اية رئيك في حكم مبارك

السلام عليكم ورحمة الله

إزيكم ياجماعه عاملين أيه أتمنى كل أعضاء المنتدى يكونوا يخير.
موضوعى النهارده هيناقش بعض إيجابيات وسلبيات الحكم فى مصر,بس قبل ما أتكلم حابب أوضح حاجه ,أنا غرضى من الموضوع ده مش سياسه أو إنى أعمل موضوع وخلاص ,أنا عامل الموضوع ده علشان كل الاعضاء تقول رأيها واللى عنده سلبيات يضيفها والى عنده ايجابيات يضيفها واللى ماشى فى الشارع شاف حاجه معجبتوش فى البلد شغال يقول واللى شاف حاجه عجبته يقولنا برده,المهم أنا هبدأ فى الموضوع وهبدأ إن شاء الله بالايجابيات علشان نفسى ونفسكم تتفتح لأنى عارف كويس إن السلبيات أكثر بكثير من الايجابيات.

أ-الإيجابيات التى حدثت فى عصر مبارك:

1-إنشاء مترو الانفاق (أعظم وسيلة مواصلات حضارية دخلت مصر لغاية دلوقتى) متتخيلوش أيام السبعينات والثمنينات المواصلات كانت عامله إزاى أكيد بنشوفها فى الافلام القديمه على التليفزيون انا مش متخيل لو المترو ده مش موجود المواصلات كانت هتبقى إزاى بس اللى انا متأكد منه إنى مكنتش هروح الجامعه.

2-إنشاء كوبرى 6 أكتوبر (حل أزمه مروريه كبيره) وأيضا كوبرى الدائرى.

3-عمل تمهيد لكل مداخل ومخارج المحافظات بمعنى أدق كل مداخل ومخارج المحافظات اتسفلتت وكمان مداخل ومخارج القرى ,زمان مكنتش تعرف تدخل محافظات كتير لان الطرق مكنتش ممهده ومجهزه.

4-إدخال التكنولوجيا شامله المحمول والانترنت وأنا شايف إن مصر أسرع دوله إنتشر فيها الإنترنت والمصريون أكثر شعوب الدول العربيه تواجدا على شبكة الانترنت بكثره (شاتات,منتديات.......... الخ).

5-وعى الشباب زاد بدليل الاف الشباب الذين يشاركون بفاعليه من خلال المواقع الالكترونيه والمنتديات,والمظهر الخارجى للمصريين فى الملابس والهيئه الخارجيه تحسن كثيرا.

6-إرتفاع مستوى معيشة الطبقه المتوسطه فقد أصبحت الطبقه المتوسطه فى مصر هى الطبقه العريضه عكس زمان كانت الطبقه الفقيره هى الطبقه العريضه والاساسيه , الغالبيه من الشعب تحسنت أحوالهم فى شتى المجالات ومتوسط الاعمار زاد عن ماقبل الثوره وعن فترة الستينات ووفيات الاطفال قلت , طبعا أنا مبقولش ان مفيش فى مصر ناس عايشه تحت مستوى الفقر فى طبعا لكن أنا بتكلم عن الطبقه المنتشره حاليا وطبعا الطبقه المتوسطه دى متدرجه فى الحاله الاجتماعيه.

7-طبعا فى برنامج الرئيس الانتخابى كان قد وعد بتطوير منظومة النقل وفعلا الاتوبيسات الجديده والمينى باصات ملت شوارع القاهره .

ـــ أنا شايف إن القاهره بتتجدد بس إحنا مش حسيين يعنى النقل بيتغير ودلوقتى بيغيروا سيارات الاجره القديمه أنا عارف إن دى مشكله للسواقين بس الحكومه لما بتيجى تعالج مشكله مبتبصش لمصلة المواطن اوى , بس دلوقتى لما بمشى فى الشارع بلاقى سيارات الاجره الحديثه (الدايو لانوس-شيفروليه أفيو-الشاهين-الهينداى فيرنا) كل ده شكل حضارى للبلد ومساعده فى تقليل عمليات التلوث.

ب-مساوىء حكم مبارك:

1-تراجعت السياسة فى عهده إلى حد الجمود,فمصر تواجه حالة من المستقبل السياسى الغامض بعد تجمد كل جهود الاصلاح السياسى,وكل الملتفين حوله فهم شركاء له فى هذه الصفقة صفقة الركود والشلل السياسى.

2-تضخم عدد قوات الأمن حيث تحول الى وحش أسطورى هائل مهمته حماية الرئيس. هذا هو الإنجاز الأكبر لحسنى مبارك.

3-هناك انهيار للبنية الأساسية يتمثل فى حوادث قطارات لا تنتهى وعمليات غرق متكررة للعبارات ومعاناة من غياب المياه النظيفة علاوة على انتشار الفساد

4-ذلك يواصل النظام فرض قوانين الطوارئ التى تمكن الحكومة من الاستحواذ على سلطات واسعة لاعتقال المشتبهين. وقد قام مبارك بفرض هذه القوانين الجائرة منذ أن تولى السلطة بعد وفاة السادات.لماذا قانون الطواريء ؟

ما فائدته ؟

كل رجال القانون الشرفاء اجمعوا علي عدم ضرورة وجوده .. و انه موجود لخدمة السلطة و الاعتقالات و ليس للقبض علي تجار المخدرات كما يدعون فى الحكومة,قانون بغيض,قانون يسمح بالقبض علي مواطن مصري دون اي قيود و دون توجيه اتهامات و بدون محاكمته
هل هذا يسمي قانون ؟؟؟؟؟؟؟؟؟؟

5-20% من سكان مصر يعيشون تحت خط الفقر.

6-لم يتجه الي ( فتافيت ) الديمقراطية كما سمها الاستاذ وائل الابراشي الا عندما اصبحت هناك ضغوط خارجية قوية و لمحاولة تحسين صورته ..

7-ضياع الملايين من اموال الدولة علي مشروعات زائفة غير مجدية مثل توشكي و استصلاح اراضي في سيناء وقدمت كتبت موضوع عن توشكى باسم( ضاعت فلوسك ياصابر والحلم ضاع) أوضح فيه مقدار التجاوزات.

8-الحزب الغير وطني الغير ديقراطي هو اكثر الاحزاب فسادا :
يحتوي علي احمد عز محتكر الحديد و المتهم بالتربح غير المشروع
من اين له كل تلك المليارات و هو ف ال 40 من عمره و من عائلة عادية ؟؟؟؟؟؟؟

9-سوء الاحوال الصحيه
السرطان : تضاعف 8 مرات .أعلى نسبة في العالم
الذبحة الصدرية :20 % من الحالات شباب تحت الأربعين
البلهارسيا : أعلى نسبة في العالم
السكر : ‏7‏ ملايين .. ‏10 %‏ تقريبا من عدد السكان
إلتهاب كبدي : 13 مليون.. 20 % من الشعب فشل كلوي : أعلى نسبة في العالم

10-الأحوال السياسية :

سيطرة وفساد النخبة الحاكمة، مراكز قوى، الإعداد لتوريث الحكم،تزوير انتخابات،قمع المعارضة،اعتقالات،تعذيب حتى الموت،انتهاك لحقوق الإنسان، إلغاء دور النقابات والجمعيات الأهلية , أكثر من 2,3 مليار جنيه خسائر بشركات القطن و 8 مليارات جنيه خسائر شركات الغزل والنسيج و 12 مليار جنيه العجز الإجمالي لسكك حديد مصرخسائر 10 مليارات جنيه بقطاع الإذاعة والتلفزيون.
مستني ردودكم
طارق

محدش علق خالص لية
أنا لا اوافق على اى حاكم لا يحكم بشرع اللة (خلصت)

هو له ايجابياته وسلبياته بس بصراحه كتر خيره انه عارف يحكم 80 مليون من غير مشاكل طائفيه زى اللى فى فلسطين والعراق وغيرها

والله اعلم لما يموت اللى جاى هيعمل ايه فى البلد اكيد هتحصل فتن وحاجات كتير

من اكبر سلبياته السرطان اللى انتشر والوزراء اللى نهبوا البلد وطبعا حكمه مش على الشريعه

ان شاء الله ربنا هيحمى مصر لانهم خير جند الارض
وقال تعالى " ادخلوا مصر ان شاء الله امنين"

شكرا على التوبيك

اية يا طارق انت بتتكلم في السياسة
شكلك اتعديت من الاخوان اللي في اي محاضرة يجي واحد منهم يتكلم معاكم
بس كويس انك بتغير موضوع الدراسة والمواد وتتكلم في حاجة تانية
وخلاصة موضوعك هو كل واحد من اللي بيحكموا بيظبط نفسة الاول ويسيب البلد تولع
حتي باراك اوباما لما حاء الي مصر اتصرف علي استقبالة حوالي 3مليار دولار
كان من الممكن نستفيد منهم في اصلاح البلد
لكن ازاي انعرة كدابة منهم للة ضيعوا شباب مصر
وبيقولو البلد متخلفة لية
علشان اللي ماسكنها ....
شكرااااااااااااااااااااااااااااااااااااااا

واللة ياطارق الموضوع مهم جدااااااااااااا
بس كل واحد بيجي بيكون اسوا من اللي قبلة
والحكم وحش جدااااااااااااااااا
لو كان حلو كانوا ظبطونا في الدراسة والمواد ومعقدوش الواحد في الدراسة
واحنا لسا في الاول
بجد حسبي اللة ونعم الوكيل
وتعليقي ورايي في حكم مبارك
الجواب بيبان من عنوانة شوف حال البلد وانت تعرف
noooooooooooooooo
comment

معلش يا يارا منا مش فاضي
انزل واشوف حال البلد
هههههههههههههه
يا عالم مين هيجي بعده
ولا انشله ميجيش حد
محنا عيشين هنعمل ايه يعني
طارق

زائر

alostaz كتب:: محدش علق خالص لية
أنا لا اوافق على اى حاكم لا يحكم بشرع اللة (خلصت)

هو دا
ميه ميه متفقه

» _ _ _ نكت مبارك _ _ _
» مصر تُزيل صور مبارك
» خفة دم هتافات الشعب المصري ضد مبارك
» شوفوالصدفة . مع حسني مبارك كيف
» :: أول صور للرئيس مبارك من ألمانيا ::