يعنى اية اغنية ؟ .... واية مكوناتها ؟ شرح الاجزاء بأمثلة

بسم الله الرحمن الرحيم
________________

فى ناس كتير فاهمة ان كتابة الاغنية
حاجة سهلة .... او ان الواحد لما يحط كلمات مع بعضها لايقة على بعض يبقى
خلاص بقت اغنية ....
انا كنت من الناس دى .... وغيرى ... وغيرى .... وكلنا.

(تأليف الأغانى دى موهبة فطرية )
لازم صاحبها يكون عنده احساس ... يكون لبق
.. فى نفس الوقت يكون متكلم مع الناس . وحاجات تانية صعب ذكرها
( لانهامبتتذكرش وملهاش اسم )

نبدأ بقى
________________________________

فى ناس مننا متعرفش الاغنية بتتكون من اية ؟؟؟

وفى ناس عارفة انها من مذهب وسينيو وكوبليهات .... لكن معناهم اية متعرفش ؟؟؟

اخوكم ان شاء الله ( اللى هو انا ) هيحاول يفسر معانى الحاجات دى

_________________________________

المذهب

هو اول حاجة فى الاغنية بتتغنى ....
والمذهب الصح فعلا هو اللى بيشد المستمع انه يسمع باقى الاغنية ... لكن لو
المذهب مفيهوش كلمات جديدة .. والفاظ جديدة المستمع هيزهأ على طول وهيمل
ومش هيكمل الاغنية ...

___________________________

السينيو

ودة عادة بيكون الجزأ اللى بعد المذهب
واللى المفروض فى اغلب الاغانى انه بيتعاد بعد كل كوبليه وبيكون اقل من
المذهب فى الشطرات ... لان بديهى جدا انه علشان بيتعاد بعد كل كوبليه يبقى
لازم يكون حاجة صغيرة علشان مياخدش مساحة كبيرة على حساب الكوبليه ....
ولازم لازم حتما ولا بد ..... ان السينيو علشان يكون حلو لازم قافيته
تنتهى بنفس قافية المذهب .

مثال

اغنية عرفت اللى فيها

عرفت اللى فيها ... عنيه بان عليها
يا قلبى انه محبنيش
حاجات عشنا فيها ... وعشمنى بيها
واخرتها ليه طلعت مفيش
( اللى فات دة المذهب )
ليه كل اللى ياما وعدنى بيه ... واللى اتفقنا زمان عليه
ينساه وليه مينسنيش
اية دلوقتى شكلى هيبقى اية .. وياريتنى اعرف بس ليه
كان ليا فيه وبقيت مليش

( دة بقى السينيو ) واللى بيتعاد بعد الكوبليه اللى هو ( سنين عشتهاله وعيشتهاله .... )

وطبعا احنا ملاحظين ان السينيو انتهى بكلمة ( مينسنيش ... وبقيت مليش )
وماشية مع قافية المذهب اللى هى ( محبنيش .... طلعت مفيش )

مثال آخر

أغنية ( قالتلى قول ) بتاعت الهضبة

المذهب طعا اللى هو ( قالتلى قول حبيتها ولا محبتهاش .... )
( والسينيو بعده على طول وهو )

دى حكاية وخلصت مش عارف هتفيدنا بإيه
دى حكاية وعدت ونسيتها فكراها لية
حلفت لاقول وياريتنى قلت محبتهاش

والسينيو دة طبعا بيتعاد بعد كل كوبليه فى الاغنية واسمعوها تانى

وطبعا انتهى بنفس قافية المذهب زى ما احنا شايفين

______________________________________

الكوبليه شرحة فى الرد اللى جاى يعنى اية اغنية ؟ .... واية مكوناتها ؟ شرح الاجزاء بأمثلة Smile

يعنى اية اغنية ؟ .... واية مكوناتها ؟ شرح الاجزاء بأمثلة Smile

الكوبليه

دة بقى الجزأ اللى بيعتبر عصب الاغنية .... العمود الفقرى للاغنية Cool

بيحكى وبيشرح وبيفسر الاغنية وموضوعها

دايما المستمع لما بيسمع اغنية بيدور على الكوبليه
ومنه بيقيم الاغنية وبيديها درجة

ياما مؤلفين كتير عملوا اغنية فيها مذاهب حلوة وسينيو
لكن بوظوها بالكوبليه

وياما اغانى حلوة والفاظها جميلة لكن الكوبليه بتاعها
مش ماشى مع موضوع الاغنية

وياما الفاظ جميلة فى الكوبليه لكن مش متوظفة صح

وفى التوبيكات الجاية هنتكلم عن اخطاء الناس دى ونتعلم منهم

_________________________

المفروض الكوبليه زيه زى السينيو .... يعنى قافيته ينتهى بنفس قافيه المذهب

دة غير ان لازم لازم لازم يكون بنفس وزن المذهب ( ودة شيء أساسى )

نيجى برضه لنفس الاغنية بتاعت تامر حسنى
( عرفت اللى فيها )

فى الكوبليه بيقول

سنين عشتهاله ... وعيشتهاله
وحاجاة كتير متتحكيش
ومعرفش ماله ... مبقاش فى باله
اموت يا قلبى وللا اعيش

بصوا ولاحظوا معايا وزن المذهب ( هو هو نفس الوزن )

عرفت اللى فيها .. عنيه بان عليها
يا قلبى انه محبنيش
حاجات عشنا ليها ... وعشمنى بيها
اخرتها لية طلعت مفيش

كمان لاحظوا ( متتحكيش .... وللا اعيش )

نفس قافية المذهب اللى هو ( محبنيش .... طلعت مفيش )
ونفس قافية السنيو
كمان ( مينسنيش .... وبقيت مليش )

علشان كدة الاغنية دى هتعيش .... ومحدش هينساها ...
دة غير انها نجحت نجاح رهيب

واللى انا بقوله دة مش قانون .... لالالالالالالا

دة مش مفروض يحصل بالنسبة للكوبليه ( انه ينتهى بنفس القافية )
لكن لو حصل يبقى خير وبركة علشان الناس تتكيف لما تسمعها ...

مثال آخر

أغنية مثلا زى بتاعت عمرو ( الليلادى )

بصوا الكوبليه بتاعها الجميل ... واللى بنفس وزن المذهب

قالوا ياما ان القمر عالى وبعيد ... والملايكة مستحيل تلميها ايد
وانا الليلا ديا كل دة فى ايديا ... يمكن فى الدنيا دى اكون انا الوحيد

بصوا المذهب نفس الوزن

الليلادى سيبنى اقول واحب فيك ... انسى كل الدنيا دى وغمض عينيك
دة انت نور حياتى عمرى كل أملى ,,, شوق الدنيا كله مش كتير عليك

مثااااااااااااال آخر

اغنية محمد فؤاد ( لو ليا حق )

الكوبليه اهو

طول عمرى انا راسى رافعها لفوق .... لسة مجاش اللى يجيبها لتحت
لو كان غرور الدنيا غرك فوق ... ومتفتكرش انك بظلمى ارتحت

وهو هو نفس وزن المذهب

لو ليا حق انا حقى مبيتسبش .... وانا مش قليل الحيلة ومبغلبش
وادى الايام ما بينا وبكرة تشوف ... انا اللى ييجى عليا مبيتسبش

مثال آخرررررررررر

اغنية تامر ( حاسس بخوف )

بصوا الكوبليه

ايام سنين وانا عشت سايب روحى عندك
ومجاش فى بالى ان انت تأسى وتنسى وعدك
شيء مستحيل اتخيل الايام فى بعدك
ولا لحظة بعدك

بصوا ... بالظبط بالظبط نفس القافية بتاعت المذهب

حاسس بخوف عمال بيبعد قلبى عنك
معرفش ليه مبقتش حاسس حاجة منك
وكتير بكون انسان غريب وانا جوة حضنك
وانا جوة حضنك

____________________________

اى حد يا جماعة عنده اضافة يتفضل يقولها أو اى سؤال ...
او لو حد عاوز يناقشنى فى حاجة يتفضل وانا هناقشه ان شاء الله
الموضوع ده منقول للامانه من السايت الرسمي لتامر

انتظروا ان شاء الله تعالى .....
باقى الدروس من اخوكم :modislam

زائر

ميرسى ليك يا مودى
بجد معلومات مهمه
تسلم ايديك

تسلمي يا دوددا نورتيني
وانا عاوز كل الشعرا بتوعنا
يفهموا المقاله دي ويحفظوها وبالتوفيق للجميع

الله علي الافاده دي مودي
انا هاحاول اقلدك في شرحك وهاكتب واحده
ليك برده بس استني عليه شويه
الف شكر يا حبي

هههههههههههههههههههههههه
منورني حبيبي .. وعلطول ممتعني بقصايدك
كده مبقاش ليك حجه .. عاوزين نشوف الابداع بقيي Laughing

جامد يا مان التوبيك دا
وجااااري التثبيت

منورني ميدو
وشكراا ع التثبييييييييت

تسلم مووووووودى
للمعلومااااااااااات

شكراا ليك يا سمسم Like a Star @ heaven

منورني علي طوووووول
فين الاغنية اللي اتفقنا عليهااااا ؟؟؟ :sleep:

حلو الكلام

ياسر محمد خلف كتب:: حلو الكلام

تسلم علي الرد يا استاذ ياسر
ويارب يكون الموضوع افادكـ ولو بالقليل
شكرررررااا .. معلش الرد متاخر مأخدتش بالي

بجد تسلم ايدك الموضوع ده فادنى جدا
وان شاء الله فى الشغل الجاى بتاعى هظبطه

نورتني يا ميدوو
مستني جديدكـ يا ريس
شكراااااا

موضوع اكتر من رائع ........

ميرسي اوووووووووووووووووووووووووووووووي علي مجهودك يا مودي ......

و يا ريت تقولنا ع افكار لموضوع الاغاني اللي ممكن نعملها ان شاء الله .....

تقبل مروري

نورتيني يا ايمي
وانا عاوز منك بقا تحفظي التوبك ده
وتنفذيه بعد كده isa
وبالنسبه للافكار جاهزه بس انتي تقشري يعنى اية اغنية ؟ .... واية مكوناتها ؟ شرح الاجزاء بأمثلة Lol

يعنى اية اغنية ؟ .... واية مكوناتها ؟ شرح الاجزاء بأمثلة Lol

» حصريا :: اغنية تامر حسني :: انا جنبك :: اغنية عيد الحب كاملة :: CD.Q @ 320Kbps
» حلمى نور الدين _ اغنية مبروك ( اغنية بجد بجد فظيعة )للمجروحين والرومانسيين فقط
» حصريا :: اغنية تامر علي :: قرب لقاك :: اغنية لؤي :: CD.Q @ 224Kbps
» سلسله افلام الرجل العنكبوت Spider Man - الاجزاء الثلاثه - نسخه DvdRip - مترجمه - على أكثر من سيرفر
» عثل عثل اوى يعنى!!!!!!!!!!!!