حوار مع فرخة مشهورة .....ههههههههههه

السلام عليكم ورحمة الله وبركاته

السادة اعضاء وزوار منتدانا

اهلا وسهلا بكم

حوار مع فرخة مهمة

طبعا الكل عارف النجمة الفرخة اللامعة اللي عملت أغنية ( إدبحني يا معلم ) اللي نزلت على نجوم إف إم من فترة قريبة

بل و على قنوات الراديو كلها تقريبا .
إنطلاقاً من الشهرة اللي حققتها الأغنية دي قامت شركة ( روتانا فور تشيكن ) بإرسال طاقم من الغربان مكوّن من مذيع
و عدد من المصورين و ذلك لإلقاء الضوء أكثر على نجمتنا الساطعة .
المهم راح الطاقم ده متوجه إلى مزرعة الدواجن اللي الفرخة عايشة فيه وراح المذيع مخبط على باب العشة
تك تك تك تك
النجمة فتحت الباب و بصت فاتخضت راحت قافلة الباب بسرعة
المذيع : حضرتك متخافيش إحنا جايين لحضرتك من شركة ( روتانا فور تشيكن ).
النجمة : و الله ؟ . طب ثواني .
و راحت نجمتنا فاتحة الباب و دخلت الطاقم .
النجمة : إتفضلوا إرقدو عل البيض لغاية لما أجيبلكوا حاجة تشربوها .
المذيع : لأ مفيش داعي حضرتك , إحنا جايين نعمل مع حضرتك إنترفيو مش أكتر .
النجمة : لأ اتفضلوا براحتكو . إسألوني اللي إنتو عايزينه .
المذيع : أولاً , ممكن نجمتنا تعرف نفسها للجمهور .
النجمة : كوكي
المذيع : ممكن الإسم الثلاثي معلش ؟ .
النجمة : كوكي بيض الخزين مسلوق .
المذيع : و بالنسبة للمؤهل الدراسي ؟ .
النجمة : ليه الإحراج ده بقة , للأسف مفيش , بس بعرف أقرا و أنكش .
المذيع : و هل ممكن تقوليلنا عن سنّك ولا ده سرّ من أسرار النجوم ؟
النجمة : عندي 31 شهر .
المذيع : طبعا إحنا عارفين إن كل نجم و ليه هوايات , فإيه هيّا هواياتك ؟ .
النجمة : الصراحة معنديش غير هواية واحدة و هي في نفس الوقت موهبة . الحمد لله بكاكي حلو أوي .
المذيع : و يا ترى بتحبي تكاكي لمين ؟
النجمة : بحب أكاكي للفنان ( كتكوت الصغيّر ) اللي إشتهر بأغنية ( العلف العلف العلف ) .
المذيع : ممكن نجمتنا تقولنا إزاي دخلت الفن من أوسع أبوابه ؟ .
النجمة : و الله أنا كنت مقدمة في ( فراخ أكاديمي ) في المنوفية و كسبت الحمد لله بفضل ربنا أولا و الجمهور .
المذيع : و إيه تعليقك على فنانات الوقت الحالي من حيث الأداء و المظهر .
النجمة : الأداء زفت . أما بالنسبة للمظهر فأنا بتمنى إنهم يتحشموا شوية في الريش اللي بيلبسوه .
المذيع : و بالنسبة للفنانين .
النجمة : نفس الكلام برده , بلاحظ إن كل ديك يطلع يغني يجيب حواليه ميت فرخة مودلز بريش خليع و حركات
تخلّ بالعرف .
المذيع : في نهاية الحوار عايزين نجمتنا تقول كلمة للجمهور .
و فجأة دخل صاحب المزرعة و ف إيده سكينة , راحت الفرخة بلعت ريقها
و قالت : أتمنى إن جمهوري العزيز يفتكرني بالخير , وسلام بقة عشان رايحة أصور الكليب .
المهم بعد يوم إنتشر خبر وفاة نجمتنا على جميع القنوات اللي بتطير و الأرضية و عم الحزن عل الجميع.
و واجب علينا إننا نقرالها الفاتحة
و عل العموم بالهنا و الشفا للي كلها
و بقوله اللي ياكل لوحده يزور]

ياحول الله يارب ملحقتش تفرح بشبابها
..ههههههههههههههههههههههههههه
هههههههههههههه
تسلمى ياكوين
حواااااااااار صعب
ولكن المأساه أصعب
ربنا يصبر أهلها

هههههههههههههههههههههههههه

منورانى ياقمر دايما تسلميلى

ههههههههههههههههههههههههههههههههههههههههههههههههههههههه
هى لحقت
فعلا صورت بس بدل ما تصور الكليب اتصورت قتيله
ههههههههههههههههههههههههههه
حلوه اوى يا رومانس كوين تسلمى

الموت علينا حق
لا اله الا الله دا كانت لسه في عز شبابها
يادوب كانت لسه فرخه شمورط(صغيره علشان محدش يقول ايه الكلمه الغريبه دي)
هههههههههههههههههههههههههههههههههههههه
ههههههههههههههههههههه
حوار جد حلو وجامد
تسلم ايديكي كوين ودايما متالقه يارب
وربنا يكرم الجميع

هههههههههههههههههههههههههههههههههه

ان لله وان اليه راجعون دا انا لسه شايفه قدامى من كام يوم بتتمختر ياخسرت ياكوكى ياحبيتى مكنش يومك

هههههههههههههههههههههههههههههههه حوار جامد تسلمى

هههههههههههههههههههههههههه
عسل يا كوين والله
زعلتيني ع كوكي حبيبتي دي ملحقتش تفرح بشاببها
يلا كلنا لها والموت علينا حق

منورين التوبيك بجد

مرسى اوووووووووووووى مارو ....... مستر حورس

همسة حنين............صعبة المنال

تسلمولى التوبيك نور بيكم بجد

هههههههههههههههه

هههههههههههههههههههههههههه

يا خسارة عالم الفن افتقدها

يا ترى مين هيدلعنا بعدك يا كوكي

هههههههههههههههه

اية الجمال دة يا كوين

تسلمى يا رب

» حوار مع فرخة مشهورة
» فرخة فاقده الذاكره ( لاحول ولا قوه الا بالله )
» اغرب حوض سمك ههههههههههه
» الكارتون بعد 60 سنه ههههههههههه
» نكت مش بتضحك خالص ....... ههههههههههه