التربية العملى وخبرات متعددة .........

تذكير بمساهمة فاتح الموضوع :

انا بعرض الموضوع دة علشان كل شخص يتكلم عن التربية العملى
*ما هى المواقف التى مررت بها و كيفية التصرف بها؟
*ما الذى استفدتة من التربية العملى؟
*او اعرض اى مشكلة قابلتك فى التربية العملى ومش عارف ليها حل ممكن اى حد يساعد ويرد عليك سواء كانت كمادة علمية او موقف تربوى
*موقف احد الزملاء عجبك تصرفة مع اى موقف داخل الفصل اعرضة هنا
انا واضع هذا الموضوع حتى يستفيد بة من سيأتى بعدك ويدرس يعنى لو كل واحد قال موقف واتصرف فية بحكمة هنلاقى بعد سنة 50 موقف وكيفية الرد والتصرف لو وضعت فى هذا الموقف الكل هيستفيد وياريت الموقف يعرض منظم وكيفية التصرف فية بالتفصيل دة هيساعد طلبة كتير بعد كدة فى الكلية

(علم ينتفع بة)

زائر

فى اول حاجه انا بحب اشكرك يا مصطفى لانك بجد فتحت موضوع مهم اوى
والنقطه دى بجد بتضايقنى
لان فعلا غلط اوى اوى ان حد يعمل كدا
مش عارفه هو يعنى بيبقى عايز يفهم الباقيين ( الطلبه ) انه فاهم وهو الوحيد اللى عارف
يعنى اصلا لو جينا نبص لها صح اوى هنلاقى انه بيبن ان الشخص اللىكان بيشرح دا مش فاهم
او مش متحكم فى الماده بتاعته زى الشخص دا
وان هو الوحيد اللى جدير بالاحترام
بصراحه انا لو فى الموقف دا مش هقول حاجه قدام الطلبه طبعا
بس العتاب بينى وبين صاحبتى بره الفصل واكيد
هنتفاهم بالزوق وتعرف بقى الغلط وابينلها ان دا مش صح
بس

يااااة يا مصطفى موقف فى منتهى الاحراج
لا بجد وحش جداااا وانا وزمايلى بنحضر مع بعض الحصص
وطبعا لو حد منهم شاف حاجة فيها تقصير منى يعرفنى بعد الحصة
والمرة اللى بعدها ممكن اقولهم اراجع القاعدة مثلا وازود اللى انا عايزاة
لكن تقوم تشرح كانى انا مش ليا لزمة صعبة اوى
ولو حصل طبعا مش هقدر اتكلم قدام الطلبة وهتفاهم معاها بعد الحصة ان دة مش صح
واننا لازم نراعى شعور بعض لان بكدة
الطلبة بيفقدوا الثقة فى المدرس
فالحل الوحيد اننا نتفاهم بعيد عن الطلبة بعد الحصة
زى ما دودا قالت

الموقف محرج جدا للاثنين والتصرف الصح ان انا متكلمش معاة امام الطلبة لان دة هيقلل منى اكثر ما هو قلل منى واتكلم معاة برة الفصل ومن الاحسن ان نتفق على هذا الموضوع من بداية التربية العملى مهما حدث داخل الفصل انا المسؤل الوحيد ودة احترام لابد يكون موجود بين كل الطلبة لكن لو زميل ليا غلط فى نقطة معينية على السبورة اكتبها فى ورقة واعطيهالو يعرف ان هو غلط بس على الشخص الى غلط ان هو ميصححش الغلط فى وقتها على طول ممكن بعد لما يمسح السبورة يقول كان فى حاجة غلط فى المسألة الى فاتت انظروا فى الكراسة علشان تعرفوا ان انتم نايمين مين يعرفها وبكدة خرجت من الموقف بشكل حلو وفى مدرسين بسم الله ما شاء الله عندهم من الذكاء ما يكفى بلد ان هو لو غلط يقوم بسرعة يقول ( اة يا جماعة انا غلطت فى النقطة دى ) ودة غلط لانك بتقول للطلبة ان انت غلطت ممكن تخرج منة ان انت تقول انا كتبتها غلط علشان اشوف مين الى فايق ومين الى نايم او لو حاجة مش عارفها غلطت فيها على السبورة ممكن ضحكة خفيفة وتقول طيب السؤال دة واجب وشاطر الى يحلة
ماذا لو تدخل زميلى فى الحصة على اساس اننى قلت شىء خاطىء لاكن بعد تدخلة وتركى لة كان هو المخطىء فى كلامة (يعنى يعتقد انة الصحيح وهو المخطىء ) ؟ ماذا ستكون ردة فعلى؟

ليه يا جماعه التوبيك ده وقف ومبقاش فى مشاركه ومتابعه اتمنى ان الكل يتابع لانه بجد موضوع جامد

زائر

اقتباس :: ماذا لو تدخل زميلى فى الحصة على اساس اننى قلت شىء خاطىء لاكن بعد تدخلة وتركى لة كان هو المخطىء فى كلامة (يعنى يعتقد انة الصحيح وهو المخطىء ) ؟ ماذا ستكون ردة فعلى؟

الموقف صعب اوى
بس انا عن نفسى وعارفه انه موقف سلبى جدااا
بس ساعتها هقعد واسيبه يكمل ونتناقش بره وعارفه انه مش موقف سليم
عشان كداا ياريت الكل يجاوب لان محتاجه اعرف
الجواب الصح اللى مفروض نعمله

طبعا منورانى دودا وفرولاية بس انا فى رأيى انة يتغاطى عن شرح زميلة ويشرح المقصود منة تانى ولو استطاع تأكيد كلامة بأكثر من طريقة يبقى افضل بس لا اتجرأ على قول ان زميلى غلط لان دة يقلل من شأنة بعد (توضيحة الخاطىء) ايضا انا اشرح المشكلة تانى وبتفسير اكتر من الاول لانة انا بعثب الريبة فى دماغ زميلى وهو مش متأكد من اجابتى فهل سيقتنع الطلبة بهذة الاجابة مع فرق التفكير الكبير (وعندى كرياضيات ممكن اثبتها يأكثر من طريقة ) بس لا اترك الطالب فى نص البحر واسيبة لازم اوضحها واقولة الصح
*لو مدير المدرسة طلب مننا ان نعمل شىء خاطىء وفى متناولنا ان نفعلة كمثال (ان نعطى طالب درجة فى مادة معينة كى ينجح لانة ابن فولان ) ما هو الموقف الصحيح الذى اتخذة وما هو الرد على المدير فى هذا الوقت علما باننى انا المسؤل الاول والاخير عن هذة الدرجة ؟

زائر

اقتباس :: (ان نعطى طالب درجة فى مادة معينة كى ينجح لانة ابن فولان ) ما هو الموقف الصحيح الذى اتخذة وما هو الرد على المدير فى هذا الوقت علما باننى انا المسؤل الاول والاخير عن هذة الدرجة ؟

لو انا مدرسه بقى والفصل بقى مسئول منى
مش هوافق طبعا
لان مش بحب اظلم حد ولا ادى حق حق لحد تانى
يبقى حرام عليا طبعا وانا مش هقبل بيه
كل اللى هقوله معلش خليه ياخد باله من الشرح وافضل ان اساويه بزمايله اظن الكلام ميزعلش
وحتى عشان الطالب يعتمد على نفسه يعنى هفهمه ان دا من مصلحه الطالب

دة هيخلق مشاكل بينك وبين المدير وهيحطك فى دماغة وطبعا مفيش تثبيت يعنى ورقة حلوة وشكوة فيكى تانى سنة تلاقى نفسك برة المدرسة (تعاقدات وبتتمد بسنة )دة لو المدير مرتاح انا عاوز حل وسط وميظلمش حد

اييييييييييييييييييييييه مفيش حد رد على مصطفى ليه ردى يا دوددا عشان التوبيك يشتغل

زائر

مصطفى المصرى كتب:: دة هيخلق مشاكل بينك وبين المدير وهيحطك فى دماغة وطبعا مفيش تثبيت يعنى ورقة حلوة وشكوة فيكى تانى سنة تلاقى نفسك برة المدرسة (تعاقدات وبتتمد بسنة )دة لو المدير مرتاح انا عاوز حل وسط وميظلمش حد

خلاص حلها انت بقى لان بجد مش عارفه اوصل لحل خالص

لاتكونن للأمور هيوباً

فإلى خيبة يصير الهيوب

وما الخوف إلا ما تخوفه الفتى

ولا الأمن إلا مارآه الفتى أمناً

المتنبي

إذا فزعنا فإن الأمن غايتنا

وإن أمنا فما نخلو من الفزع

وشيمة الإنس ممزوج بها ملل

فما تدوم على صبر ولا جزع

موضوع رائع بارك الله فيكو بس انا عندى سؤال هو الحضور فى التربيه العملى دا مهم اوى اصل انا دبلومه عامه وعندى تدريب الترم التانى هو بيبدأ امتى اصلى مسافره الترم التانى يعنى لو رجعت على امتى كده ممكن الحق ويبقى عادى اصل الموضوع دا شاغلنى اوى وهو انتوا اللى بتختارو المدرسه ولا الكليه ممكن تفيدونى

هو الحضور فى الدبلومة مهم طبعا و الكلية هى الى بتوزع على المدارس بس مش عارف ممكن تسألى فى الدراسات العليا ممكن يفيدوكى اكتر ممكن يكون فى ورق يتقدم يعفوكى من الحضور والله اعلم ولو قالو لأ ممكن تتفاهمى من الموجهة بتاعك علشان الغياب والدرجات وتفهميها وضعك وممكن يحضرك بس دى بتبقى تبع الموجهة والدكتور الى من الكلية الى بيجى لكم المدرسة (نصيحة روحى للدراسات العليا واستفسرى منهم على كل حاجة او اطلعى للدكتور تودرى مرقص وكيل الدراسات العليا وهو راجل محترم )

مصطفى المصرى كتب:: هو الحضور فى الدبلومة مهم طبعا و الكلية هى الى بتوزع على المدارس بس مش عارف ممكن تسألى فى الدراسات العليا ممكن يفيدوكى اكتر ممكن يكون فى ورق يتقدم يعفوكى من الحضور والله اعلم ولو قالو لأ ممكن تتفاهمى من الموجهة بتاعك علشان الغياب والدرجات وتفهميها وضعك وممكن يحضرك بس دى بتبقى تبع الموجهة والدكتور الى من الكلية الى بيجى لكم المدرسة (نصيحة روحى للدراسات العليا واستفسرى منهم على كل حاجة او اطلعى للدكتور تودرى مرقص وكيل الدراسات العليا وهو راجل محترم )

اولا شكرا على الرد

طيب هو الدكتور دا فى قسم ايه

ورايك ايه اروحلوا دلوقتى ولا فى اخر امتحان

يعنى هو التدريب دا بيبدا مع بدايه الترم التانى ولا بيتاخلر شويه ؟

انا طبعا عشان ظروف الامتحانات مقرأتش الموضوع

بس هو فكرته تحفة

عجبتنى جدا

بجد تسلم الايادى
ان شاء الله ليا عودة قريب جداااااااااا

» وزارة التربية والتعليم تحذف فصلاً كاملاً عن مبارك من منهج التربية الوطنية بالثانوية العامة
» لتربيه العملى قسم فرنسى(مزاكره اولى ثانوى)
» :: فيلم نقطة رجوع :: نسخه فى سي دى أصليه Original VCD :: روابط متعددة
» اختبار التربيه البيئيه
» الدبلومة العامة فى التربية لغة عربية