وانا جاي النهارده........

تذكير بمساهمة فاتح الموضوع :

الفكره دي يا شباب انا مقتبسه من برنامج تلفزيوني يعرض علي احدي القنوات الفضائيه انا فكرت احور الفكره دي واجيب فكره زيها الكلام اللي هانتكلم فيه هو اي حاجه وكل حاجه غريبه او غير مالوفه صادفتها وانت جاي للمنتدي ايا كنت فين في الشارع في البيت اي ظاهره غريبه وهنتناقش فيها مع بعض يلا مستني الحاجات دي ومستني رد الشباب عليها بس ياريت تكون فعلا من الواقع

ربنا يسعدك يا محمد دايما وكويس ان التليفون ده جه ايا كان بقى علشان نشوف تغيير فى المود بتاعك

تقريبا انا معنديش حاجة مهمة النهاردة بس هبقى ارجع بعد ما اروح احشى مع ماما اقولكوا عملت ايه النهاردة

اه فيه فطار محشي عندك يا هبه
كدا بقي انا ممكن اجي
بس تعيني حبه ليا بكره ان شاء الله علشان اروح اوزن واجي ليكي علي بروسعيد
افطر واروح بورفؤاد شويه وارجع المنصوره تاني اوك

يااااااااااااااااااه دا انت تنور يا محمد
ومرة تانية ابقى اعزمك على جمبرى وكابوريا
مغرقين البلد اليومين دول

ربنا يارب يسعدك ديما
وتبقى فى احسن حال وصحة ومبسوط عالطول

نو جديد ايام رمضان شبه بعضها
اللى بيتعمل النهارده بيتعمل بكره بيتعمل بعده
يمكن الجديد شويه النهارده
نزلت مع واحده صحبتى واشترينا شويه حاجات
وبعدين رجعت فتحت نت

خلاص قول بقا
ااانا النهارده صحيب على صوتها الله ع دا صوت دا كان واحشنى موت
ربنا يفرحكم كلكم
انا فى حاجه غريبه بتحصل قبل لسحور كل يوم رقم غريب يصحينى من احلى احلامى
افتح وانا مش شايفه الموبايل واقول مين
ولله ياجماعه حد شاب يعنى يقول انا بصحى الناس عشان تتسحر
تسحروا وان فى لسحور بركه
ايه رايكم فى لكلام دا

هههههههههههههههههههههه
حاجة غريبة فعلا بس محصلتش معايا قبل كده
ممكن يكون حد بيشتغلك مثلا
او حد يعاكس و بيستظرف
او ممكن يكون مسحراتى الدولة معيناه علشان يصحى الناس
و متقدم بقى بما ان كل حاجة بتتقدم المسحراتى كمان بيتقدم و بقى بالتليفون لا و كمان موبايل ههههههههههههههههههههه
منورة يا قمر و الله و لما تعرفى ايه السر فى كده ابقى عرفينا

غريبه اوى وحصلت تانى وقولت لبابا
وكلم بابا قاله نفس الكلام بابا زعق وبقت تمام ع الاخر هههههههه
كان عندنا عزومه ويوم جامد وهنزل اعمل شوبنج

السلام عليكم يا شباب ويا بنات
مش ينفع انعدي النهارده دا علي خير خالص ليه اقولكم انا ليه؟؟؟؟؟؟؟؟
لان النهارده ماشاء الله كان تلج مووووووووووووووووووووت
انا عن نفسي كنت نايم تحت البطانيه مدفي
وفجاه صحيت ع الفايبريشين بتاع الموب وواحد صاحبي بيقولي قوم في مدرسه والمفروض اساسا ان انا عندي متصله الاسبوع الي جاس وتالته هما اللي في المتصله مش انا
المهم انا نزلت النهارده من البيت الساعه 7.30
شوفت السقعه علي حق ربنا والحمد لله نشفت في ساعتها
المهم روحت المدرسه لقيت الموجه مشي لما عرف ان المتصلة بتاعتنا الاسبوع اللي جاي ان شاء الله
مع العلم ان هو اللي مصحي صاحبي دا وقاله انتوا فين مش جيتوا ليه في مدرسه
المهم روحت الساعه 9.00 البيت وانا علي اخري ن السقعه وكمان الموجه
وبعدين كل اما اروح اصلي الدنيا تشتي علي دماغي والحمد لله كله بثوابه

انا بقي كل عضو يقرا دا يقولي عمل ايه في البرد دا

» وانا جاي النهارده........(ارجو التثبيت)
» النهارده 11 سبتمبر.......
» يا ترى عيد ميلاد مين النهارده؟؟؟؟؟
» النور قاطع عندنا النهارده
» الالش ع المحله تاريخي النهارده