حد يقولى عملت ايه بدراسة السنين

زائر

حد[ندعوك للتسجيل في المنتدى أو التعريف بنفسك لمعاينة هذه الصورة]يرد

دراستى !!!!!!!!!!

هههههه دراستى كلمة ليس لها معنى

الكل بيشتغل شغل تانى خالص

انا بشتغل شغلانة ملهاش علاقة لالتعليم من الاساس

عارفه بحس بأيه وانا شغال بحس بفقدان فى الاحساس فى التعليم

بحس انى ضيعت عمر كبير اوى فى دراسة ملهاش معنى

بحس انى زيى زى الحرفى اللى بيشتغل وجاهل

بس الفرق انه هو يعتبر بدء طريق صح ووفر على نفسه وقت كبير

____________________

اتمنى ان ردى فى التوبيك يكون مقبول
ومش مقتصر على العام فقط
انا كنت هستأذن قبل ما ارد
اشكرك

ياجماعه ليه التشاؤم دا؟!
دا احنا حتى دارسين لغة عربيه يعنى حاجه هتفيدنا لنفسنا
ولو مش اشتغلنا اكيد هنفيد اولادنا يعنى سنين الدراسه مش ضاعت ولا حاجه

وبعدين يابلال لما تدرس وتكون معاك شهاده حتى لو مش اشتغلت بيها
برده هتفيدك

اصبروا بس ياجماعه احنا لسه متخرجين من كام يوم
مفيش حاجه بتجى بسرعه ولابسهوله

[ندعوك للتسجيل في المنتدى أو التعريف بنفسك لمعاينة هذا الرابط].. الأنشقاق ( 6 )

ركزوا فى الايه دى وفى معناها

زائر

شكراعلى ردكم انا عارفة ان الموضوع مؤلم بس انا بقول ان اى شغلافضل من القعدة فى البيت والملل

والله انا شايف ان نبرة اليأس دى لسه عليها بدرى

دا احنا لسه متخرجين اول امبارح

والله يا جماعه الدراسه فادتنى كتير

انا ليا واحد قريبى اكبر منى مش متعلم وبشوف ازاى بيفكر باسلوب بسيط

وعنده احساس بالنقص وابنه بيعرف يقرأ ويكتب

التعليم فادنا كتير بصراحه ومش دا الوقت اللى نندم عليه من عمرنا

واللى عايز يشتغل مش يستنى فى البيت لحد اما الشغل يجى

انا واحد من الناس بدأت دروس وعارف انى هتعب فى الاول

بس دا شىء طبيعى ودا لانى بحب المجال وعايز اكمل فيه

ولو مش بحبه كان ممكن اكمل فى حاجه تانيه

انما القعده فى البيت رخمه كمان لازم نعرف اننا هنتعب كتير فى الاول

فى اى مكان نشتغل فيه لحد ما نوصل لحاجه اسمها استقرار وراحه

اسف عل الاطاله

ايه يا جماعة التشاؤم ده
انتم خلتوني اخاف واقلك من الوقتي
بيتو وبلال انا شايفه انكم متشائمين زياده
انتم لسه متخرجين اهو على رأي ساهر
يا جماعه خططوا وفكروا صح بس
ساعتها الامور هتتغير

ههههههههههههههههههههههههههه

ادعولى يا جماعة انا اتكلمت على مشروع

ولو الفكرة تمت زى ما انا مرتبلها

يبقى انا كدة بدئت اول خطوة

ويارب يكون خير

بس على فكرة ملوش علاقة بالدراسة بتاعتى

ههههههههههه

ربنا يوفقك يا بلال

عاجز عن شكرك يا هبة

يارب معانا جميعا

انى فعلا غير متفائل

الدراسة شيء جميل مميز مقبول لدي الجميع
لكن للأسف هي مثل الخمر ضررها اكثر من نفعها

اسف لو ان الرد ازعج حد
بس فعلا زي ما قال بلال زميل الدراسة والايام الحلوة
هههههههههه
كلمة بلا معني
اومعناهااحنا فهمينه غلط
وان شاء الله هتتعدل وهتبقي فل الفل
عملنااللي المجتمع والناس عاوزينه
يبقي نفيد بعقلنا في اي مجال مش مهم الامهم اننا نفيد

عندك حق يا صاحبى

محدش يشيل الهم الا مكتوب للواحد هيشوفه مهما عمل ومهما خطط احنا نعمل الا علينا وخلاص والمهم لا نقصر وربنا يوفق الجميع يارب ويوفقك يابلال في المشروع ويوفق كل الناس يارب

لما الشباب بيقولوا كدة البنات تعمل إيه
طب انتوا لو اتخنقتوا هتلاقوا اى حاجة تشتغلوها
لكن احنا ملازمين البيت فى كل الاحوال
عارفة ان احنا اللى عاوزينه بنلاقيه ومن غير ما نطلب
بس برضو كلنا بنزهق من القاعدة فى البيت
محتاجين نشتغل بس مش اى شغل بيناسب البنت

ولا بردة اى حد يا هبة يقدر يشتغل اى حاجة

علشان تشتغل اى شغلانة تانية غير دراستك وتقدر عليها

خاصة لو كانت صعبة او هتسويك باى حد

لازم تكون بتقدر تستحمل واعصابك جامدة

والبنات بردة نفس الطريقة والاحسن انهم يقعدوا ويريحوا دماغهم ويسبونا نشتغل علشان نلاقى شغل لينا ههههههههههههههه

ههههههههههههههههههههههههه
يعنى احنا اللى عاملين الأزمة فى الوظايف
خلاص هنسيبها ونشوف هتشتغلوا ساعتها ولا هنلاقيكوا على الكفيهات (احسن من القهاوى)
ههههههههههههههههههههههههه

وبعدين يا بلال انا بقول لو زهقتوا من التدوير على شغل هتلاقوا اى مشروع تعملوه مش من اول شغلانة تقابلنا نشتغلها ومندورش على غيرها
و بالتوفيق ليك يا رب انت وكل الشباب وتلاقى الشغل اللى يرضيك

يارب يا هوبة يارب

وبعدين معايا براحة عليه شوية انا مش قدك

منورة يا جميل

ههههههههههههههههههههههههههههههه
حاضر يا بلال بس انت عارف انا زعلانة ليه وميرضينيش اللى بيحصل
ومتزعلش يا سيدى سماح المرة دى

يا هوبة انا بهزر انا تحت امرك

انتوا متعرفوش معزتكم عندى والله ده انا اما بتكلم مع حد منكم بيخفف عليه كتير اوى من هموم الدنيا

ربنا يخليكم يارب

بيتهيألى لسه فى أمل والتعليم العام ما بيضرش ف أكيد بيفيد

كنت شفت حلقة للأستاذ عمرو خالد عن وقت الفراغ

و قال اتعلموا يا جماعة كل حاجة لغات . كمبيوتر . اى حاجة تحبوا تعملوها وللاسف

مقدرتوش تعملوها او تتعلموها قبل كدة

اتعلموا و الشغل يجى بأى حاجة اتعلمناها بس منقعدش حاطين ايدنا على حدنا مستنين الشغل

الوقت دة هنتسأل عليه ....نقول لربنا ايه

يا جماعة انسوا التعيين
التعليم بيكون الشخصية
بعد ذلك اختر عملا يناسبك أو تقدر تعمل فيه
عشان تقدر تعيش
و بلاش ياس
[ندعوك للتسجيل في المنتدى أو التعريف بنفسك لمعاينة هذا الرابط]

ايه جو التفاؤل دة يا جماعة
بصراحة انا مش عارفة اقول ايه؟
ع فكرة
انا شايفة ان اللى درسناه مش مضر ولا حاجة
يعنى رايئ اللى مدخلش جامعة متعلمش
يعنى الاحتكاك بالناس
بيغير افكارنا
افتكر نفسك قبل سنتين كنت عامل ازاى ؟ وتفكيرك؟
هو اه العلم نور
لكن بعد كدة معاكوا
ساعات بتقلب بضلمه
ودة لو دورنا ع الشغل
بالنسبه ليا بجد اكتر حاجة ممكن اكون مميزة فيها انى اكون مدرسة انجليزى
واتمنى انى اكون ناجحة فيها اوى
او ادعولى اتجوز واربى العيال
ههههههههه
بالنسبة للولاد
الشهادة بتاعتك صدقونى بتكون رفعاك جدا حتى لو اشتغلت مع الحرفيين
واكيد تعب السنين مش هيضيع
يمكن طولت ... تقبلوا اعتذاراتى

همس القلب

نحن لم نعلم حتي الان اهمية الدراسة ولكنه لابد سياتي اوقت الذي سيظهر فيه اهمية الدراسة.
ادعو نلاقي الوقت ده.

اشكر المتابعة منكم ياشباب

سبوها على الله

انا اه بعانى من الكلية ومن الحياة بعد التخرج

بس اهه ماشية وعندى امل انها هتتتغير

اشكركم

» ماذا تعلمت من السنين
» بنت ضد ولد (حد يقولى ايه الى هما عاملينه دا )
» ممكن حد يقولى
» تدور الأيام وتبقى السنين!!
» ونجحنا السنة دى وعقبال كل السنين