و ويكا وبلال وميدو وميدو ستار

محمد

شكرا اوى ع الكلام والثقة الغالية

بس مش تغيب كام يوم وانت مش عارف حصل ايه ولا فاهم ايه الي جرى

وبعدين تجيي ع العام كدا وتقول شمس ناقلة القصايد

وخليك في الماسبقة بتاعتك لانها مش هتكون عندى اغلي من كلامي اللي كاتبها

وتعبت فيه وبعدين تجيوا تقولو اني ناقلها طلبت قبل كدا الانسحاب

وغادة رفضت وانا احترمت ده واحترمت رغبتها ومحبتش اعمل مشاكل

وقلت خلاص مش مشكلة وقلت هفضل عارف ليه يامحمد علشان انا ما اتعودتش

انسحب من حاجة وانا معايا الحق وطالما معايا الحق هفضل فيه بعندى وبكلامي

ومحدش قالك قبل كدا اني قلت اني شاعرة جامدة ولا غيره

ولا تفرق معايا الالقاب شكرا مرة تانية يامحمد وعارفة انه حقك انك تدافع بس كمان

تاخد بالك قبل ما تتكلم ايه هيا عناصر الموضوع مش ترمي كلام وخلاص

اسفة للاطالة

انا محنرم رايك جدا يا شمس بس خليكي مكاني
انا فجاه وصلني ان شمس وبوسي ناقلين انا شفت قصيدة بوسي وقصيدة شمس
قوليلي انا اعمل ايه وانا محروق دمي لما الاقي معلش انتي وشمس طلعتوا في النومينيه وفجاه غاده تقول ان الاتنين رجعوا المسابقه تاني
انا متاسف لاني حسيت اني زعلتك وانا وجهت اسفي قبل كده
وانا عمري مارجعت في قرار انا خدته وانا في انتظار سوبر استار الشعر للموسم الاول
بس انا مكاني ومكان الاشعار بتاعتي في قسم الموهوبيين مش في المسابقات
انا بعتذر مرخة تانيه ووالله انا مش قصدي ازعلك ولا ازعل حد مني بس فعلا انا كنت غلطان لما دخلت المسابقه من الاول لان فيه ناس كتير اوي بيكتبوا ومش دخلوا واولهم مشرفة قسم الموهوبين
شكرا ليكي ووالله انا اسف

خلص الكلام يامحمد

خلاص بقي مش فارقة حاجة

خلاص ما تزعلوش نفسكم

احب بس اوضح اللى حصل معايا

القصيدة اللى انا كتبتها عندى ع الجهاز واللى اتنقلت هنا عندى كمان

فوانا بنزلها اتلخبطت بدل ما انزل بتاعتى نزلت التانية

ووالله ما اخدت بالى

وسورى جدا يا جماااااااااااااااعة

خلاص يا غادة مش هبعت قصيدة وطلعينى نومنيه

واللى معايا يرجع وابقى انا كدة طلعت من المسابقة

ومش المسابقة بس المنتدى كله

لان ما حصلش حاجة لكل الاهانات دى

ومتشكرة قوى لكل واحد كتب اى كلمة عنى

ربنا يسامحه

زائر

انا هلغى المسابقه خالص

واى مسابقه باسمى فى المنتدى كمان
كل واحد ينسى اللى فات
وخلاص انا غلطانه ليكوا
ومفيش حاجه اسمها تخرجى من المنتدى يابوسى
مش مستاهله يعنى
سلام
شكراااااااااااااااااااااااااا

» مسابقه ستار اكاديمى الشعر
» صور عزوز(ستار اكاديمى 6)
» ستار اكاديمى 8 (( متجدد))
» وفاة رامى نجم ستار اكاديمى
» اللى متابع ستار اكاديمى يجاوب ع السؤال ده