تعمل اية لو قابلت الرخم دة فى الشارع

تعمل ايه لو قابلت الرخم ده فى الشارع ؟؟؟

مرة واحد ماشى فى الشارع فقابل واحد تانى شكله مش على بعضه ومستعجل أوى وبيقول:

لو سمحت من فضلك قلعنى الجاكتة

فالأولانى قال له:نعم ؟

فالتانى قال: قلعنى الجاكتة بسرعة

حاضر....حاضر وراح مقلعه الجاكتة

لو سمحت بقه قلعنى الكرافتة

ايه؟

الكرافتة.....الكرافتة بسرعة

حاضر حاضر وراح مقلعه الكرافتة وهو مستغرب اوى من الراجل الغريب ده:ها ياسيدى أى خدمة تانية

آه .معلش فكلى زراير القميص

لااااا دانت زّودتها أوى ..كده تاخد برد يقلب بنزلة شعبية حادة تاخد أجلك

من فضلك فكها ....بسرعة أرجوك

افففففففف... وأدى زراير القميص خلاص فكتها... دا كان يوم ايه المهبب ده، ها أى أوامر تانية؟

أيوه قلعنى بقه القميص

ياسيدى عيب مايصحش كده، دا احنا فى الشارع خللى عندك دم ..... لا حول ولا قوة الا بالله

أرجوك أرجوك بسرعة.....مفيش وقت

دى وقعت ايه المهببة دى، أنا كان ايه اللى جابنى من الشارع ده... وادى القميص..هااااا..ايه تانى

ارسملى على ظهرى خطوط بالطول وخطوط بالعرض

حسبى الله ونعم الوكيل...انت مجنون ياراجل أنت؟؟؟؟

من فضلك....أرجوك

رسمتلك زفت بالطول وزفت بالعرض

رقملى بقه المربعات للى اتكونت على ظهرى بالارقام من 1 الى 40

ياصبر أيوووووووووب .. بقه أنت معطلنى كل ده علشان تلعبنى سيجا على قفاك؟؟؟

بسرعة لوسمحت....ارجوك رقمهم ....من فضلك مش قادر

أدينى رقمتهم

لو سمحت بقى أهرشلى فى المربع رقم 33 هههههههههههههه

ههههههههههههههههههههه
انا مش هستنى لحد موصل مربع 33
انا هكون خلعت من لانه راجل فقر

انا كنت املي المربعات دي رصاص
دا راجل بارد قوي

اراء جميله يا شباب
وانا من رايي انا مش هارسمله مربعات
انا هاقطعله ظهره شوارع

هههههههه
انا اصلا مكنتش هقف له
لان كل الحاجات الاولى يقدر يعملها بنفسه

ههههههههههههههههههههه
اية الرخامة دى
انا مش بطيق الناس دى ابدا
ومش كنت بصيت لية اصلا

اساسا مكنتش هقفل له ههههه
ايه الرخماه دي

ههههههههههههههههههههههههه
ايه الموقف النكته داااااا
أنا بقى هديله بالقلم واطلع أجرى
مش هستنى لحد مااوصل لرسم المربعااات
هههههههههههههههههههههههههه

» لــو قابلت اعمـــى وطلب منك وصــف الدنــياا >> كيف ستصفها
» حمام فى الشارع
» من الشارع المصرى
» نفسك تعمل فى مين كده؟
» فكّـر قبل أن تعمل ..!