مشكله عاطفيه الى حد ما مستنى رايكم

‏



شوفوا يا جماعه المشكله اللى انا هعرضها دلوقتى مشكله غريبه الى حد ما

و هى مشكله عاطفيه بتخص واحد من اعز اصدقائى .. وعلى فكره هوميعرفش

وانا مستنى رايكم لان انا ياما نصحته وهو مش عارف يعمل ايه


الموضوع وما فيه ,انه بيحب و احده لى درجه انى كل كلامه عليها

ومش بيفكر الا فيها

و الحب ده بدأ من ايام الثانوى و بالتحديد فى اولى ثانوى

كانت معاه فى الدروس وبالتحديد فى درس الانجليزى

الواد ده حبها من اول نظره و حبها بجد حب من كتر ما حكالى

عن حبه لها انا قولت قيس و ليلى بجد

وعلى فكره هو واد متدين و حبها بجد و نيته اللى هو يكمل معاها

وعمره ما كلمها ولو لمره واحده يبحبها حب صامت بالنظره بس

و هو متأكد انها بتحبه مش بس بتحبه بتمووووووووووووووت فيه (احساسه)

بس هو ميعرفش اى حاجه عنها . ميعرفش الا اسمها فقط اسم ابوها مش عرفه

و لا يعرف هى سكنه فين . ميعرفش غير انها من مركزه فقط حتى ميعرفش اصحابها

كان بيشوفها على طول و اولى ثانوى وكان الحب كل يوم بيزيد

طلع تانيه وحصل مشكله انى المجموعات اتفرقت .ومعدش بيشوفها

زى الاول كان بيشوفها ايام ايام . بس الحب كان بيزيد كل يوم

طلع تالته .وفى تالته مكنش بيشوفها خالص بس كان يبفكر فيها على طول

هو بس شفها مره واحده بالصدفه .هو وهى وقفوا امام بعض ينظروا لبعض

و مفيش كلام كان بيحيها لدرجه انه بيكلم عنها على طول

لدرجه انى نصحته يفكر فى المستقبل و ميفكرش فيها لان هى عمليه

قسمه و نصيب

و هو بصراحه اخد بالنصيحه واهتم بالمذاكره

وهو الحمدلله جاب مجموع حلو ................ المهم

دخل الجامعه وهو بيفكر فيها لسه منسهاش وتملى يكلمنى عنها لحتى الان

لدرجه انه العام الماضى راح كليات الجامعه كلها علشان يعرف هى فين مش عارف

ياما نصحته ينسى حتى اخرها النهارده

قولت ليه بالعربى لو ربنا كتبها ليك هتكون ليك لانها عمليه قسمه و نصيب

بس هو مش قادر ينسى


علشان كده عرضت المشكله دى

علشان بجد عاوز حل للمشكله دى لان زى ماقولت انه من اعز اصحابى

ويهمنى مصلحته


وعلى فكره هو ميعرفش انى انا هعرض المشكله بتعته


مستنى نصايحكم و ارائكم

شكرا يا جماعه على ردكم الجميل ده بجد بس

اولا هو عنده 20 سنه مش 18 زى ما بلال بيقول
ثانيا هو ميعرفش هى فين علشان يروح ويكلمها هى دى المشكله
ثالثا هو دا اول حب فى حياته علشان كده مش قادر ينسى
رابعا لو هو يعرف هى فين كان هيروح و يكلمها و يصرحها و تتحل المشكله

وعلشان كده هو اسه بيفكر فيها


مستنى رايكم

شكرا يابلال بجد على اهتمامك بالمشكله دى وحرصك على تقديم النصيحه

بس هو من ناحيه الجواز قهو قادر و ابوه بيشجعه انه يجوز فى الوقت ده

لان ده الابن الوحيد ليه وعاوز بفرح بيه ماشى

ثانيا هىدى البنت اللى عاوز يجوزها بس المشكله انه مش عارف هى فيييييييييييييييييييين

علشان يقولها

شكرا يا doddaعلى الرد الجميل ده

و يارب يارب يشوفها علشان يصرحها لانه مهووووووووووووووووووس بها بجد

لان متاكد انها بنحبه

انا مع بلال في كلامه شايفه انه يسيب كل شئ لربنا ولو ربنا كاتب انها تكون الانسان الي هيرتبط بها هتكون مهما كانت الظروف