اشتعال الحرب من جديد بين تامر و شرين

اشتعال المواجهة من جديد بين شيرين وتامر حسني

اشتعال الحرب من جديد بين تامر و شرين Shereen_main

8/1/2009 1:13:00 PM
اشتعلت من جديد المواجهة بين شيرين وتامر حسني، وانتقلت الحرب إلي محبيهم على المواقع الالكترونية مثل "الفيس بوك" والمنتديات .

الحرب لم تكن وليدة اليوم بل لها جذور بعيدة ترجع إلى واقعة تجنيد تامر والتي انتقد بعدها شيرين لعدم زيارته له في محبسه، وقال وقتها ان تلك المحنة جعلته يعرف أصدقائه الحقيقيين .
وقد بلغت الحرب الكلامية أوجها عندما وصفت شيرين لتامر بأنه "تامر جاكسون" وذلك في حوارها مع مجلة "زهرة الخليج" الإماراتية قائلة " كفاية عليه "المزز" اللى بيفضلوا يحضنوا فيه وبصراحة كده انا مش هاقدر استحمل اقف اغنى مع تامر جاكسون وفجأة ألاقى واحدة يغمى عليها وترمى نفسها تحت رجليه!!.
وعن سبب توتر العلاقة بينهما فى السنوات الأخيرة قالت شيرين: "نعم كانت تربطنا صداقة وتوترت لكوني لم اعد اشعر براحة فى الاقتراب منه ، وقفت معه أثناء فترة سجنه وقمت بزيارته ثم وجدته بعد الإفراج عنه يقول عنى كلام غير صحيح ولم يحدث".
وعن المقارنة بين عمرو دياب وتامر حسني أكدت شيرين لإذاعة "موازيك اف ام" التونسية انه لا مجال للمقارنة علي الإطلاق فعمرو دياب جيل وتامر حسني جيل آخر، مشيرة الي ان البوم عمرو دياب متميز للغاية وقد أعجبتها اغنيتي "تعبت ليه " و "يهمك في ايه" كما أن عمرو يقدم أغاني علي مستوي الشباب ولا توجد بها ألفاظ مشينة بينما تامر يقدم ألفاظا مشينة مثل أغنية "خليها تاكلك" وأضافت قائلة "مش المفروض أن الكلام ده يتقال في أغاني".
وأضافت شيرين انها لم تستمع لألبوم تامر حسني .
وحول أسباب رفضها التعامل مع تامر قالت انها ترفض طقوسه التي لا تقبلها حاليا والتي من أبرزها استئجار فتيات لاحتضانه والجلوس تحت قدميه ، مشيرة الي انه فارق شاسع بين الإعجاب الطبيعي وبين المصطنع الذي يقوم به تامر كاشفة انه في بداية مشوارهما الفني كانت تعلم ان تامر يلجأ الي تلك الطريقة خاصة في اللقاءات التليفزيونية حيث كانت معظم المكالمات يتم الاتفاق عليها مسبقا.
وأشارت شيرين الي أنها لن تتراجع عن صراحتها رغم ما سببته لها من مشاكل وأزمات .
من جانبه رفض تامر التعليق علي تصريحات شيرين وأكتفي بقوله "إن كل إنسان حر في رأيه، نافيا صلته بالدعوة التي أطلقتها رابطة محبيه بمقاطعة ألبوم شيرين"، مشددا على أنه لا يملك الوقت الكافي لمثل هذه الأمور أو حتى مجرد التفكير فيها.
من ناحية أخري، اشتعلت المواجهة بين محبي النجمين علي صفحات "الفيس بوك" حيث دشنت رابطة تامر حسني "مجموعة" تحمل عنوان "لمقاطعة شيرين عبد الوهاب" وطالبوا خلال بمقاطعة البوم شيرين الجديد .
وقد طالبت المجموعة بعدم الاستماع نهائيا إلي ألبوم شيرين "اخيرا اتجرأت " متهمين شيرين بخيانة العشرة والصداقة مع زميل الكفاح ووصفوا ألبومها الجديد بالضعيف من حيث المستوى الفني وانتقدوا غنائها لالفاظ مبتذلة منها " هعلي صوتي عليك و اخليك تمشي تبص وراك ".
وأكدت المجموعة ان هجوم شيرين علي تامر هدفه إرضاء شركتها المنتجة لألبوماتها خاصة وان تصريحاتها السابقة عن تامر عكس تصريحاتها الاخيرة حيث سبق ان أكدت أن تامر موهبة لا يمكن أن تتكرر وانه إنسان بسيط وطيب ومحترم "مشيرين اذا كانت تقول انها تعرف ذلك عن تامر منذ بداية مشوارهما الفني فلماذا صمتت طيلة هذه الفترة والآن تتباهي بصراحتها ".
وطالبت المجموعة شيرين بالاعتذار معلنين المقاطعة التامة لألبومها كي لا تكرر هجومها علي تامر حسني

Bisso star

انا بقى عاوز رايكم فى الكلام دة
هل هو حقد على تامر
ولا اية بالضبط

Bisso star

بصراحة انا بحب الاتنين وبسمع كل اغانيهم
بس ساعات كتير بحس ان تامر بوشين من غير زعل
يعنى بيطلع ف اللقائات والبرامج يبين للناس
انة مثالى جدا وانة يحب يبقى قدوة للشباب
وبعد كدةالاقى مثلا كليباتة زى الكليب الاخير من البومة
بيعمل فية حركات بجد انا عن نفسى اضايقت
ساعات بحسة متناقض شوية
بس بصراحة بموت فى اغانية بجد

وشيرين بردة مش ينفع تقول كدة ولازم تراعى
الصداقة اللى كانت بينهم وانا سمعت كلامها بالضبط
وحسيتها بتهاجم اوى
ف الاول والاخر احنا مش نعرف مين الصح
ومين الغلط
بس يابيسو مش اعتقد ابدا انة حقد
لان شيرين من اكتر المطربات نجاحا
ومش قليلة ابدا وليها ملايين الجماهير اللى بيموتوا فيها
زى تامر
بس هرجع واقول الله اعلم انا بحب اغانيهم هما الاثنين

انا بموت فى حاجة اسمها شيرين واعتقد انها مش محتاجة تقول الكلام ده
لان ده رأى ناس كتير اوى فى تامر حسنى
تامر حسنى فنان صوته رائع واحساسه عالى جدا
بس اعتقد انه لو فضل على الطريق اللى ماشى عليه ده للاسف هينتهى بدرى
وبصراحة انا بتضايق جدا من كلام كتير اوى ليه فى اغانيه ومعرفش ازاى الرقابة بتسمحله بيه
ده طبعا غير اللى البنات بتعمله فى اللقاءات الصحفية والحفلات
بس نرجع ونقول احنا مالناش فى الفنان غير صوته وفنه وبس
وحياته دى هو حر فيها
بس شيرين سواء معجبين تامر قاطعوها او سمعوها برضو هتنجح لانها مش اى حد
تقبل مرورى بيسو

انا مع هبه تماما فى وجهة نظرها

و مع انى بحب تامر حسنى اوى

الا انى ليا تحفظ على بعض كلمات اغانيه

اما شيرين فهيا بامانة صوتها بيفكرنا بالزمن الجميل

و كفاية تسمع منها ماشربتش من نيلها

تسلمى يا بيسو

انا من رايى ان تامر فعلا بيستخدم الفاظ مش المفروض فعلا انها تتقال فى اغانى تماما
وبعدين ايةكلمة قفش دى اللى بيقولها وانا اللى نفسى اه كلام الصراحة ملوش معنى
منكرش انى بحب اسمعة بس اكيد فى تحفظات ع طريقة الكلم والاسلوب
شيرين برضو مطربة جامدة جدا والا مكنش البومها حقق النجاح الفظيع دة
ومفيش فعلا وجة مقارنة بين عمرو وتامر ياجماعة دة عمرو اسطورة يعنى تامر من حيث الانتاج الفنى يعتبر زى ابنة ولسة مبتدئ
خلينا نقول الحق

الاتنين فيهم عيوب بس تامر مزودها اوى فى الاغانى والافلام

وشريطه الاخير مسمعتش منه غير اغنية فهمى نظمى وبايخة اوى

» احمد السبكى يجمع تامر حسنى وهيفاء وهبى فى فيلم جديد
» اغنية تامر حسنى و كريم محسن وحسام الحسيني - فجر جديد Cd Q @ 320Kpbs
» حصريا - تامر عاشور - ريمكس ليالي عذابي معاك Dj EuT Mix - توزيع جديد جامد جدا
» قنبلة تامر عاشور ليالى عذابى معاك توزيع جديد حصريا على منتدى تربية
» بالصور..تامر حسنى يبدأ تصوير مسلسله"آدم"..ودرة توقع عقد مسلسل تامر حسني "آدم"