أسئله سخيفه أيام الطفوله

أسئله سخيفه أيام الطفوله

لعل أجمل مافى أيام المراهقه هو ... تخلصك من الاسئله السخيفه التى كانت تلقى عليك وانت مازلت طفل صغير.
أسئله سخيفه جدا ولا تجد لها اجابات مقنعه .

مثلا يأتى أحد الاقارب الى المنزل لزيارة العائله ... وتفاجأ بالسؤال التالى :
1- بتحب ماما أكتر ولا بابا ؟؟
حقيقى ده كان بيبقى سؤال منتهى الغباء وخصوصا لو الاتنين موجودين ... ياعم بحب الاتنين
يقول لا اختار حد واحد منهم ..... ( ياعم يخرب بيت غباوتك )

سؤال تانى اعتقد انه ثابت عند الجميع
2- نفسك تطلع ايه لما تكبر ؟؟؟؟
ياعم الله يكرمك انا عايز اكبر وخلاص .... ( يعنى هكون طالع فوق السطوح يعنى ؟؟ )
مش بقولكم غباوة !!!

4- ( أنا اسمى ايه ؟؟ )

يكون من شخص من العائلة عادة ... وغالبا ماتكون لاتعرفه .. والاغلس انه عارف كده كويس
والمشكله انك لو قلت اسمه يكافئك بسؤال تانى ... ( طب انا اقربلك ايه ؟؟ )... غبااااااااء

( 5- بتحب خالو قد ايه ؟؟؟ )

غالبا مايكون هذا السؤال مسبوقا بهدية تم تقديمها اليك.. ويجب ان تكون الاجابه هكذا
تقوله .. ( قد البحر ) ... او ان تفرد ذراعيك وتقول ( قد كده )
مرة سألت بنت أختى السؤال ده وكنت مزعلها.. فردت ذراعيها وقالت : ( مش قد كده )

( 6- اللى يشتم أكبر منه يبقى ايه ؟ )
طب ياجدعان واذا كان الكبير ده خنيق زى اللى بيسأل يبقى ايه ؟؟؟؟؟؟؟؟؟

( 7- اللى يكدب يروح فين ؟؟ )
على حسب الكدبة ياعم انت

( 8- الولد الشاطر يقول ايه ؟؟ )
يقول حاضر وشكرا ولو سمحت وبعد اذنك وحضرتك يا طنط .. واسف مش هعمل كده تانى
حاجه خنقه قوى ياجدعان

( 9- مين اللى جابلك الساعة الحلوة دى ؟؟ )
غالبا مايكون صاحب السؤال هو الذى أحضرها لك
بس تقول ايه بقى لازم يمرمط ويذل أهلك بيها

( 10- طلعت الكام على المدرسة السنة دى ؟؟ )
لا والله مكنش فيه ترتيب حضرتك
انت مال اهلك يارخم ؟

كل ده كوم .. واللى جاى كوم تانى بقى
أسئلة فضولية تنهال عليك من بعض الاشخاص... تعالوا نشوف
الاسئلة الفضولية ..
هى الاسئلة التى تنهال عليك عندما ينفرد بك أحد أقاربك الكبار أو احدى الجارات الفضوليات بعيدا عن بابا وماما
"" ها .. اتغديتوا اية النهاردة ؟؟؟ "" ..... " طنط سلوى جابتلكم ايه معاها من السعودية ؟؟ "
" هى أختك الكبيرة فسخت خطوبتها ليه ؟؟ " ...... " بابا كان بيزعق ليه امبارح ؟؟ "

امتى بقى نخلص من الغباوة دى ؟؟؟؟؟
طبعا لما نكبر بنتخلص من الغباوة بس مش بتخلص منها للأبد
احنا بنترحم من ان حد يمارسها علينا ... عشان نمارسها احنا على الاطفال

مع تحياتى
محمود صقر

امتى بقى نخلص من الغباوة دى ؟؟؟؟؟
طبعا لما نكبر بنتخلص من الغباوة بس مش بتخلص منها للأبد
احنا بنترحم من ان حد يمارسها علينا ... عشان نمارسها احنا على الاطفال
هههههههههههههه تمام كدا يا محمود

امتى بقى نخلص من الغباوة دى ؟؟؟؟؟
طبعا لما نكبر بنتخلص من الغباوة بس مش بتخلص منها للأبد
احنا بنترحم من ان حد يمارسها علينا ... عشان نمارسها احنا على الاطفال
..

ههههههههههههههههههههههههههههههه
ميرسى كتيييير يامحمود
حقيقى توبيك رووووعه
أسئله سخيفه أيام الطفوله So3ad_Hosny

..
شروق الشمس

هههههههههههههههههههههه

حلو اوى يامحمود

ههههههههههههههههههههههههههههههههههههههههههههههههههههههه
هى مش غباوه اوى هى غباوه نص نص
هههههههههههههههههههه
اصل هتتكلم مع الاطفال هتقوله ايه غير حبة الاسئله دى ؟
ههههههههههههههههههههههههههههههه

ههههههههههههه بجد التوبيك ده عجبنى اوى

هههههههههههههه
بجد غباوة غباوة
وكان بيحصل
ميرسى ع التوبيك

( 7- اللى يكدب يروح فين ؟؟ )
على حسب الكدبة ياعم انت

ههههههههههههههههههههههههه
اللى بيكدب بيروح مارينا

هههههههههههههههههههههههه
فعلا اسئله غبيه غبيه هههههههههههه
تسلم يامحمود

» رحله الى الطفوله
» عندما تمتزج الطفوله بالبراءه
» أسئله حــــــواء يجيب عليها أدم
» أغبى خمسة أسئله في العالم
» اللى من مواليد 85-92 يدخل ويتذكر ايام الطفوله