اكتب احلى موقف مضحك حصلك فى حياتك

اكيد كل واحد فينا اتعرض لموقف مضحك فى يومه العادى

ماشى المهم ، كل واحد فين يكتب الموقف ده بصراحة ومافيش حد يرخم على حد ويعلق تعليق رخم علشان اللعبة تبقى حلوة ماشى ......
يعنى انا مثلا مرة كنت فى المصيف وكنت مع اخواتى وكنا راكبين تاكسى وقولنا لسوائق استنى هنا نجيب حاجة بسرعة ونرجع معاك تانى المهم روحنا و متاخرنا (فهو كان قال لنا انا هقف على الصف التانى ) فاحنا روحنا الصف التانى ورحنا راكبين تاكسى تانى خالص واعقدين بقا وقولنا ليه احنا متاخرناش اهو اطلع ومستنيين ان الراجل يطلع مطلعش فقال انتوا الكاميرا الخفية ولا ايه هوانتوا تعرافونى قبل كده ، قولنا ليه اسفين واعقدنا نضحك لحت ما وصلنا.... والمضحك ان التاكسى التانى كان واقف اقدامه وشفنا بعد كده

ههههههههههه حلوه اوى فكرة الموضوع ويا ريت باقى الاعضاء تتفاعل
انا بقى حصلى موقف كنت محرجه منه قوى من شهر ايام ما كنا بتقدم الاوراق للكليه فركبت تاكسى انا وصاحبتى وقلنا للتاكسى بوابة حقوق المهم وقف الناحيه التانيه قدام مركز التجديف للضباط تقريبا مش فاكره اسمه المهم هو تبع الضباط ونزلنا من التاكسى ودخلنا من غير ما ناخد بالنا وفاكرينه حقوق المهم الرجل وقفنا واحنا داخلين استغربنا فسالنا انتوا راحين فين فقلنالوا حقوق قلنا الناحيه التانيه مش هنا فخرجنا واحنا فى نص هدومنا

ميرسى نانو لاهتمامك ومرورك

والفكرة جديدة

الموقف اللى حصلى
فى يوم ادام الادارة العامة بتاعت الجامعة من برة
يعنى ادام الكتاب

كنا بنعدى الطريق علشان نوقف تاكيى المهم كنا ثالاثة هما وقفوا وانا كنت بعدى الطريق
المهم انا كنت بعدى وبعدين لقتنى حاضن ميكرو باص فجريت لقتنى ادام مسكروباص تانى وجريت منه لقتنى ادام تاكسى
والحمدلله متخبطش يوميها
والمضحك ان التلاتة كانوا بشتموا فيه زى (انتا مبتشوفش وانتى اعمى و...............)
واصحابى اتخضوا عليا
وانا واقف بضحك وميت على روحىمن الضحك
آم سواق التاكسى واقف ونازل من التاكسى وكان عاوز يضربنى وكل دة وانا لسة بضحك
آم صحبى هداه وقلة معلشى اصلة مجنون
والموقف دة عمرى مهنساه فى حياتى
(الضحك والامبالاة فى الظروف الصعبة)

هههههههههههههههههههههههه بصراحه مواقف كلها تضحك اوى
انا بقه كنت رايحه الكليه ومكانش معايا فكه فنزلت عشان افك فلوس
ورجعت عشان ادفع للتلكسى دفعت لواحد تانى واقف قدامه وفضل مستغرب وبيبصلى
وانا مستغربه هو ليه بيبصلى كده وبعدين اكتشفت ان التاكسى التانى اعد يشاورلى ويضحك ويزمر رحت اخده الفلوس من ده عطياها للتانى
حسيت يومها بالغباء بجد هههههههههههههههههههه

ومره تانيه انا كنت خارجه من المدرسه فى اولى ثانوىوالمفروض ان اخويا مستنينى اخرج
ولقيت العربيه واقفه وبفتح الباب لقيت كلب اسود قاعد على الكرسى اللى قدام
فصرخت وقفلت البال بسرعه واكتشفت برده ان دى مش العربيه بتاعتنا ولقيت عربيتنا واقفه فى الناحيه التانيه
واخويا هزانى يومها وبعدين اعد يضحك عليا طول الطريق

» دى احلى صور ورد لاحلى عيون اعضاء فى احلى منتدى فى الدنيا
» احلى ميلات من احلى بنات لولاد المنتدى وبس
» هاتعمل ايه لو حصلك ده...........
» سنة جديدة ....حصلك ايه في اللى فاتت.... وهل كانت ؟؟؟؟
» لو حصلك اللى حصل لصاحبنا ده هيكون رد فعلك ايه