صعبة المنال
عضو ماسى
 
عدد المساهمات : 5992
العمر : 35
المزاج : كنت smile قبل الجامعة وقبل ما أحب الزمالك
الدوله : 
المهنه : 
الهوايه : 
النقاط : 63733
 |  موضوع: رد: @! كافيه تربيه!@  السبت أكتوبر 17, 2009 11:42 am | |
|
اللهم صلى وسلم ع سيدنا محمد
النهارده كان يوم جميل اوووووووووووووي رغم انه كان يوم متعب جدا
اولا صحيت من النوم الساعه 9 الصبح قعدت ع الكمبيوتر شويه لحد الساعه 9 ونص بعدين قمت علشان اجهز والبس هدومي علشان اروح الكليه هو المفروض كانت اول محاضرة عندي الساعه 8 بس انا بنزل ع محاضرة الساعه 12 وطبعا هنزل بدري شويه علشان انا وصحبتي نقعد نرغي مع بعض شويه قبل المحاضرة ( ده ع اساس اننا مش بنتكلم ف المحاضرات خااااااااااااالص )
المهم نزلت تقريبا الساعه 10 ونص ووانا ف الطرق للكليه ركبت تاكسي وركب معايا في نص الطريق راجل كبير بس مش كبير اوي يعني
المهم فضل طول الطريق ساكت واول ما قربت اوصل للجامعه بدأ يحكي حكاية والله كنت هموت واسمع الباقي وكان نفسي التاكسي يقف ف الطريق باي شكل بس هعمل ايه وصلت ومش سمعت باقي الموضوع
المهم وصلت وقابلت صحبتي فضلنا نرغي شويه وبعد كده رحنا صلينا الظهر وبعدين رحنا ع المحاضرة كان عندنا د/ عمر عبد المعطي المهم ف الاخر الدكتور مجاش واعتذر طبعا فرحنا مووووت نزلنا واكلنا وقابلت فرولايه وبسنت ومارو وهمسه حنين ودودا وبعدين طلعنا تاني الدور الخامس علشان محاضرة د / الجمل ودخلنا المحاضرة وطبعا انا وصحباتي طول المحاضرة كلام ولعب ولعبنا بنت ولد وكام لعبه بالورق والمحاضرة خلصت اخيرا ورحنا السكشن كان من 4 ل 5 وكان عندنا معيده ما شاء الله عسل عسل ربنا ما يوريكم المهم السكشن خلص
نزلت انا وصحبتي قعدنا ف الكليه شويه وشفت دودو2009 وبعدين روحت مع اصحابي المهم لقينا تاكسي بالقوة وبعد معااااااانااااااااه وبعدين ركبنا الميكروباص وكنا كلنا بنوتات وفي ثلث الطريق تقريبا الميكروباص عطل بينا ووقفنا كان شعور لذيذ والله المهم اخيرا وبعد طول انتظار الميكروباص اتصلح واتعرفت فيه ع كام بنوته من صيدله فضلت ارغي معاهم وكان فيهم بنوتين زملكاويه وواحده اهلويه طبعا كنت انا عليها وغلبتها ف الكلام طبعا ده الزمالك
وبعدين وصلت وروحت وقعدت شويه بعد كده اتغديت وانا بتفرج ع التي في وبعدين قعدت ع الكمبيوتر واديني اهو بقول يومي
هااااااااا ايه رأيكم بقى في يومي ؟؟
| |
|
